كرهت الحب بسببك

البارت الرابع

دخلت استقبلني البنات بسلام حار سلمت عليهن وع عمامي ونسوان عمامي وكلهم وكعدت بين جدي وبيبيتي بس جسم بدون روح اسمع حجيهم بس مااشاركهم بس ساكتة وصافنة ع الكاع

بيبي. فروحة بنيتي روحي ارتاحي واكعدي يم البنات لاتبقين هيج ساكتة هاي بنات عمامج ولاتستحين هذا بيتج بعد

اجت بت عمي ابو جمال ساره حبابة وكومتني ورحنة للغرفة والبنات فرحانات بوجودي بس انة مامهتمة الهن

فرح. بنات وين الحمام اريد اسبح

سارة. ياكلبي تعاي ادليج ع الحمام

فرح جهزت ملابسي ورحت وياها وانتبهت لنضرات ابن عمي علية بس مادرت بال واصلا انة مااعرفهم ولامرة جاية لهنا لان ابوي وجدي وعمامي مايتحاجون وهسة من مات ابوي نزلت الحنية بكلوبهم ويردوني اعيش وياهم وحتى ولد وبنات عمامي كلهم مااعرفهم ودخلت سبحت ولبست تراك اسود ودخلت لغرفتنة والبنات صافنات علية

فرح باستغراب. شكو شبيجن تباوعن الي هيج

بنين بت عمي. طالعة حلوة تجننين بالتراك

سارة. بنين اكعدي مو وكتج هسة شوفي حبيبتي فروحة احنة اهالينة مايقبلون نلبس تراكات بلبيت

فرح. ليش

سارة. تعرفين عدنة ولد عم بالبيت اصلا همة مثل اخوتنة بس بعد جدي مايقبل واحنة نلبسهن بس بوقت النوم

فرح. شنو هذا القانون الغريب اصلا انة بيت جدي عادي كلشي البس حتة برمودات ودشاديش قصيرة وانة مامتعودة البس هيج وحتة اصلا ماعندي دشاديش

سارة. بس مايصير راح يعصبون عليج اني انطيج من عندي اني احجي لمصلحتج حتى مايضلون يحجون عليج

فرح. لا انة مو بكيفهم البس وانة اعرف ارد عليهم ومااحب احد يتدخل بلبسي او خصوصياتي

وعفتهن ورحت للصالة لكيت عمامي وجدي وبيبيتي ودخلت ضلو صافنين علية مشيت بكل ثقة وكعدت يم جدي تحت انضارهم كلهم

عمي ابو كرار بعصبية. بوية حاجي بت ابنك خل تكوم تغير لبسها لا والكفل زينب اكوم اسويها مضحكة كدام الناس كلها وانتة تعرفني يابوية

جدي بصياح. اسكت ولا صوت انة اتصرف انتة لاتدخل
(وغير نبرة صوتة وبهدوء) بوية فرح روحي لغرفتي وانة جاي وراج

وكمت رحت بس مااندل شي بالبيت صادفت واحد من ولد عماني

فرح بهدوء. خوية بلا زحمه عليك وين غرفة جدي

وليد. تعاي وراي واني اوصلج

ومشة واني امشي وراة

وليد. انتي لازم تندلين البيت جم دوب تبقين تسالين

فرح. اسفة اذا كتلك روح اني اسال غيرك خاف اخذت من وقتك يااستاذ

وليد ضحك. ههه شبيج زعلتي اتشاقة وياج اسمي وليد واي شي تحتاجينة اني موجود