عشق الآسر

البارت الثالت عشر

الحلقه الثالثه عشر.....عشق الآسر😍

جذبها بقوه تجاه...سحبها من يدها وركض الى سيارته مسرعا...ادخلها بسرعه وانطلق بسيارته اما هى سيطر عليها الشعور بالرعب...
عمرو : على فكره انتى الى كنتى مقصوده بالرصاصه دى
نغم بأيجاب : فعلا...انا عارفه
عمرو بإستغراب : عارفه  ....... طب مين ؟
نغم بتوتر فمازال احساس الخوف والرعب مسيطرين عليها: وانا هعرف منين ؟
لو سمحت نزلنى هنا..
عمرو بدهشه : تنزلى فين ؟ ...هو انتى راكبه تاكسى
نغم بإصرار: انا هنزل  .وبعدين انا ما اعرفكش عشان اركب معاك
عمرو بغيظ : والرصاص الى كان هيرشق فيا وفيكى ده لولايا كان زمانك جثه
نغم بحنق: خلاص عرفنا انك انقذتتى عموما شكراا
نزلنى هنا بقاا
عمرو بعند: لا مش هتنزلى غير ام اعرف كنتى عند خالد بتعملى ايه ؟
نغم بغضب: وانت ماالك ان شاء الله
عمرو : خلاص خلينا ماشين كده لحد اما تقولى
نغم بقوه : لو ما وقفتش العربيه ونزلتنى هصوت واقول انك خاطفنى .
لم يعير لها انتباه ....
نغم: طب انت الى جبته لنفسك بقاا...صاحت بصوت عالى الحقونى .
اوقف السياره سريعا..
وهتف بغضب: ايه دة ي مجنونه  ؟
فتحت الباب وسارت فى الاتجاه المعاكس ..
ترجل من السياره بغضب ..
عمرو : انتى بتفهمى ازاى ؟ افردى الناس دول حاولو يأذوكى تانى
نغم : مالكش دعوه ..ميخصكش
عمرو بنفاذ صبر: طب اركبى ..اوصلك ومش هكلمك خالص
نظرت له بتردد...فأكمل : بجد والله مش هسألك على حاجه؟
فتحت الباب مره اخرى وركبت وانطلق بالسياره .....

_______******__________*******___________

دلف الى الداخل نظر لها بهدوء ...تعجبت من نظراته الهادئة
ظنت انه يضمر بداخله شئ لها...
آسر : انتى قاعده ليه ؟
عشق بسخريه: اعمل ايه يعنى  ؟ انت ناسى انها اوامرك
آسر: لا انتى هتشتغلى ف القصر ده
عشق بعدم فهم: اشتغل ايه ؟
آسر : خدامه ...زى الى موجودين
عشق بصدمه: خدامه! .....ثم تابعت بغضب : انسى ...انسى انك تكسرنى بالطريقه دى انا مش خدامه.
آسر : ده مش بمزاجك
عشق بقوه  : لا بمزاجى...انا مش هشتغل هنا.
آسر ببرود : انا قولت الى عندى ....ده لو عايزه تطلعى من هنا سليمه
تركها ورحل تحت نظراتها الكارهه الحانقه ...
ظلت حائره تفكر بكلماته التى ألقاها على مسامعها ...
عشق بداخلها: انا ههرب.... يعنى ههرب ...مش هفضل محبوسه هنا ..

_______________^^^^^^^^^^_________^^^^^^_______

تبكى على شقيقتها التى لا تعلم اين هى ...فلم تترك مكان الا وذهبت له ...بجانبها على ووالدته...
على:: اهدى ..طيب هنلاقيها ان شاء الله
ملك ببكاء : لا ... احنا دورنا ف كل مكان ومش لاقينها
على : احنا دورنا فعلا ف المستشفيات و الأقسام
وده بثبت انها كويسه
هدأت ملك من بكائها...
والده على: خلاص ي بنتى اهدى هى كويسه ان شاء الله
على : هى كويسه..اوعدك انها هترجع انا متأكد انها كويسه
ملك بإستغراب: وانت عرفت ازاى انها كويسه ؟
على بتوتر: يعنى انا بقول..ان شاء الله هتبقى كويسه
اومأت بصمت ..وقلبها يحدثها ان شقيقتها ليست على ما يرام..وانها بمحنه تحتاج مساعده ....
على : طب يلا روحى درسك دلوقتى مينفعش تغيبى وتوقفى مستقبلك
ملك : لا انا مش هروح انهارده....انا مش هقدر اركز واختى ما اعرفش مكانها
على بنفى: لا مش هينفع . يلا
ملك: على انا بجد مش هقدر اروح...خلينى انهارده وابقى ذاكرلى انت
على بإبتسامه : اذا كان هذاكرلك يبقى ماشى مفيش مانع
ثم اكمل بمزاح : هتدفعى كام ؟ اه اصل انا مش هشتغل ببلاش
ملك بإبتسامه: هو من اولها كده انا اروح الدرس احسن
ابتسم على لانه اخرجها من حزنها ولو لدقيقه واحده ..فهو يشعر بجاذبيه نحوها بالرغم من صغر سنها الا انها احتلت تفكيره ...فهو محاسب بشركه السيوفى قابل العديد من الفتايات الناضجه ..لكن قلبه عاشق لتلك الصغيره ..فهو كان يراها وهى ذاهبه وهى قادمه من درسها لكن ليس لديه الجراءه الكافيه ليتحدث معها..خشى ان تحرجه او لم تبادله نفس الشعور..فهو يعلم انها مازالت صغيره لذا فهو رفص ان يتحدث معها ..او يبوح بحبه لها ..حتى تنهى دراستها....
يا له من حب صادق..فما اجمل ان تجعل ما تحب ملكه متوجه على عرش قلبك .. فما اجمل  ان تعشق سراا وحبك لا يتناقص بل يزداد.....