كرهت الحب بسببك

البارت الثامن والعشرون

فرح. حتة انة والله من سديتة لهسة كاعدة ومانمت خايفة من المستقبل

امير. لاتخافين انتي وياي هسة اريد اعرف شنو جوابج

فرح سكتت

امير. ها شو سكتي شنو جوابج

فرح. اي موافقة

امير فرح كلش. واخير واخيراا حس كلبج بية واخيرا راح يبدي حبنة من جديد

فرح استحت

امير. فروحة انة اليوم راح اجيب اهلي واخطبج وتصيرين خطيبتي شرعا ماتوقعين شكد انتضرت هاي اللحضة الي تصيرين بيها حلالي

فرح سكتت

امير. شنو؟ شو احسج ماراضية

فرح. راضية بس انتة خجلتني بكلامك

امير. ههههه فدوة لكلبج حياتي

فرح. بس عندي موضوع زغيرون وياك

امير. شنو الموضوع احجي

فرح. اريدك تبطل عصبيتك وترجعلي امير القديم

امير. اي صار ارجعلج امير القديم انة تغيرت لان جنتي مويمي بس هسة كلشي تغير حياتي ضلمت بغيابج بس هسة رجع النور الها

فرح. اي هيج اريدك ترجع اموري القديم يلة روح واعتذر لامك وبوس راسها وايدها

امير. صار يروحي تدللين هسة اروح واعتذرلها فدوة لكلبج الطيب

فرح. يلة انة راح اسدة لان جدي كعد ومتعود انة اسويلة الريوك

امير. اللله يمتة يجي اليوم الي تسويلي بي الريوك من ايديج الحلوة ماشي حبي ع راحتج وانة هم اروح احاجي اهلي بموضوع الخطوبة

فرح. اوكي يلة باي

امير. مع السلامه حبيبتي انتبهي لنفسج

وسديتة

ونزلت اسوي ريوك لجدي

جدي. تعاي فرح شبيها عيونج

فرح بارتباك. هااا جددو الباررحة مانمت عدل

جدي. ليش مانمتي عدل

فرح. ماادري هيج اجاني ارق وماكدرت انام

جدي. هاا روحي نامي وهسة اكعد اية تسويلي ريوك

فرح. لا انة اسويلك احلى ريوك

ورحت اسوي ريوك والكاع ماشايلتني من الفرح وكملت وجبت الريوك يم جدي ورحت لغرفتي ونمت نومة عميقة اول مرة انام هيج نومة

امير
سديتة من فرح ونزلت جوة لكيت اهلي كاعدين وعمامي وجدي

امير. صباح الخير

الكل. صباح النور

امير. يابة وجدي اريد احجي وياكم بموضوع

الجد. اي بوية احجي

امير. انة قررت اتزوج واريدكم تخطبولي

الام فرحت كلش. الف مبروك ساعة المباركة من هسة ادورلك احلى بنية بالعالم كلة

امير. بس انة ماريد انتم تختارولي انة بالي وحدة واحبها
الام. اي يمة ومنو هاي سعيدة الحظ من هسة اروح اخطبها الك

امير. يمة اريدج تخطبيلي فرح بت عمي

العم ابو كرار بصياح. شني؟.... انتة صدك تحجي لا ممنوع هاي البنية ماتصير من عائلتنة ابد

امير بصياح. انتة مالك دخل انة احبها واريد اتزوجها انتة منو وتمنعني ابوي وماادري والله اتزوجها وغصب عن الكل فهمتو اصلا انتة لعبت بطروكها لعب وضلمتها وزوجتها وطلكتوها وهية بعدها زغيرة وطلعت بتك المصون هية السوت سوايتها وبلتها بالمكرودة فرح

الجد بصياح. كاااافي اممممير احتتتترم عممممك وللللا تصيييح علللية

امير وهوة يهز ايدة. هوة انتة شتسوي غير بس تصيح لاتحل وتربط شوفو فرح اتزوجها يعني اتزوجها لو هسة تنكلب الدنيا

ابو امير. امييير كافي احترم جدك وفرح مو من ثوبنة هاي البنية تختلف عنة

امير. بوية فرح اتزوجها يعني اتزوجها ادري بيها تختلف عنة هواي بس وي الايام تنعدل وهسة انتم ماعليكم بهاي الشغلات هسة الاريدة منكم اليوم ترحون وتخطبونها الي... ترة اذا ماتخطبولي فرح اليوم جهزو نفسكم لفاتحتي انة لو فرح لو مااتزوج غيرها

الجد. كافي امير صياح ماتستحي لحد هسة محد من احفادي طول لسانة علية او ع واحد من عمامهم بس انتة
الام. اعذرني عمي بس اريد احجي انة فرح مااريدها تصير جنتي اولا انة هاي البنية مامرتاحتلها ابد وثانيا انة اخذ لابني وحدة مطلكة صح هوة تزوجت غصب عنها وماانكر بس هسة هية بالاعتبار مطلكة ومااريدها هاي البنية

امير. يمة بوية جدي انة كتلكم لو هاي البنية لو مااتزوج بعد

وعفتهم وطلعت برة البيت وهمة ضلو يدردمون رحت للشط وبجيت بكل حركة كلبي

امير يضرب بالكاع. ليش ليش كلما تصيرين قريبة الي يصير شي ويخليج تبتعدين عني لييييش
كعدت بالكاع وبس ابجي والدنيا تمطر

فرح
كعدت العصر ورحت لتلفوني ماشفت اي اتصال او رسالة استغربت الوضع نزلت لجوة سويت شي اكلة والوضع سكتة محد حجة باي شي خلصت اكل ورحت لغرفتي واتصلت ع امير بس الجهاز مغلق قلقت كلش

ومر هذا اليوم صعب ع امير وفرح كلش امير الي مايعرف شيسوي اهلة كلهم معارضين وهوة انطة وعد لفرح ويحبها مايكدر يعوفها هوة شاف الموت من راحت عنة وتزوجت بعد ما الحياة انطتهم فرصة ثانية حتة يعيدون حبهم يجون الاهل ويخربون كلشي وفرح بقت خايفة علية تتصل علية ومايجاوب

امير كاعد ع الشط وفتح جهازة لكة اتصالات من فرح عافهن واتصل ع اخوة الجبير عبدالله

امير.الو ها شتريد

عبدالله. ها امير وينك ضل بالنة عليك البيت شب وانطفة كلها كابة وتصيح وتتعارك انتة وين هسة

امير. شوف خوية كول لاهلك لو تلحكون علية لو لا ترة راح انتحر واشمر روحي بالشط تخطبونها الي لو انتحر

عبدالله. لا خوية فدوة لاتنتحر هسة جايك بس انتضرني مروتك انتضر جايك

امير سد الخط بوجهة