كرهت الحب بسببك

البارت الثاني والعشرون

وكلهم صافنين ع نادر وخلص كلامة والكل صافن ومصدوم وكمز ابو كرار

ابو كرار. لا لا بتي ماتسوي هيج بتي الوحيدة ماتسوي هيج اني ربيتها بايدي ماتسوووي هيييج

ابو محمد. اسفين بتي وحقج علينة كلشي تطلبينة نسوية انة غلطت واعترف

ابو كرار بصياح. شنوو هذا الحجي بوية لاتعتذر بتي ماتسوي هيج هاي سوالف فرح هية وبنات خوالها

خالي الجبير. كااافي لاتغلط البنية كالتلك انة ماطلعت بيوم الاحد ماطلعت وحتة بيوم الاحد جنة كلنة متجمعين ببيت ابوي كلنة

ابو يوسف. شلون راحت عن بالي صادفت يوم الاحد سويت ثواب وجمعت اولادي وبناتي كلهم جانو يمي

ابو كرار. بس هذاا مو دليل اريد دليل ياكد انو فرح بريئة وبتي هية الغلطانة

ابو يوسف. يعني تجذب هاي الناس كلها وتريد دليل عمي روحو جيبو القران وخلوني احلف وخل تحلف فرح ورغد ع القران

نادر. اسمحولي احجي

ابو يوسف وابو محمد. اي تفضل ابني احجي

نادر. راح اشغل الفديو ع التلفزيون وخل الكل يشوف وجيبو فرح وجيبو رغد وحلفوهن اثنينهن

ابو يوسف. اي ابني صح كلامك يلة بوية كوم شغل

نادر كام حتة يشغل الفديو وانة اباوع لعمي ابو كرار شلون يعصر بايدة والشرار يتطاير من عيونة وبقيت اتلفت الهم وصارت عيوني ع امير الي منزل راسة ومبين ضايج

نادر. بس قبل لا اشغل الفديو خل تجي رغد وتشوف الفديو حتة من يخلص نحلفهن اثنينهن

ابو كرار. لا بتي ماتطلع كدام هاي الناس خل يطلعون الشباب وبتي تدخل

ابو يوسف. اي صح كلامك

ابو محمد. كوم بوية ابراهيم سوي طريق للشباب ودخلهم للصالة وخل رغد تجينة بسرعة

وطلعو واجة نادر كعد يمي ولزم ايدي وانطاني نضرة كلها امان

نادر بصوت ناصي. لاتخافين حبيبتي اني وياج وانشاءلله تنحل هاي المشكلة ونخلص منها

وباوعت لامير الي كاعد قريب النة وسمع كلشي عيونة تجدح ناار ودة ياكلني بعيونة

فرح غمضت عيوني وكلت بهمس. انشاءلله

ودخلت رغد وترعش والوجه اصفر وخايفة

رغد. السلام عليكم

ردينة السلام وكعدت

ابو محمد. يلة بوية شغل الفديو خلينة نشوف بوضوح اكثر

نادر شغل الفديو والكل بقة صافن ع الشاشة

ابو كرار.منو اليكول هاي رغد شوفو هاي فرح هية كوة تردون تثبتونها ببتي

ابو يوسف. كومي بوية نزعي العباية واوكفي وكومي بوية رغد خلينة نشوف الضهر