كرهت الحب بسببك

البارت السادس والعشرون

فرح. ههههه ولاتكعدين راحة روحي كلي للبنات خل يتفقن منو تروح ومنو تبقى للمجموعة الثانية

اية راحت واجة امير الية وانة بقيت مثل الصنم واكفة وخايفة لان بس انة بالشارع ومدرستنة بعمارة يعني محد بيها مهجورة واجة يمي

امير لزم ايدي بعصبية. منو هذا محمد وانمار وعمار وشنو هاذا التلفون وشنو هذا اللبس الضيك والشعر الطالع وشنو هاي السوالف والضحك وبالشارع هاااااحجي

فرح هديت ايدي منة وبعصبية. وخررر عني لا تخليني هسة الم عليك الناس كلها واخليك فرجة لليسوة والمايسوة وهاي حياتي مالك دخل بيها فتهمتتت

امير. فرح لاتخليني اسوي شي بعمرج وحياتج ماشايفتة

فرح هزيت ايدي. والله ياالله شتريد تسوي مثلا تخطفني تذبحني تموتني

امير. اي اسوي كلشي انتي بعدج ماشفتي شي فرح انتي ماجاي تفهمين حبي الج شلون صاير

فرح. كلتك روح منا لاتخليني الم عليك الناس كلها ماانسى كلامك مال ذاك اليوم ماانساهن

امير. يابة كتلج بالغلط طلعت مني فرح اريد رقمج اريد اتفاهم وياج

فرح. لا والله انتة مصدك روحك انة انطيك رقمي دروح بابا روح نجوم السمة اقربلك

امير راد يحجي واجت اية وتباوعلة. ها فروحة شبي هذا وياج اذاج بشي

امير. لا تخافين مااذيها هاي روحي شلون ااذيها

فرح بصياح. اميير كتللك رووح منااا مااريدك تفهم لو لا انتة ماخليت اي ذرة حب بكلبي

واجة السايق وطوط النة
انمار. ها فرح شلونج شنو وين البنات يلة خل يجن

فرح. هلا بيك نموري الحمد لله انت شلونك هسة اصيح البنات

وصعدت اية وانة رحت اصيح البنات وصحتهن تحت انضار امير وصعدت وبدن البنات سوالف وضحك وي انمار بس انة حاطة راسي ع الشباك وافكر انة السويتة صح امير يحبني بس ليش يغلط ع اهلي وليش من صارت سالفة نادر ماسوة اي شي ودافع عني كلشي ماسوة طول الطريق افكر لحد ماصاحتني اية

اية. فرح وصلنة يلة ننزل صار ساعة نصيح عليج

فرح بغباء. هاا اي يلة امشينة

ونزلت وانة تعبانة كلش شمرت روحي ع جرباية ونمت بملابسي ماحسيت بشي تعبانة نفسيا وجسديا

وكعدت ع صوت اسراء. فرح يمة كعدي شسالفة نايمة هيج وبهدومج وجهج اصفر شبيج يروحي

فرح افرك بعيوني بعدني نعسانة. خالة تعبانة شوية من ضغط الدوام ونعسانة

اسراء. ولج حتى غدة مامتغدية كومي تغدي وسبحي هسة تصحصحين وترتاحين

فرح. ماشي كايمة بس فدوة اريدج تسويلي عصير نومي احب التسوينة انتي