وبس اني كاعدة البنات تعبانات ونامن كبل اندك الباب ولبست شالي ودخل امير
امير. هاا فرح شعندج كاعدة
فرح. مالك غرض شتريد ترة هاي غرفة البنات ونصهن مامتحجبات روح اطلع بليز
امير متت ع اسوبها وياي حتى لو عرك بس احبة. ههههه ماشي بس لاتعصبين ردت اشوف منو الكاعدة منجن تسويلي عشة جوعان
فرح. بس البنات كلهن نايمات روح سوي لنفسك
امير. لا والله كومي انتي سويلي عشة حبابة والله جوعان
فرح. يلة عمي كايمة
وعدلت شالي ونزلت وهوة وراي يمشي دخلت للمطبخ
فرح. وانشالله راح تبقى هنا
امير. اي اكيد من غرفة البنات وطردتيني كلت بيها مجال وحقها بس تطرديني من المطبخ هاي واكفة ياست فرح
فرح. وشتريد اسوي عشة
امير. امممم اريد بيض وطماطه وجاي
فرح كمت اسوي وهوة كعد ع الكاونتر ولازم التلفون بس عيونة علية مليت من نضراتة
فرح. انتة شبيك ليش تباوعلي هيج ماتستحي
امير. شلون ترديني مااباوع والكمر نازل يمي
فرح. امير انجب احسنلك اني مو من بنات الكلية واتقشمر بكلمتين شوف اني امي وابوي الله يرحمهم ربوني احسن تربية وافتخر بيها
امير. والنعم من تربيتج بس اني من اشوفج ماادري شيصير بية ثقي بالله العلي العظيم اني ما عندي غاية من نضراتي بس انتي حلوة ومااكدر اشيل عيوني عنج اسف
فرح سكتت وبقيت ساكتة ماتنفست بكلمة
امير. انتي اكو شخص بحياتج اااااء اقصد يعني تحبين او معجبة بشخص
فرح تذكرت ايفان. لا ماحبيت ومااريد احب لان احسة عذاب
امير فرح لان ماكو شخص بحياتها. ههههه ليش منو كالج
فرح. امممم اسمع صديقاتي بالمدرسة وحدة تشكي للثانية عن حبيبها واكو بيهن يبجن اني بنضري مايستاهلون البجي لان مااعتقد اكو حب حقيقي بهذا الوكت
امير تفاجات من تفكيرها ع بالك تفكير وحدة خمسينية مو طفلة عمرها 14سنة. لا بالعكس اكو بيهم يحبون صدك انتي جا شلون تزوجو امج وابوج
فرح. اوف لاتذكرني بليز
امير ردت اغير الموضوع وكمزتها بصياحي. العشة العشة احترك
بس مااحس غير الخاشوكة اجت بوجهي ومتت من الضحك عليها
فرح. اوف منك امير كلة منك انجويت
امير كمزت الها خفت عليها واخذت ايدها وغسلتها بالماي البارد وحطيت الها معجون طبخ وهية خطية موجوعة اخذت ايدها وكمت انفخ عليها وهية كلساع وساحبة ايدها مني واخذها وبعدين جرت ايدها وكامت هية تنفخ عليها واني بقيت صافن عليها وع جمالها انوب الشال طاح وطلع الشعر الطركاعة اوف هاي البنية تريد تخبلني وانتبهت وحطت الشال ع شعرها وكامت من الكاع وكلبت الاكل رغم الوجع الي بيها بس قوية ومرات ضعيفة حجاية تبجيها بس ماالومها الشي المرت بي كلش مو سهل ع وحدة بعمرها يارب صبرها ع فراك اهلها لان خطية ماتستاهل
امير. اسف جان كعدت طيبة او عبير وخليتهن يسون الي عشة بس
فرح ماخليتة يكمل. لا عادي هنة خطية مامتعودات ع الطلعات وتعبانات نامن
امير شوف التفكير شوف اوف يارب صدك تخبلت مابيها مجال. هههههه انتي كلبج طيب اتمنى كل الناس مثلج
فرح استحت. دكافي كافي يالتيل هاك عشاك خل اروح انام
امير ابتسمت ع خجلها. هههههه يالقزمة يلة روحي بس ماتردين تاكلين وياي
فرح. لا بالعافية اني كاعدة من الصبح واريد انام
امير. تصبحين ع خير
فرح. وانتة بخير وراحت
كعدت الصبح ع صوت الاء واكفة فوك راسي وفرحانة تكعد بية
الاء. ولج اكعدي انتي من اجيتي وجبتي الخير وياج
فرح كعدت افرك بعيوني بعدني نعسانة. هااا شبيج خبلة نعسانة
الاء. لج فرح راح نروح للسوك نشتري ملابس لعرس بنين وعبود
فرح كعدت. اي ع الخير حبي تستاهلين كل الخير
بنين. تسلمين كلبي يوم الالج وللبنات
فرح. هههه لا اني مااريد اتزوج
الاء غمزت. علينة علينة ولج فرح (وبصياح) هاي شبيها ايدج
فرح. البارحة جعت باليل وسويت طماطة وانجويت بيها
الاء. ياحبيبتي اي غير تنتبهين يلة تعاي خلينة نتريك جدي كلساع يصيح علينة
فرح. انزلن انتن اني اغسل واجي
ورحت اغسل وصادفت بطريقي عمي ابو كرار اف ياربي شكد اكرها
فرح. صباح الخير
عمي ابو كرار باستهزاء. ياخير اليجي من شوفة خلقتج
ودفعني طحت ع الكاع
فرح. انتة ليش تعاملني هيج
عمي. لانج بت الكلب صادق
فرح بعصبية وصياح. مااسمحلك تغلط ع بابا ابوي احسن منك واشرف منك
واجة علية يريد يضربني واجة جدي وكلهم وراي وسمعوني اصيح
جدي بصياح. فرح ليش تجاوزين ع عمج يلة اعتذري كدامي
فرح. جدو والله العظيم هوة الي غلط ع ابوي
جدي. محمد صدك هذا الحجي
عمي. يعني تجذبني وتصدك هاي الزعطوطة
جدي. فرح اعتذري احنة كلنة سمعناج تغلطين ع عمج المفروض تحترمينة
فرح ودموعها تصب اني عمري ماانذليت هيج. اسفة بعد ماتنعاد
وركضت للغرفة وقفلتها وابجي وشبكت صورة اهلي
فرح بصوت مسموع.
هل غلطت فرح لان غلطت ع عمها ابو كرار
وراح يمشيها الها لو ينتقم منها بغير وقت
انتضروني بالبارت القادم وجاوبو بالتعليقات ولاتنسون التصويت باي احبكم
أنت تقرأ
كرهت الحب بسببك
Romansالرواية تتكلم عن فرح الي ماضاكت الفرح بيوم اتمنى منكم متابعة حلوة واتمنى تعجبكم روايتي
