كرهت الحب بسببك

البارت الثامن عشر

طلع من البيت وانة كمت انضف بالبيت وبقيت محتارة شلون اسوي الغدة واني مااعرف شي شلون يربي هسة شو خل اشوف شكو بالثلاجة وبعدين اسطر شلون ماجان يارب ساعدني ولا انوب يكلي مااريد هذا الاسود عليج هوة شعلية اف شنو هاي حتة ماصار سنة ع وفاة اهلي انوب انزع الاسود شنو هية بكيفة

رحت للثلاجة لكيتها فارغة دورت بالبيت ع شي ينوكل مالكيت اي شي كمت نضفت البيت وغسلتة ومسحتة وعدلتة وعطرتة وطلع يخبل انفتح الباب واجة زوجي الي مااعرف حتى اسمة

نادر بدون نفس. وين الغدة جوعان

بقيت لااخذ ولا اطي وساكتة

نادر بعصبية. الغدة وين انة جاي احجي وياج

فرح. ااا الغدة

نادر تخبل من سمع صوتها. مانحجين صابج الخرس

فرح بارتباك وخوف. ااااا الغدة ااا ماطبخت ما ما مالكيت شي بالبيت

نادر يحاول يتمالك نفسة مامصدك هاي فرح نفسها الي جانت بالمول وترقم. ها صح يلة شوية بعد واروح اتسوك هسة يعني ماكو شي ينوكل

فرح. لا

نادر. انة رايح اجيب غدة وارجع مو تفتحين الباب لاي شخص

فرح. اي

توقعت راح اليوم يوديني لاهلي بالنجف بس الحمد لله ماصار شي بس بالبداية يحجي بعصبية وبعدين تغير كلامة وياي

اجة نادر ورحت اجهز الغدة وحطيتة كدامة ياكل

نادر وهوة ياكل. تعاي اكلي

فرح. لا مااشتهي

نادر. كتلج تعاي ولاتجادليني

اجيت كعدت كبالة واصفن بالاكل كوة اكل وانتبة علية

نادر. انة مو كتلج هذا الاسود مااريدة عليج

فرح نزلت راسي.اهلي ماصار سنة ع وفاتهم امي وابوي وخواتي اثنين واخواني اثنين كلهم توفو بيوم واحد وتريدني انزع الاسود وافرح اني الفرحة دفنتها وياهم ماكو شي يفرحني بعد

نادر تاثرت بكلامها. بس اني مااحب هذا اللون هسة كومي نزعية بسرعة اتخبل منة

فرح. مااكدر

نادر بعصبية. تنزعينة لو اشكة عليج والله واكوم احرك شكو شي لونة اسود بالبيت

فرح رضخت للامر الواقع وكلت بحزن ودموعي تارسة عيوني. بس ماعندي ملابس

نادر. كومي نزعي هسة ولبسي من عندي على ما اروح للسوك واشتريلج ملابس

فرح واكفة بمكانة

نادر. كتلج يلة بسرعة غيري لبسج هذا

فرح تمشي بتثاقل وفجاءة وفقدت الوعي وركض نادر الها وشالها حطها ع جرباية وجاب الماي ويشمر ع وجها حتى تكعد بس ماكو فايدة ضل محتار شيسوي وخايف واول مرة انتبة لوجها حلوة وبريئة بس الي مخرب وجها هاي اثار الضرب الي ع جسمها