زينة وغمزت. اموري لاتظل تنفخ علينة كمل وعوف البنات
امير. ههههه يعني شسولفلكم اكيد ترزلت هههههه
الاء. تخيلي فرح امير اكثر واحد بالبيت يترزل
فرح ابتسمت
وليد. شدعوة بنت العم اضحكي ترة ما ماخذينج للكصاب نذبحج
امير خزر وليد. وليد
وليد. شبيك امير شحجيت انة
فرح. اثنينكم كافي اني الي مريت بي مو سهل تخيلو تفقدون كل عائلتكم بيوم واحد بلحضة وحدة وتغيرون مكان عيشتكم لمكان ابد مارحتو الة
وليد. اسف خوية حقج علية
فرح. لا عادي خوية ماصار شي
امير
شكد كبرت بعيني ب رده فعلها هاي ومن سامحت وليد يافرح شسويتي بية
باوعتلها صافنة وتباوع من الشباك كلشي حلو بيها عيونها غمازاتها طولها شعرها براءة وجهها ادبها واخلاقها وقوتها وضعفها
زينة ندستني. امير فرح تريد تنزل هية والاء تشتري ملابس
امير. سهلة اني اروح وي الاء وفرح ووليد انتم اسبقونة للمنتزه
ونزلنة سوة ودخلنة للاسواق وتفتر هية والاء
وصافن عليها ودخلنة لمحل وانتبهت لنضرات ابو لمحل الها وهية تفتر بالمحل اني مابقى عقل براسي ودي الزمة واموتة بيدي
فرح. خوية شكد سعر هذا الفستان
الولد. هذا ب 20 وبي قياسات تفضلي قيسي جوة
امير لزمتها من ايدها بعصبية. فرح امشينة ولاتحجين وي الولد بعد
فرح هدت ايدها. انت لاتدخل فاهم ..... خوية انطيني هذا مايحتاج اقيسة
وانطتة فلوس وطلعنة لغير محل وهم تسولف وياهم ودخلت لمحل وراحت سلمت علية سلام بوس هوة اني سلمت علية من بعيد وهذا الغريب تبوسة صح هوة رجال جبير بس مايحق الها تبوسة ورحت يمها
امير بعصبية كوة لازمها. فرح هذا منو وليش تسلمين علية هيج
فرح. هذا خالي الغالي مشتاقتلك خالو شخبار بيبي وجدو والبنات والولد
الخال. الحمد لله بنيتي كلهم يسلمون عليج والبنات كلش مفتقداتج
فرح. بعد شسوي خالو نسيت اعرفك هذا امير ابن عمي ابو عبدالله وهاي بت عمي الاء
الخال. تشرفت بيك ابني وسلم علية ديربالكم ع فرح ترة هية فقيرة وماعدها اذية اني اعرفها بت الغالية
امير. لا عمي شنو السالفة هاي بعد بتنة
الخال. اي عفية ابني
فرح. خالو يلة اني اترخص نريد نروح للمنتزة متنضرينة هناك
الخال. براحتج فروحة هاج هذا العلاكة بيها كم لبسة الج من المحل وديري بالج على نفسج حبيبتي
فرح اخذت العلاكة. شكرا خالو ولو اني مامحتاجة شي بس هاي منك يالغالي ماارفضلك طلب يلة خالو اني اروح وسلملي ع البنات وبوسلي بيبي وجدو
ورحنة للمطعم لان صار وقت العشة وطلبنة اكل وكعدنة نتعشى وامير ماشال عيونة عني هذا شبي والله يالله كمت ردت اغسل وامير خزرني
امير. فرح وين رايحة ابقي كاعدة لمن نخلص ونغسل سوة
فرح. لا صدك تحجي انتة ترة هذا الحمام كدامك وبس للنسوان يا استاذ امير
امير. اي حتى اذا
فرح حطيت ايدي ع حلكي وحجيت بصوت ناصي. شكد يتفلسف براسي مسوي روحة فد شي دروح بابا روح
امير. سمعتج
والبنات ماتن ضحك علينة
فرح. امير اريد اروح للمحل اشتري كم شغلة
امير. يلة كومي
ورحنة وللمحل واشتريت اشكال الحلويات واجيب واخلي بالسلة وهوة صافن علية
امير. راح تشترين هاي الحلويات كلها
فرح. اي اني متعودة كل فترة اروح اني وابن خالي هم اسمة امير واشتري
امير عصبت من كالت هيج. اوك ع راحتج بس بسرعة
واشتريت ودفعت وطلعنة اني وامير ورحنة للمطعم ونزلو حلويات كل واحد نوع الي يحبة اني طلبت كنافة كلش احبها واكلنة ورحنة للبيت بس جانت عندي طلعة عادية بس عد البنات طلعة من العمر رحت بدلت وكعدت اشوف العلاكة الي انطانياها خالي ولكيت بيها تراكين سود وفستانين وشالين وحذاءين وجنطتين واكسسوارات مال بنات كلش حلوات ورحت حتى اصيح الاء حتى اسولف وياها ولكيتهم متجمعين ويسولفون ويضحكون كلهم ولد وبنات
الاء. فروحة تعاي حبيبتي اكعدي ويانة
فرح. شكرا حبيبتي بس من تخلصين تعاي اريد احجي وياج
امير. فرح دتعالي اكعدي يمنة (وغمز) شبينة نبزز
عبير طكتة ع متنة. انتة ماتوب من حركاتك ترة اكول لجدي
امير. ههههه اي والله اني اليوم كلة محد مرزلني فرح تعاي اكعدي
كعدت يمهم ويسولفون ويضحكون انة بس اتبسم الوجع البكلبي محد يعرفة
ورة تقريبا ساعة كلمن سحب روحة بقينة اني وحاطة راسي ع متن الاء والاء تسولف وامير كاعد يتعارك وي رغد ووليد يلعب بتلفونة ونبيل يسولف وي امين وطيبة وزينة يسولفن عن طلعة اليوم
واني مليت وكمت للغرفة وكعدت ع الفراش اريد انام بس مااكدر
شنو توقعاتكم للبارت الجاي جاوبو بالتعليقات ولاتنسون التصويت
أنت تقرأ
كرهت الحب بسببك
Dragosteالرواية تتكلم عن فرح الي ماضاكت الفرح بيوم اتمنى منكم متابعة حلوة واتمنى تعجبكم روايتي
