كرهت الحب بسببك

البارت احدى عشر

وانة حتة ادافع عن نفسي اخذت الصوندة ورشيتة بالماي  وهوة كام يصيح ولزمني من ايدي وعصرها بكل قوتة اني ناعمة وهوة ضخم كلش وحسيت ايدي انشلت من كد ماعاصرها ويحجي وياي بس مافهمت لان جان وجع ايدي اقوة من كلشي وعصرها وصحت صوت بس الله يعلم بي ووخر عني وكام يضربني ماخلة مكان بجسمي ماضربني بي وبعدين شمرني بالكاع وطلع وبقيت مااكدر اكوم ايدي توجعني وتنكعت بالماي والصوندة فوكاي وبس اتالم واتكلب ياشايلة ايدي يا حاطتها بالكاع وابجي واصيح حسيت نفسي راح اموت ياربي دخيلك مليت اخذ روحي وخليني اشوف اهلي مشتاقتلهم كلش
وبعد ماحسيت بشي فقدت الوعي بس حسيت اكو شخص شالني وبعد مادريت بشي

امير
جنت طالع العصر اخذت خواتي وعد وطيبة وعبير وزينة وخلصنة ورجعنة للبيت
دخلت لكيت الكاع ناكعة ماي
امير. هاي شنو الماي اليوم ع منو التنضيف
عبير. خوية امير اليوم التنضيف ع فرح
وعد. مبينة ماتعرف تنضف شوف شوف الكاع شلون كلها ماي هسة تجي امي وتضل تصيح

عفتهن يسولفن ودخلت لكيتها طايحة بالكاع ومنكعة ملابسها ودموعها بخدها وركضت الها وحطيت راسها بحضني وادك ع خدودها بخفة حتة تكعد واجن خواتي

وعد. اموري تعال شيلها حطها بالغرفة خل نبدل هدومها لا تتمرض الدنيا باردة

وشلتها وهية فاقدة الوعي عبالك جثة بين ايدي وخفت عليها كلش هاي كلبي وروحي هيج يصير بيها هيج
حطيتها ع الجرباية وطلعت بس عقلي وكلبي وياها وافتر برة الغرفة اروح يسار واروح يمين لحد ماطلعت اختي زينة

زينة. ا اا امير هاي البنية جسمها ازرك وتشكي من ايدها

امير تخبلت من كالت هيج دفعتها ودخلت عليها لكيت الشعر منكع تنكع ونازل ع الوجة ولازمة ايدها وتتكلب من الالم كعدت يمها ع الجرباية وحطيت ايدي ع راسها

امير. فروحة حب (وسكتت غيرت الموضوع) فروحة شبيج شنو اليوجعج

فرح رفعت راسها وباوعتلي ودموعها تارسة وجها وبصعوبة تحجي. ا ا ا مم ير اي ايييدي اه امير ايدي ايدي اخ يمة راح اموت ايدي توجعني اخ يمة

امير مابقة ذرة عقل براسي وبصياح. طيبة زينة عبير تعالن لبسنها شي خل اخذها للمستشفى يلة بسرعة

وكامن وحدة تنصدم بالثانية اول مرة يشوفن اخوهن هيج ويصيح عليهن وجابن صاية ولبسنها ولبسنها شال وهية لازمة ايدها وتبجي وتتالم وبسرعة اخذت تكسي واجت وياي عبير وكل دقيقة اباوع الها تتالم وتمنيت الوجع الي بيها بية وادعي بكلبي يارب صبرها ع الوجع يارب واخيرا وصلنة للمستشفى وجان ماكو دكتورة بس دكتور وطلع ايدها وكام يتلمس حتى يشوف الام وين طبعا هوة هذا واجبة بس اني ماادري شبية تخبلت كمت اخذ كلشي بغير نية وبغير تفكير واخذتها وسوينة فحوصات الازمة واشعة وطلعت مكسورة وجبسها الدكتور ورجعنة للبيت بليل ولكيت كلهم متنضرينة ع نار واجن البنات ركضن وساعدنها من شافنها مجبسة