عشق الآسر

البارت الرابع

الحلقه الرابعه.....عشق الآسر😍

فى فرنسا...

نزلت صافى على الدرج مسرعه ..فالصراخ يزداد..
صافى بصياح: ايه الصوت ده
وجدت الخدمات متجمعين عند بوابه الفيلا الرئيسيه
صافى : Qu'est cequi est passé
احد الخادمات : Nous ne savons Pas,Madame
Mais nous avons trouvé cette femme se querellait avec le garde est a demandé à rencontrer
الترجمه ...
صافى(ماذا حدث)
احد الخدمات:(لا نعلم ي سيدتى ..ولكننا وجدنا تلك السيده تتشاجر مع الحارس وطلبت مقابلتك)
نظرت صافى تجاه تلك السيده وشهقت بقوه عندما استدارت نظرت لها صافى برعب ...
صافى بخوف: انتى عرفتى مكانى ازاى ؟...انا محدش يعرف انى هنااا..هو ...هو اكيد آسر الى باعتك
السيده : ايه قلبتى عربى كده ليه اتكلمى زى ما كنتى من شويه خليهم يعرفو انا مين وحقيقتك ايه
صافى للحارس والخادمات: Allez maintenant
(اذهبو الآن)
السيده: ايه مش هتدخلينى
صافى بحده : لا قولى الى انتى عايزاه هناا ...تالين فوق مش هينفع  تدخلى
السيده بسخريه : ومالو خلينا نتعرف
صافى بغضب: بقولك ايه ..انا ببعتلك الفلوس الى انتى عايزها ...عايزه ايه تانى
السيده بخبث: وتفتكرى السر الى معايا يساوى كام عند آسر بيه لو عرفه ده
صافى بتوتر : عايزه كام م الآخر
السيده بإبتسامه :  عايزه تالين ...مش جه الوقت انها تفهم بقاا الى حصل زمان
صافى بقوه : ده بعدك ...انسى تالين خالص ...
ثم نادت على الحرس بصوت عالى وامرتهم برميها ف الخارج وعدم السماح لها بالدخول
السيده : ماشى ي صافى الى خبيته زمان ..مش هيستنى كتير وآن الآوان انه يطلع
وخرجت بعدما اخرجها الخارس عنوه ..
نظرت صافى لاعلى على الشرفه ..تأكدت انا تالين بالداخل اى انها لم ترى تلك السيده ولا الجدال الذى حدث بينهم
_____________________________________________

بشركه السيوفى....

جاسر: آسر انا هنزل اعلان بكره اننا عايزين  سكرتيره
آسر :  ماشى ابقى نزل بس مش دلوقتى .. هبقى اقولك
جاسر بضيق من تحكمات صديقه : ماشى ...اما نشوف
آسر : انا ماشى دلوقتى
جاسر : خلاص ماشى .. روح انت ارتاح بقالك كتير مش بتنام
آسر : انا مضيت كل الورق الى محتاج امضتى ..ولو فى حاجه تانيه ابقى بلغنى ...سلام
جاسر: سلام
خرج آسر من الشركه متوجها الى قصره ....

_____________________________________________

بمنزل سعد.المغربى...

كانت تستعد لسفرها للقاهره وتبحث عن فرصه عمل آخرى بأحد الشركات ..فهى لديها خبره بالتأكيد ستجد وظيفه بأسرع وقت
اغلقت شنطه سفرها ووقفت تودع والديها
ناهد بدموع : ي بنتى خليكى هناا ومالو يعنى الشغل هناا انتى بقالك كتير شغاله
نغم وهى تحضن والدتها: معلش ي ماما ..هناك هكون مرتاحه بردو
سعد : خدى بالك من نفسك ي بنتى وكلمينا اما توصلى
نغم  : حاضر ي بابا .
ناهد : كلى كويس ..وكلمينى كل يوم ...وانزلى ف الاجازه اقعدى معانا
نغم بإبتسامه حتى تطمئنها : حاضر ي ماما ...ثم اضافت بمرح : خلاص بقاا ..ايه جو الكأبه ده ..انا رايحه القاهره يعنى ساعه زمن واوصل ..مش مسافره المريخ
نغم بإستعجال : يلا باى
نزلت... هاربه من الاسكندريه متجهه الى القاهره ..لم تعلم تلك المسكينه انها ستواجه المشكله التى هربت منها مره آخرى فالهروب من المشاكل ليس الحل الأمثل ...بل المواجهه والصمود امامها

______%_%_____________________________%%___

نزل جاسر بإستعجال وركب سيارته فهو نسى ان يخبر آسر
بأمر ما.... نزل مسرعاا اصتدم بشخص وسقط الهاتف ومفاتيح السياره من يده
جاسر دون ان ينظر له : مش تفتح ي عم الاعمى انت
الشخص: ............
انحنى جاسر واخد هاتفه والمفاتيح ...
جاسر: انت اعمى واخرس ك
جاسر بدهشه : ايه ده عمرو....ده بجد عمرو الحديدى
عمرو بضحك : جاسر ...عامل ايه ؟
احتضنه عمرو بقوه
جاسر بضحك : والله ليك واحشه يااض
عمرو :  لسه زى ما انت ...ياااض دى كنت بتقولهالى وانا عندى عشر سنين
جاسر: سيبك من ده ....انت جيت امتى
عمرو : لسه جاى امبارح ...قولت اجى اسلم عليكو
جاسر : طب تعالى انا رايح لآسر دلوقتى
عمرو : هو آسر مش فوق ...
جاسر : لا ده هنا بقالو يومين مش بينام عشان داخلين صفقه كبيره...تعالى نقعد ف اى كافيه ونرحلو ..... الاهو لسه مروح من ساعتين ولو شافنا تانى ....بلاش خليها مفاجأه هو اصلا مش شايف قدامه
عمرو : وعلى ايه شويه ونرحلو
جاسر : وهو يركب السياره تعالى بقاا احكيلى عملت ايه ف انجلترا ....فى بنات حلوين هناك
عمرو بضحك : حلوين جدااا تعالى اما اوريك صورهم
انطلق جاسر بالسياره وهو يضحك

_____________________________________________

فى فرنسا....

صافى : تالين انا هتجوز
تالين بضحك: ضحكتينى ي ماما والله ....مبرووك
صافى: بتضحكى على ايه ...؟
تالين : علي النكته دى ...هى دى مش نكته
صافى: تالين احترمى والدتك ...دى مش.طريقه تتكلمينى بيها
تالين بغضب: لا ..انتى بتتكلمى بجد بقااا
صافى : ااه ..انتى المفروض تكونى عارفه ..انى وانكل مارك
انفجرت تالين فى ضحك هستيري : انكل ...مارك بقاا انكل بتاع الكابريهات بقاا انكل
صافى وهى تحاول انا تستعطفها: تالين حبيبتى انتى عارفه انى عايزه مصلحتك مارك مش وحش وهو الى وقف جمبنا ف غربتنا دى
تالين بغضب : وهو مين السبب ف الغربه دى مش حضرتك بردو
صافى : لا مش انا السبب اخوكى هو السبب
تالين  : ماما لو سمحتى بطلى تخلى آسر الشماعه الى بتعلقى عليها غلطك
صافى وقد فاض بها : بوصى بقاا رأيك يعتبر  تحصيل حاصل ..انا هتجوز مارك وهيجى يعيش معانا هناا
تالين بصياح : وانا هسافر مصر لآسر  ...تركتها وصعدت لغرفتها
صافى: مفيش سفر ي تالين انتى هتفضلى معايا هنا عجبك عجبك مش عجبك انتى حره
صافى بداخلها ...غبيه ...الغبيه هتضيعنا...امسكت هاتفها واجرت اتصالا
صافى:  Mark...Tallinn a demandè à voyager à nouveau
مارك :......................
صافى: Le sujet est devenu hors decent mon contrôle
مارك: ...........................
صافى:  bien
الترجمه
..
صافى:(مارك..طلبت تالين السفر مجددا )
مارك ................
صافى : (الموضوع  اصبح خارج سيطرتى )
مارك :.......................
صافى:حسناا
اغلقت الهاتف وهى تسب وتلعن فى حظها الذى جعلها تحت رحمه ذلك الثعلب .......الذى يعلم بكل تحركاتها......

___________________________________________

بشركه المصرى....

كان يتحدث بالهاتف مع تلك الحربايه الصفراء
هشام : ي فريده هانم  ..حصل خلاص
فريده : ....................
هشاام بضحك: لا اطمنى خلاص ....بقت لينا
فريده :...............
هشام : البارتى ..لا اكيد هاجى
فريده : ..........
هشام : عايز اقابلك بكره فى مطعم .....
خلاص تمام باى
اغلق الهاتف وعلى وجهه ابتسامه ويتراقص قلبه من الفرح كلما اقترب من تدمير آسر ..
ويتبع..