كرهت الحب بسببك

البارت الثاني عشر

امير ابتسم. هههه شبيج احجي لاتخبليني بسكوتج هذا

فرح وكلبي دكاتة الف ومحتارة. امير مااعرف خليني افكر

امير. اي ع راحتج فروحة حياتي مستعد انتضرج العمر كلة بس لاتطولين مو كلبي بعد مايصبر اكثر

وراد يطلع اني لزمت ايدة وبقى صافن علية ابتسمت وكتلة

فرح. انتة قبل شوية داويتني هسة اني اداويك حتى بعد لا اطلبك ولاتطلبني

امير ابتسمت ع كلامها حسيت كلامها او صوتها هوة الطيب جرح ايدي. هههههه فدوة يعني وحدة بوحدة لا انتي وين باقية بس ايد وحدة اني اداوي ايدي انتي اهتمي بايديج ههههه البارحة حرك واليوم كسر

فرح طكيتة ع ايدة بخفة وابتسمت. دروح يلة هوة صوجي انة يلة روح تقلد علية مووو انة زعليت منك

امير. يمة فديت الزعلانين لج امووت عليج شنو تردين وارضيج

فرح استحيت من كلامة . ههههه اريد بيبسي وجبس

امير وكف. بس هاي سهلة اجيبلج المحل كلة اذا تردين هسة دقايق واجيبة

وطلع وانة اضحك علية اول مرة اضحك هيج بعد وفاة اهلي واول مرة هيج يصير بية كلبي بس يدك واحس صوتة فاضحني معقولة ياامير حبيتك بس وايفان شلون اني لازم اجيس نبض ايفان بعدة يحبني بس اني احب منو ايفان او امير والله احتاريت بينكم
ودخل امير
امير. وهاي كلها الج حبيبتي

فرح. امير اريد امممم ممكن تلفونك اتصل ع بت خالي كلش مشتاقتلها

امير. اي صار حبي هاج اخذية

فرح مستحية منة ومن لطفة. امممم بس ع انفراد ممكن و(يريد يحجي وقاطعتة)  لاتخاف راح اسمعك صوتها وتاكد هية بنية او لا

امير. لا مو قصدي هيج اني ثاق بيج بس ردت اكلج تعرفين تتصلين

فرح. ههههه اني صح ماجان عندي تلفون بس جان تلفون خالتي وبنات خوالي وولد خوالي اربعة وعشرين ساعة عندي ولازمة تلفوناتهم

واتصلت وجاوبت اية بت خالي هية الوحيدة الي اثق بيها

فرح بلهفة. الو ايوش اني فرح شلونج ايوش مشتاقتلج

اية بلهفة اكثر مني. ولج فرح هاي انتي مشتاقتلج خبلة وبجت هاي اول مرة يمر اسبوع واني ماشايفتج مشتاقتلج شخبارج انتي

فرح. لج شحجيلي عني هسة احجيلي جدو وبيبي واسراء اا اقصد خالتي اسراء ههههه شخباركم

اية. الحمد لله كلهم بخير بس انتي احجيلي شبيج

فرح. امير ممكن دقيقة

امير. براحتج
وطلع

اية. ولج فرح هذا منو وحلو لو لا واسمة امير اللله مبين حلو اوف حبيتة اقصد عشقتة اوف شوكت نتزوج