تائهة في جسور حبه

الفصل الرابع عشر

مستنيه تفاعلكم معايا وارائكم في الفصل ⁦❤️⁩⁦❤️⁩⁦

⁦☘️⁩⁦❤️⁩⁦☘️⁩⁦⁦❤️⁩⁦☘️⁩⁦❤️⁩⁦☘️⁩⁦❤️⁩

عاد إليهم بوجه متجهم غاضب قائلًا : ايه اللى كان بيحصل هنا؟!

لم ينطق ايًا منهما ومالبثت أن نطقت ياسمين بطيبة وحب زائفين لسليم وهي تمثل البكاء وهي تقترب منه : طردتني يا سليم وبتقول إن ده بيتها وكل ده عشان انا قولتلك بتقولي هتفتري عليا ليك وتخليك تسبني ..!

وتابعت ببكاء في دور أحكمت تمثيله : اوعي تكون هتسبني فعلا؟!!

سليم وهو ينظر لقمر بعصبيه وبصوت غاضب :
الكلام ده حصل فعلا؟؟!

ياسمين بزعل وبكاء : هو انت مش مصدقاني ياسليم ...

سليم بتبرير : لا ابدًا يا ياسمين بس لازم أسمع منها هي كمان ..

ياسمين بزعل : يبقي عندها حق تقولي كده وأنت بتعمل كده ومش مصدقني...

ثم التفتت وهي تنوي الخروج وتركهم ولكن ناداها سليم فابتسمت بمكر علي خطتها الماكرة ثم محتها سريعًا وهي تلتفت له بدموع في عينها تلين قلب كل من ينظر إليها وليس فقط هو ...ولكن ليس سوي بكذب وبتمثيل متقن ..

فأجابها سليم وهو يشعر بتلك النظرة أنه ظلمها فقال بتأنيب ضمير : حقك عليا متزعليش أنا مقصدش وأنتِ عارفه مكانتك في قلبي اد ايه ...

وتابع بالم وهو مازال ينظر لياسمين : بس أنا بديها فرصه بس عشان خالتي مش هتصدق اخلاق بنتها صدقيني مش اكتر ..!

" أ يمكن أن يكون لبعض الكلمات أن تكون أحد علي القلب من السكين .."
أصابت تلك الكلمات قمر الصامته بمقتل تشعر بها سهام تخترق قلبها بلا رحمه وهي تنزل رأسها أرضًا خوفًا من ظهور تلك اللآلآء في عينها وتجعل من كرامتها جريحة أمامهم علي الاقل تكون خارجه بأقل خسائر فهي كانت ستجيب عندما وجه لها الحديث ولكن لم يعطوا لها فرصه وخصوصا تلك الياسمين ..

لكنها لن تصمت تلك المرة فغضت علي لسانها لمنع دموعها من النزول ..

وهي ترفع راسها وترد بقوة وتحدي : خطيبتك كادبه يابن خالتي وماما فعلًا مش هتصدق عشان عارفه أخلاق بنتها مش زي حد بيحاول يعلق مشاكله اللي مش عارف مين اللي عاملها علي الناس ، أنا سكت مرة وأنا بشوفك عمال تتهمني بحاجات وفلوس وشايف خطيبتك اللي بتكدب وكمان شتمتني قدامك من غير ما تكلم أنا عرفت دلوقت جابت الشجاعه دي كلها منين وهي شايفاك بتقطع في نسبك قدمها وبتشك في عيلتك .. إذا كنت ماتكلمتش امبارح فده من صدمتي فيك إنك تشك إني ممكن أعمل كده يابن خالتي ..