Unicode
March , 2005
Han မြစ်ရဲ့ ဘေးတစ်လျှောက် လေတွေ အရမ်းတိုက်နေခဲ့တယ် အဲ့အချိန်တုန်းက ဒီအတိုင်း လမ်းလျှောက်သွားရင်း Cameraလေးကိုပါ ယူလာခဲ့တယ် မြစ်ကြီးရဲ့ ဓါတ်ပုံလေးတွေ ရိုက်ပြီး ပန်းခြံထဲ ဆက်သွားတော့ အမေတစ်ယောက် သူ့ရဲ့ ၃လ အရွယ်ပဲ ရှိသေးတဲ့ ကလေးလေးကို ချီပြီး စနေလေရဲ့
ဒီမြင်ကွင်းက အရမ်း အသက်ပါလှတယ်
ဒီအခိုက်အတန့်လေးကို မှတ်တမ်းတင် ခဲ့နိုင်ခဲ့တယ်
ဓါတ်ပုံတွေဆိုတာ နှစ်တွေအများကြီး ကုန်လွန်ပြီး
နောက်မှာ ဘယ်တော့မှ ပြန်မရနိုင်တော့တဲ့
အမှတ်တရတွေကို ပြန်မြင်ယောင်လာစေတယ်
နှလုံးသားထဲမှာ သိမ်းထားခဲ့ရတဲ့ အမှတ်တရတွေကို
ပြန် မြင်လာစေတယ်
ပန်းခြံရဲ့ အလွန်တစ်နေရာက နတ်ကွန်းလေးဆီကို ဆက်သွားခဲ့တယ် အဲ့ နတ်ကွန်းရဲ့ဘေးနားမှာ ဆုတောင်းစာလေးတွေ ချိတ်ထားကြတယ်
နတ်ကွန်းလေးရဲ့ ရှေ့မှာလည်း အထက်တန်းအရွယ်
ကျောင်းသူလေးတစ်ယောက် ဆုတောင်းနေတယ်
အနီးနားကို ကပ်သွားကြည့်ရင်း သူမကိုပါ ဓါတ်ပုံရိုက်ခဲ့တယ် သူ့ကို ခွင့်မတောင်းပဲ ရိုက်မိလို့ စိတ်ဆိုးနေမလား? သူမက အသားဖြူဖြူ ဆံပင်ရှည်ရှည်နဲ့
ယူနီဖောင်း အကျီလေးဝတ်ထားတယ် ဘေးမှာ လွယ်အိတ်လေးလည်း လွယ်ထားတယ်
ရုတ်တရက် သူမ နဲ့ နောက်ထပ် ထပ်တွေ့ရတော့မှာ မဟုတ်ဘူးဆိုတဲ့ အသိက စိတ်ထဲကို ခံစားလာရသလိုပဲ
"နေပါဦးSeo Soojin , နင်ဘာတွေဖြစ်နေတာလဲ?"
အဲ့ ကျောင်းသူလေးက ပန်းရောင် စာရွက်လေးပေါ်မှာလည်း ဆုတောင်းစာလေး ရေးပြီး နတ်ကွန်းလေး ဘေးနားက ဝါးတန်းလေးပေါ်မှာ ချိတ်သွားတယ် ကိုယ့်ကိုတောင် သတိထားမိပုံ မပေါ်ဘူး....
သူဘာရေး မလဲ သိချင်စိတ်နဲ့ အနောက်ကနေ သူ့ချိတ်သွားတဲ့ နေရာလေးကို သေချာလေး မှတ်ထားလိုက်တယ် သူလည်း ထွက်သွားရော သူရဲ့ ဆုတောင်းစာ ရေးထားတဲ့ စာရွက်လေးကို သွားကြည့်ခဲ့တယ်
