عشق الآسر

البارت السادس

الحلقه السادسه .....عشق الآسر😍

بمنزل عشق.....

نغم: هااا ي ستى مالو بقاا رئيسك ف الشغل...احكى.
عشق بضيق: حاجه رخمه كده ..دايما متعصب ..وكمان مش محترم
نغم بإستنكار: هما كلهم بقو كده ولا ايه ؟
عشق: اه المهم هتعملى ايه ف موضوع الشغل ..
نغم: هنزل ادور على شغل لسه ...بكره هشوف كده
عشق: تمام ....طب يلا نقوم نحضر الفطار واصحى ملك
نغم وهى تنهض : يلا
دخلت كلا منهما الى المطبخ تعد الفطور
نغم بتساؤل: عشق هو انتى لسه لحد دلوقتى ما ارتبطيش ليه ؟
عشق بضحك وهى تضع الجبن على الطاوله : عشان مش لاقيه الى يعجبنى كده ويدخل مزاجى
نغم : لا بجد والله..ليه ؟
عشق بجديه: اه والله لسه ما لقيتش الى يهزنى كده ويلفت نظرى..كل الى موجود دلوقتى بقو فافى كده رجاله نص كم
ثم تابعت بجديه: ده غير ان مش هينفع اسيب ملك لوحدها وانا ايه يضمنلى ان الى هيجى بتقبلنى انا وملك ...هستنى اما تخلص الاول
نغم بإبتسامه : انتى تستاهلى كل خير ي شوشو والله
عشق : حبيبتى ....حطى باقى الاكل وانا هروح اصحى ملك
طرقت الباب عده مرات حتى اتاها صوت شقيقتها  سامحا لها بالدخول
عشق: صباح الخير ي ملوكه ...يلا ي حبيبتى الفطار جاهز 
ملك: حاضر هكمل بس حل شويه الاسئله دول وجايه
اقتربت منها عشق وهى ترتب على كتفها: ربنا معاكى ي حبببتى ..بس يلا نفطر وبعدين كملى
ملك: تمام ماشى.. نغم صحيت
اومأت عشق : اه صحت من بدرى....ثم اكملت بضحك : احنا ما نمناش اصلا من كتر الكلام
ملك بمشاكسه : ااه ما خلاص نغم حبيبتك وصاحبتك وانا خلاص بقاا راحت عليا ...ياعينى عليكى ي لوكا ي غلبانه
قاطعتها عشق بضربه على رأسها بخفه: نفسى اعرف بتجيبى الكلام ده منين ببقا بقول حاجه ولاقيكر قلبتى فقره تسول
ملك بضحك وغرور متصنع: عشان تعرفى بس انى فنانه شامله واقدر اعمل حجات لا يتوقعها شخص
عشق بضحك على شقيقتها : طب يلا ي بتاعه يتوقعها ...
ملك : يلا

_____________%______________%_____%_____

بشركه المصرى.....

كان يجلس بغضب وهو ينهر السكرتيره الواقفه أمامه.....
هشاام: يعنى ايه الهانم لسه ما وصلتش لحد دلوقتى
السكرتيره: ي فندم والله مش ذنبى
هشام بغضب: اتصرفى بقاا كلميها او روحى هاتيها من اى مكان انا عايزها قدامى دلوقتى
السكرتيره بخوف: حاضر ي فندم انا هتصرف
خرجت من المكتب مسرعه وهى تلعن تلك الفتاه ...
امسكت هاتفها واجرت اتصالا...
مروه بعصبيه: انتى فين ؟ المدير بيزعق وعايزك دلوقتى
.........انا عارفه اهو بيزعقلى وخلاص انا مالى .........
طب خلصى يلا...
(نعم يا رفاق ....انها مروه ...تلك الفتاه التى طردها آسر من شركته لخيانتها وتجسسها على اخبار شركته ...)
مروه بغضب لنفسها: هو انا اخلص من الجبار التانى تطلعى انت ....هو انا مش هخلص ...
لمحها مازن صديقها يعمل معها بنفس الشركه وبنفس الطابق
اقترب منها حينما لاحظ علامات الغضب تعلو وجهها
مازن: فى حاجه ي مروه
مروه بإنزعاج: آنسه مروه من فضلك خلى فى حدود شويه انا مش بلعب معاك ..ثم تحدثت بعصبيه :وبعدين انت مالك انت انا ازعل ولاا اولع
كان مازن منصدما من هجومها المفاجئ عليه ..فهو لم يفعل شئ ليستحق كل هذا
مازن بأسف: انا أسف ي انسه مروه ...انا غلطان فعلا
انا بس لقيتك مضايقه قولت اشوف مالك
ثم تركها ورحل...وقفت هى تنظر له بندم بعدما رحل
أهذا جزاءه لانه كان يسألها عن سبب انزعاجها
فهو ليس له دخل بغضبها من رئيسها اللعين ....
ولكنها قررت عندما تراه ستعتذر منه عما بدر منها ...فهى حقا كانت عنيفه فى ردها عليه

________________________***_______^_^^___^____

بمنزل عشق....

عشق بإستعجال: انا هروح البس بسرعه..مروه كلمتنى والمدير قالب عليا الدنيا مش عارفه ليه ربنا يستر
نغم : خير ان شاء الله ما تقلقيش
ملك : اهدى طيب براحه
دلفت الى غرفتها واردت ملابسها على عجله ....فهى لن تتحمل توبيخ واهانه امام الموظفين
خرجت من غرفتها ممسكه بالحذاء والشنطه وتجرى
نغم بضحك: طب استنى البسى الجذمه
عشق وهى تضع الحذاء ارضا وترتديه ...وتخرج مسرعه ...كانت ترتدى تنوره من اللون الرصاصى تصل الى ركبتيها وجاكيت من نفس اللون واسفل الجاكيت قميصاا من اللون الاوف وايت وحذاء كعب نفس اللون وجمعت شعرها على هيئه كعكه وتركت بعض الخصلات الذهبيه تسقط على جبينها
خرجت مسرعه وأشارت لتاكسى وانطلقت الى الشركه ....

___________%____%____^^^^^________________

ب فرنساا.....

جهزت اوراق سفرها الى مصر وحجزت الطائره واخدت كل ما يتعلق بهاا ...فهى اتخذت قرارها...وتعلم اشد العلم انه القرار الصواب
دلفت صافى الى الداخل ونظرت الى ابنتها بإنزعاج : ايه خلاص ماشيه ......دلوقتى بقاا آسر القلب الحنين وانا وحشه
مش ده الى ما كانشى بيسأل عليكى ...مش ده الى رماكى
تالين : ماما انا خلاص هسافر ولو على آسر ما تشغليش بالك انا هعرف اتصرف معاه ....آسر بيبان من بره انه اسود وقاسى بس من جواه ابيض ومستحيل يأذينى ...ده الى انا متأكده منه
صافى وهى تحاول ان تستعطفها: طب وانا ي تالين هتسبينى لوحدى هناا
تالين بسخريه: اعتقد ي ماما ان مارك قايم بالواجب ومش محسسك بالوحده خالص ...
اه وما تنسيش تعزمينى على فرحك ...هاجى وهجيب آسر معايا
صافى بغضب: لا خلاص مستغنين عنك انتى وآسر وعن خدماتكو ما تجيش
تالين: طب عدينى بقا اكلم آسر عشان يقابلنى ف المطار واعرفه انى جايه
صافى بخبث: طب ما تكلميه قدامى ....ولا مش هيرد او يرد ويزعقلك كالعاده
تالين بتوتر: لا بيرد عليا ...انا ..انا ..مش هتصل انا هبعت رساله
كتبت النص وضغطت ارسال كل ذلك تحت نظرات والدتها التى تجعلها تشعر بالاحباط وان آسر لن يتقبل وجودها لكنها توصلت انه مهما حدث اصبح مكوثها ووجودها هنا محااال بالنسبه لهاا

________^^^^____________^^^_________________

وصلت الى الشركه وهى تهرول الى الداخل ولكن الكعب لا يساعدها على ان تسرع ...
وجدت المصعد متعطل زفرت بحنق : يووووه مفيش مره نصفتنى ولقيتك شغال كل مره عطلان
صعدت على الدرج بخفه حتى لا تسقط
وجدت مروه تنتظرهاا على اول الدرج مما بث الرعب داخلها ان هناك ان هناك امر خطير يتعلق بهاا
مروه بإستغراب : انتى مش طالعه بالأسانسير ليه ؟
عشق: لقيته عطلان مش شغال
مروه : ازاى انا طالعه فيه انهارده
عشق : ما اعرفش بقاا....ثم اكملت بحنق : المهم عايزنى ليه البتاع ده ؟
مروه : مش عارفه ؟
عشق: طب يلا هنفضل واقفين كده؟
مروه: يلا ...
وصلو الى الطابق الخاص به ....
مروه: ادخلى يلا
عشق بخوف: طب ما تقوليلو اجازه انهارده واروح انا
مروه: لا كفايه التهزيق الى انا اخدته بسببك انهارده
طرقت على الباب فلم يأتيها رد
عشق بصوت خافت : شكله مش موجود ..يبقى اروح جاءت لترحل وجدته يفتح الباب بقوه
عشق بإبتسامه : اهلا...حضرتك عايزنى
هشام : تعالى ورايا واقفلى الباب وراكى
عشق وهى تنظر لمروه :حاضر
دلفت الى الداخل وهى تتصنع القوه رغم خطواتها المرتبكه : هشاام: تعالى ي عشق اقعدى
جلست عشق امامه بتوتر وهى تفرك يدها : خير ى فندم 
هشاام: آسر السيوفى ....
عشق بعدم فهم : مالو؟

ويتبع.......