كرهت الحب بسببك

البارت واحد وعشرون

وكعد نادر يسولف وي اهلي واني صافنة علية ورة شوية دخلت علية اية بت خالي وركضت الية وشبكتني وتبجي

اية. فروحة يروحي شخبارج ماتعرفين شصار بغيابج عني

فرح وخرتها عني. ههههه شصاير حبيبتي

اية غمزت😉. بعدين اكلج ههههه تعاي البنات برة ويستحن يدخلن

فرح. ماشي

اية دارت وجها ع نادر الي كاعد يمي وقريب عليها ورفعت ايدها. هلا والله شلونك نسيييب (كالتها بصوت يضحك مثل صوت الزلم وكلنة ضحكنة عليها)

نادر يضحك. ههههههه 😂هلا بيج

وطلعنة رحنة لغرفة البنات وسلمت عليهن باشتياق لان ماالكة مثل حنيتهن علية بنات خوالي

اية. خاب هذا رجلج وين لاكيتة مو حلو انتي احلى منة

فرح. لا زين شكلة مقبول بعد شسوي هاي قسمتي

امل بت خالي. فرح نزعي العباية محد غريب هنا

فرح نزعت العباية جنت لابسة جواهن ملابس نادر

اية تغمز وتضحك. يمة الحب يمة 💞لابسة من ملابس حبيب القلب

فرح خجلت. ههه لا بس من تزوجت صار زواجي بسرعة ومااخذت ملابس وبقيت صار شهرين البس من ملابسة واليوم يلة اشتريت ملابس وحتى هياهن بعدني مالبستهن

اية. اي هسة تعاي احجيلج شصار وياي

ورحت وياها لغرفتي. اي احجي

اية. قبل اسبوع اجت خالتي من الاردن واجة وياها ابنها بس خرب حظي علية جمال كارثة يخبل يخبل تكول جاي من غير كوكب واجو عدنة واني بديت اعدل وابدل واتندر كدام خالتي حتى تخطبني لابنها وبعدين طلع توة خاطب وخطب الي يحبها بس غير متت متت متت

فرح. بس مو كثرتي ب متت هواي 3مرات

اية. انتي جاي تضحكين علية دروحي انتي ورجلج

فرح. هههههه نجبي ايوش

اية عصبت بس بشقة. جم مرة كتلج لاتكليلي ايوش

وكعدنة نتشاقة ونزلنة تعشينة وتحضرو خوالي اربعتهم ورجل خالتي وولد خوالي 7 وجدي ونادر واني
وتوجهنة لبيت جدي ابو محمد
دخلنة وسلام عادي

جدي ابو يوسف ابو امي. اليوم جايينكم بموضوع مهم يخص فرح بتي

جدي ابو محمد. اي يخوي احجي قلقتني اذا بخصوص الزواج هية غلطت واني سترت ع الغلطة وزوجتها

نادر بعصبية وصياح وطفر من مكانة. هوووة شنوو الغلللللطت بي غيييير بت ابننننك الي سوووت عملللتها وبلللتها بففففرح

ولزمت ايدة حتى اهدية وكلها كبت بالصياح

ابو يوسف. اي ياابو محمد كلام نادر صحيح بتنة ماتسوي هيج وهاي بت ابنك اعتقد كلتو اسمها رغد اي رغد هية الي سوت هيج وانتحلت شخصية فرح ونادر ع بالة هية فرح وسوة عملتة ونشر الفديو

ابو محمد. شششنو الحجي الجاي تحجية انتة رغد ماتسوي هيج

ابو كرار بصياح. اعرفهاااا هااااي خخخخطة مننن فففففرح حتتتتة تتتتتطيح بببتي ممممثل ماااا طاااحت ههههية بببيها انننة بتتتي مربيها بايدي ماتسوووي هيييج

ابو يوسف. اكعد ياابو كرار احنة جاايين حتة نتفاهم ونفهمكم الموضوع ع الاقل احترم شيباتي ولاتصيح

ابو محمد. كااافي ابو كرار اكعد وخلينة نفهم الموضوع نادر بوية احجيلنة السالفة من البداية

نادر بدة يحجي الموضوع من البداية للنهاية

شنو توقعاتكم للبارت الجاي جاوبو بالتعليقات ولاتنسون التصويت

شنو راح يصير بالكعدة راح ينصفون فرح وياخذون حقها وراح يصدكون انو رغد ورة كلشي صار او لا