وصلت للبيت تغديت وجان يوم خميس وسبحت ولميت غرفتي ونمت ع جربايتي و اكلب بتلفوني واجت اسراء
اسراء. فرح تعاي ساعديني خل اسوي حلويات راح يجون خوالج اليوم جدج عزمهم ع العشة وراح يجيب عشة جاهز بس نسوي مقبلات وحلويات
فرح. اي صار جاية
ونزلت لكيت اية جاي تسوي جاجيك وزلاطة وكعدت وياها اسوي حلويات انة بديت اسوي حلاوة جكليتية وبسبوسة وخالتي اسراء كعدت تسوي كيك بالبرتقال وكيك بالشوكلاتة وكيك عادي وطبعا سوالف وضحك ماحسينة بالوقت لحد ماصار المغرب بدو خوالي ونسوانهم وولدهم وبناتهم يجون وسوالف وضحك وجاب جدي كباب شوي ودجاج شوي وكباب دجاج واشكال وانواع بحيث مدينة السفرة شكبرها ونجيب ونحط وسوالف وضحك وكمنة احنة البنات نصفي بالماعين
اسراء. فرح واية انتن تعبتن روحن ارتاحن
ورحنة كعدنة يم خوالنة وصارت الساعة ب 11وكلها راحت صعدت لغرفتي لكيت تلفوني محترك حرك بالمكالمات استغربت كلت هذا منو عفتة ورحت بدلت ملابسي وخلصت كعدت لكيت رسائل ع واتساب من نفس الرقم
جاوبي فرح
انة امير
جاوبي فدوة
ترة مليت من هلوضع مطنشتني
واتصلت علية واول مافتح خط
فرح بعصبية. انتة شتريد مني راح تخبلني بتصرفاتك هاي
امير. اششش كافي ولا صوت ترة لاتشوفيني ساكت الج تماديتي هواي
فرح. لا صدك انتة بيك شي اليوم
امير.هسة عوفينة من هذا الكلام ليش اتصل من الضهر لهسة وماتجاوبيني حتة دزيت الرسائل من اول مكالمة
فرح. مالك دخل
امير بعصبية وصياح مو طبيعية ابد. لجججج كاافي واللله مللليت مننن هذذذذا الحجججي كللل ماااا احححجي تكولللين مااالك دخللل مااالك دخلل
فرح ضعفت و دمعت عيونها اول مرة تشوف امير هيج. اااا
وانفتح الباب علية واسمع امة وجدة
الجد. شبيك بوية تصيح شني تخبلت شجاك انتة صارلك فترة ماعاجبني وكل مااريد احجي وياك ماتخلي واحد يحجي وياك
الام.اي يمة امير احجيلي والله راح تخبلني ولك لا اكل لا شرب لا نوم شباقي بيك يمة
امير بصياح. عوووفوني ويين ارروح لاتخلوني اهج من البيت كلة واكفر بالساعة الاجيت بيها للدنيا
والجد ضرب امير راشدي. انجججب واحترم نفسك شني تكفر احنة ماربيناك ع هيج..شباب اخر زمن محد يحترم بيها الاكبر منة
وطلع يدردم والام كعدت يم امير. يمة انتة شني سالفتك تحب وحدة وعافتك بس فهمني لان حالتك مو طبيعية وانة اعرفك عاجنتك وخابزتك بيدي لانومك مثل العالم مكضيها سهر وكاعد بالحديقة ووحدك لاضحكتك بعد شفناها لااكلك مثل الناس تاكل لكمتين لو ماتاكل ولامن نكعد سوة تكعد ويانة حتى شغلك بطلوك منة ليش ياابني وبس يجي واحد يكعد يمك يسولف وياك تصيح وتتعارك حتى خواتك صارن يخافن منك واذا تكعد بهاي الغرفة النحس تضل بس تصيح حتى لو وحدك انتة مو امير ابني الربيتة بيدي
أنت تقرأ
كرهت الحب بسببك
Romansaالرواية تتكلم عن فرح الي ماضاكت الفرح بيوم اتمنى منكم متابعة حلوة واتمنى تعجبكم روايتي
