كرهت الحب بسببك

البارت الخامس

وبقيت اسولف وياهم وبعدين خلص الشحن يلة انطيتة ودموعي تصب وركضت لغرفتي وجان انصدم بشي عبالي حايط باوعت لكيتة واحد من ولد عمامي

امير. ههههه شبيج فرح ماتشوفين

فرح وامسح بدموعي. دروح هوة اني الدعمت بيك لو انتة جنك تيل
وعفتة ورحت وهوة صاح وراي

امير. ههههه اني التيل لو انتي القزمة جنج فارة

ودخلت للغرفة وتغطيت بالبطانيه وبس صوت شهكاتي مسموعة

سارة. كافي لاتبجين روحي صلي ركعتين وهسة ترتاحين

فرح من جوة البطانية. سارة اريد ابقى وحدي ممكن

سارة. اي حبي ع راحتج يلة بنات خليها ترتاح

وطلعن واني نمت
كعدت الصبح ب ستة لان نمت من وكت نزلت جوة غسلت وجهي ودخلت للمطبخ اشرب ماي وصادفت واحد من ولد عمي عفية ولد وين مااروح الكاهم بكل مكان عدلت شالي

ابراهيم. صباح الخير بنت العم

فرح. صباح النور اخي

ابراهيم. اني ابراهيم ابن ابو كرار شمكعدج من الصبح

فرح. اوووووف

ابراهيم. اووو اسف اذا ازعجتج

فرح. لا عادي بس البارحة نمت من وكت

ابراهيم. اهاا شلونج وي الاجواء مرتاحة هنا

فرح. مااعرف هوة اني البارحة اجيت ما لحكت اتعود ولحد هسة مااعرفكم كلكم

ابراهيم. هههههه اي صحيح انتي ياصف

فرح. اني نجحت للثاني

ابراهيم. اهاا راح تنقلين وي مدرسة البنات موو

فرح. اي جدو هيج كال

ابراهيم. ههههه وتعرفين انو عبد الله هو مدرس عدكم بالمدرسة

فرح. لا ماادري هسة عرفت منك

ابراهيم. الله يساعدج علية شكد عصبي ويكره الواسطات وانتي راح تعاشرينة وتشوفين شنو طبعة

فرح. واذا اصلا مايهمني اني شاطرة ومالي غرض بهاي السوالف مالي خلك

ابرهيم حك شعرة بخجل لان رزلتة بدون ماتعرف. اووو اسف بنت العم يلة اني استاذن

فرح. اوك براحتك

وراح واني شربت ماي وصعدت بدلت ملابسي وكعدت افكر يعني لا طلعة ولا طبة ولا دراسة ولاتلفون شنو هاي حياة او سجن شلون هاي البنات عايشات هنا شيسون ويخلصن وقت فراغهن عكس بنات خوالي جانو يقبلون نطلع ببدي وبنطرون وحتة مرات بدون شال اصلا اني جنت ماالبس الشال بس من توفو اهلي لبستة ويرضون تلفونات وطلعات وحدهن ويومية وحدة بيت وحدة من صديقاتهن هسة هنا كلشي ممنوع بس يلة احاول اتعايش هنا وي الاجواء
وكعدت الاء. صباح الخير حياتوو