အပိုင်း-(၁၈)
ဆယ်ဟွန်းသတိရနေပြီဆိုသည့်သတင်းကြောင့် အိမ်ရှေ့စံနန်းဆောင်ထဲကို လုဟန် အဆောတလျင်ဝင်ရောက်လာခဲ့သည်။ အိပ်ခန်းဆောင်ထဲတွင် ကုတင်ပေါ်က ဆယ်ဟွန်း နားတွင် မိဖုရားယူက ပန်းကန်ထဲမှ ဂျင်ဆင်းဖြစ်ဟန်တူသည့် ဆေးကို လှမ်းခွံ့တိုက်နေသည်ကို မြင်လိုက်ရ၏။
“သြော် မင်းသားငယ်.”
“အိမ်ရှေ့စံမင်းသား သတိရပြီဆိုလို့ သတင်းမေးဖို့လာခဲ့တာပါ.”
“တော်တော်လေးသက်သာနေပါပြီ.. စိတ်မပူလို့ရပါပြီရှင်.”
မိဖုရားယူက ခပ်ပြုံ့းပြုံးမျက်နှာဖြင့်ပင် ဆယ်ဟွန်းကို ဆေးထပ်မံတိုက်သည်။ လုဟန်ကသာ ဆယ်ဟွန်းမျက်နှာကို အမိအရ ကြည့်နေပေမယ့် ဆယ်ဟွန်းကတော့ဖြင့် အကြည့်တစ်စုံတစ်ရာတောင်မှ လုဟန်ဆီသို့ရောက်မလာခဲ့ပါ။လုဟန် တော်တော် လေးဝမ်းနည်းသွားမိပါသည်။ ဆယ်ဟွန်းက သူ့ကိုဥပေက္ခာပြုနေလေရဲ့။ပြီးတော့ လုဟန်က မလိုအပ်သည့် လူပို တစ်ယောက် ကဲ့ သို့ခံစားရစေသည်။
“ဟုတ်ကဲ့ ကြည့်ရတာ အဆင်ပြေတဲ့ပုံပါပဲ။ဒါဆို ကျွန်တော့်ကိုသွားခွင့်ပြုပါဦး”
အရိုအသေပေးလှည့်ထွက်လာပြီးနောက် လုဟန်ပါးပြင်ပေါ်မျက်ရည်စတို့စီးကျလာသည်။ဆယ်ဟွန်း သတိလစ်နေသည့် သုံးရက်လုံး သူ အနားကတစ်ဖဝါးမှ မခွါဘဲနေခဲ့တာ။သတိရလာတာနှင့် သူ့ကိုဦးဆုံးမြင်စေချင်ခဲ့တာ။ သူ့အနားမှာ လုဟန် ရှိနေပေးသည့် ခံစားချက်ကိုပေးပြီး စိတ်သက်သာစေချင်ခဲ့တာတွေက ခုတော့ ရေစုန်မျောသွားခဲ့လေသည်ပေ့ါ။ဖြစ်သင့်တာပါပဲ လေ။ဒီလိုအခွင့်အရေးမှာ ကယ်တင်ပေးခဲ့တာတောင် ဂရုစိုက်ဖို့ စိတ်ကူးမရှိသည့် လူရမ်းကားကောင်လေးအဖြစ်သတ်မှတ်စိတ် နာပြီး မိဖုရားယူနှင့် အေးအေးချမ်းချမ်း နန်းတက်နေထိုင်သွားနိုင်ရင်လည်း အတိုင်းထက်အလွန်ပေါ့။
လုဟန် မျှော်လင့်ဖြစ်စေချင်ခဲ့တာ ဒီလိုပဲမလား။
“ခဏလေး..”
ရုတ်တရက် ဆယ်ဟွန်း ထံမှ အသံထွက်ပေါ်လာတာမို့ ပါးပြင်ပေါ်က မျက်ရည်စက်ကိုခပ်မြန်မြန်သုတ်လိုက်ရင်း နောက်ပြန်လှည့်လိုက်သည်။
