كرهت الحب بسببك

البارت الثاني

فرح. اوف شكد مغرور هسة بعد مااشوفة حتى مااجة ويانة ايو كليلي شسوي

ايو. روحي صيحية ويجي يلعب ويانة

فرح. اي صدك راح اروح اكعد يم امي بلكت واحد منهم يخلي ايفان المغرور يجي ويانة

ورحت كعدت يم امي الي حاطة اخوي الزغير بحضنها تنوم بي وكعدت يمها وشاورتها

فرح. ماما خل ايفان يجي يلعب ويانة

ام احمد. تعاي فروحة شبيج حبيبتي

امي. لا مابيها شي بس تريد ايفان يلعب وياها وتستحي تكول

ام احمد. هههه تعاي حبيبتي (وباستني بخدي) فدوة لله اموت عليها هاي البنية شنو من جمال واخلاق شايلة

امي. اي صحيح هية كلش حبابة

ام احمد. ايفو روح العب وياها احنة هسة شوية ونروح

وكام وياي شفت الفرحة بعيونة وقبل لاندخل للصالة

فرح. اريد اعرف انتة شنو ساعة تحب تلعب وياي وساعة ماتحب تلعب

ايفان لزم ايدية وباوع بعيوني وسكت للحضات وكال. اسف بس انة اخاف عليج

فرح. من شنو تخاف علية انة مو طفلة ترة

ايفان. فرح انتي ماتعرفين شي انتي بريئه وماتفهمين شي من الدنيا واتمنى كل الناس تصير مثلج

فرح خجلت. اي فهمني انتة ولاتغير الموضوع

ايفان. ماكو شي ويلة خلينة نلعب

فرح. مااريد العب روح انتة

ايفان. براحتج انة رايح يم ابوي وامي
وراح وانة طكيت رجلي بالكاع انقهرت كلش من تصرفاتة وياي
واجتني اية
اية. شبيج معصبة شحجيتو

فرح. ايو راح يخبلني

ايو. اكلج فرح

فرح. كولي

ايو. انتي تحبينة

فرح ارتبكت من هذا الشي. هااا اي لا ماادري

ايو. فرح اكعدي وي نفسج وفكري صح شنو انتي تحبية او لا

واجت ام ايو وخذتها وراحو لبيتهم وايفان واهلة هم راحو وخوالي كلهم راحو

مرت الايام والسنين وكبرت ووعيت وعرفت بنفسي اني احب ايفان وصرت بصف الاول متوسط وجان عرس اختة ورحنة كل عائلتنة ولبست بنطرون زيتوني وقميص اسود وبي نقشات زيتوني وانة ماالبس شال سويت شعري ذيل حصان ونزلت كذلتي وطلعت حلوة كلش ورحنة وشفت ايفان اجة يسلم علينة وانة فرحت كلش احبة واعترف بس مااعرف هل هوة يحبني او لا

وجان العرس كلش حلو وجنت انة افتر بالعرس ماكعدت وجاي اوزع ماي وصلت يم ام احمد وانطيت الماي لوحدة كاعدة يمها

المرة. خالة انتي بت من

فرح. اني بت ام فرح

المرة. وينها امج اريد اخطبج لابني

وقبل لا اجاوب حجت ام احمد. لا ام زيد شنو السالفة البنية اهلها ماينطونها بعدها ترفة وينها وين الزواج فروحة روحي جيبي تلفوني بشقة احمد فوك

رحت وانة مستغربة من ردة فعل بيبي وكمت ادور ع التلفون وشعري مفتوح ونازل ع وجهي وحاطة مكياج هادى كلش وتفاجات من شفت ايفان واكف يبوعلي

فرح ارتبكت من نضراتة الي. اء ايفان شتسوي هنا اااء اقصد تلفون بيبي وين

ايفان ابتسم ع ارتباكي. شنو هلجمال

فرح فرحت كلش من كال هيج. وانتة هم مامقصر طالع حلو

ايفان تقرب الي ويباوعلي بنضرات غريبة ماكدرت افسرها ولزكني ع الحايط وحاوطني بايدية

ايفان. فرح اريد اكولج شي

فرح ارتبكت ارتباك مو طبيعي من قربة. اي احجي

ايفان. فرح اني احبج

فرح سكتت ونزلت راسي مستحية

ايفان. فرح اني حبيتج من اول ماشفتج من جنة زغار بس جنت احاول مااتقرب الج او احجي شي لحد ماتكبرين شوية بس بعد مااتحمل بعدج علية اريدج تكونين الي وبس

فرح فرحت وكلت بصوت ناصي كوة ينسمع. واني هم

ايفان فرح. وانتي شنو احجي لاتخافين

فرح. واني هم احبك

ايفان. احبج يابعد دنيتي كلها بس اريد نبقى ع تواصل شلون

فرح. بس اني ماعندي تلفون

ايفان. اجيبلج اني تلفون وبدون علمهم

فرح. لا ايفو اني مااكدر اخون ثقة اهلي بية بليز هاي السالفة انساها كلش

ايفان. جا شلون نتواصل

فرح. اوف ذبها ع الله

ايفان اخذ خصلات شعري يلعب بيهن وبعدين حس بية ولزم ايدي لكاها ترعش

ايفان.فرح شبيج خايفةمني 

فرح. لا مو هيج السالفة بس وخرعني انة اخجل من هيج اشياء واني رايحة خاف اهلي يحسون

ايفان. لا تروحين ابقي يمي مشتاقلج

فرح. لا ايفو مااكدر
وعفتة ورحت اخذت التلفون ونزلت واحس جسمي اشتعل نار وطايرة من الفرحة رحت وركصت وعبرت عن فرحي بالركص والضحك وي اقاربنة واحس الكاع ماشايلتني من الفرحة
وخلص العرس وام احمد جلبت بينة وراح نبات عدهم ولبست ملابس من طيف اختة واني وايفان واحد يباوع للثاني نضراتنة فاضحتنة
ونمت

هل هاي الخطوة حلوة بحياتهم ام بعدهم صغار ومايعرفون الحب الحقيقي انطوني رايكم بالتعليقات ولاتنسون التصويت