كرهت الحب بسببك

البارت الخامس والعشرون

فرح تجمعت الدموع بعينها وكمت عن المسطبة ورحت قريب ع الشط وهوة نضراتة علية وبقيت اتامل الشط
واجة امير الي ووكفنة سوة نتامل الشط واثنينة ساكتين
احس امير بحلكة كلام ويريد يحجية

امير. فرح

فرح وهية صافنة ع الشط. هممممم

امير. ليش طالعة بهذا اللبس

فرح. ليش شبي؟

امير. بنطرون وقميص لحد الركبة شنو هاي وجنتي تفترين بالسوك

فرح. امير انة هذا لبسي ومااغيرة اهلي راضين

امير لزمني من متوني وبعصبية. يااهل تحجين عنهم يااهل اهلج وماتو و جدج الي مخليج تفترين وحدج بالسوك لو خوالج وولد خوالج الي مخلين بت اختهم تايهة بالاسواق وحدها وبدون لا حساب ولا شي

فرح تجمعت الدموع بعينها. شكرا يااستاذ امير ع هذا الكلام الحلو الي ماخليت واحد من اهلي ماحجيت علية صح انة اهلي ماتو بس همة اهلي وسندي بالمستقبل انة من عرفو بموضوع نادر ماتدري شسوو ومن عمك كسر ايدي وكلتلهم لعبو لعب بس ماخليتهم يسون شي خفت لاتصير مشاكل مو مثل جدك وعمامك اكو واحد بيهم تحرك اكو واحد من عدهم سوة حل لمشاكلي محد وكف وياي غير جدي ابو يوسف وخوالي همة سندي وضهري

امير.ءءءءء فرح ءءء مو هيج قصدي

فرح. لا قصدك بس مع الاسف ماتوقعت انتة هيج تفكر بس الانسان تعرف البداخلة بوقت عصبيتة وانتة هسة بينت ع حقيقتك الحمد لله ماتعلقت بيك وحبيتك لان انتة انسان فاشل مادام هذا تفكيرك ومايتغير

ودفعتة عني ومشيت مااعرف منين اجتني هاي القوة وحجيت هيج وجاي امشي واسمع امير يصيح وراي واية هم تركض وراي ومستغربة وانة اركض وامسح دموعي وابتعدت عنهم وكعدت جوة شجرة وابجي وابجي واجتني اية وشبكتني

اية. شبيج حبيبتي شسوالج امير شحجة وياج وصرتي هيج

فرح وهية تبجي. هئ هئ يحجي ع اهلي الله يرحمهم هئ وتعاركت وياة هئ

اية. تعاي يكلبي خلينة نرجع للبيت اليوم انتي تعبتي كلش

فرح. اريد اعرف اهلي ليش سموني فرح وانة الحزن مافاركني بيوم ليش؟

اية. لاتبجين يروحي يلة كومي خلينة نروح لبيت

كمنة من مكانة ورحنة لاماكن السيارات حتة نرجع للبيت وكدام انضار امير وماكو ولا سيارة فارغة واجة امير وراد يوكف سيارة النة وصحت باقوى صوت عندي وكل الناس انتبهت الي

فرح. وخرررر مناااا ماااااريد مسسساعدددددتك ااااانتة كككفييت وووفيييت ببببعد مااااريد منننننكم ااااي شي كلللكم نففففس الطييينة

امير. فرح لاتصيحين علية رجائا فهميني انة مو قصدي

فرح. خلص مااريد شي كتلك مااريد شي منكم كلكم ابعد عن حياتي تررة ملييت