مهمة تخللها عشق

الحلقة العاشرة

الحلقة العاشرة
تجمد الاثنان وهما يريان بعضهما فى اخر مكان يتوقعان ان يرا بعضهما فيه
بينما الجد يتابعهما بغموض
حمحم الجد وقال بترقب:انتوا تعرفوا بعض
انزلت ورد ابصارها وهى تحاول لملمة شتات نفسها
بينما قال تميم بنبرة حاول اظهارها طبيعية:اه.... استاذة ورد جارتى فى الشقة اللى جنبى
رفعت رأسها وهى تحاول الابتسام
فابتسم الجد:كويس... محدش غريب يعنى...... المهم.... ظبطى مواعيدك وبلغينا
وقفت وقالت بتوتر:ان شاء الله... عن اذنكم...
ثم تحركت سريعاً للخارج لتقود سيارتها سريعاً
بينما وقف تميم يسأل:هو فى اى
كريم بحماس:الفوتوجرافر دى هتعملنا سيشن حياتى يا معلم طول التلات شهور اللى قبل فرحك يا عريس
اغمض تميم عينيه بغضب بالتأكيد هذة فكرة جده
فتح عينيه على صوت هاتفه يرن برقم ادهم صديقه
تحرك سريعاً للخارج:بيتصلوا بيا... انا لازم امشي.... سلام
غادر قبل ان ينتظر الرد
ركب سيارته سريعا ثم تحرك يبحث عنها حتى لمح سيارتها وهى تتحرك ناحية المقطم
تحرك خلفها حتى وجدها تقف فى مكان صامت تماماً
ظلت فى السيارة بعض الوقت ثم خرجت لتقف امام السيارة
تحرك ناحيتها وهو لا يعلم ماذا سيقول
بمجرد ان اقترب منها وجدها انهارت على ركبتيها وصرخت بكل طاقتها اقترب بسرعة وجلس جوارها يضمها اليه بينما هى مازالت تصرخ وتدفعه:ابعد... ااابعد عنى... ااابعد...... سيييبنى بقااا..... سيييبنى
ضمها بقوة لصدره بينما بائت كل محاولاتها لدفعه بالفشل
فاستسلمت وظلت تبكى بانكسار وهى تقول بوجع:هتتجوز..... هتسيبنى...... هيبقى ليا شريك فيك........ طب ازاى... ازاى..... ازاى اصور كل لحظة بينكوا... ازاى اقدر اعملها ازاى....... مش هقدر... مش هقدر
ظلت تبكى بضعف بينما هو يضمها بحنان ويمسح على شعرها..... حتى هدأت فقال بهدوء:انتى مش مجبرة تقبلى عرض جدى
دفعته بعنف وهى تضيح بحدة:هو ده كل اللى همك انى محضرش..... بس انت تتجوز عادى
تميم :يا ورد....
قاطعته وهى تقف وتقول بجمود:احنا كان اتفاقنا لما تتجوز تطلقنى..... قبل كتب كتابك عليها تكون مطلقنى... تمام
ثم تركته وركبت السيارة وساقت بسرعة الى الشقة
بينما زفر تميم بضيق ومسح وجهه ثم ذهب الى مقر عمله
..........................................
اخذت نفسا عميقا ثم اخرجت هاتفها واتصلت على رقم رحيم
رد بصوت رخيم فقالت بهدوء:رحيم بيه..... انا موافقة على عرضك..... وبإذن الله انا معاكو
ابتسم رحيم وقال:جميل... تمام السفر بكرا ان شاء الله الساعة 8 الصبح تيجى القصر واحنا فى انتظارك
ورد:بإذن الله... انا هيبقى معايا مساعد ليا لو مش هيضايق حضرتك
رحيم بهدوء:فى انتظارك انتى والمساعد بتاعك
ابتسمت وقالت بهدوء:شكرا يا فندم... مع السلامة
اغلقت معه وهى تبتسم بتهكم:ماشي يا تميم.... انا هوريك مين هى ورد...!!
.......................................
فى المساء
تجلس ورد فى الاستوديو خاصتها ويجلس معها بعض المصورين المساعدين لها
ورد:ها يا جماعة مين ييجى
طارق احد المصورين:3 شهور كتير... وانا اساساً عندى سيشن اخر الاسبوع
ورد:تمام... طارق برا.... وحسام بردو عشان عنده فرح بعد بكرا
هز حسام رأسه ايجاباً
نظرت لشهد:ها يا شهد مفضلش غيرك هتيجى؟
صمتت الفتاة ذات البشرة الخمرية والاعين العسلية والملامح الرقيقة
ثم قالت بهدوء:خلاص ماشي.... كدا ولا كدا معنديش حاجة
ورد:تمام... يلا احنا نجهز ونلم الشنط بسرعة
ثم نظرت لحسام وطارق:حسام... طارق.... الاستوديو فى امانتكم
طارق وحسام:اكيد... متخافيش
تحركت ورد وانتقت افضل الكاميرات لديها وقطعها ومستلزماتها
ثم عادت للمنزل لتضب اغراضها الخاصة
وفعلت شيئاً هى متأكدة انه سيُغضب تميم بشدة
.............................................
فى الصباح انزل البواب الحقائب لورد وضعتها فى السيارة ثم ركبت ومرت على شهد اخذتها وغادرت الى القصر بينما الكاميرات ومستلزماتها قى الاستوديو
مرت على الاستوديو كان طارق قد أعد المعدات والكاميرات ومستلزماتها ووضعها فى سيارة لنقلها
نطرت ورد للسائق وقالت:خد بالك يا اسطا وبراحة جداً وانت بتسوق الحاجات دى بتتكسر من الهوا
السائق:متخافيش يا هانم وراكى وعلى الهادى
هزت ورد رأسها ايجاباً وتحركت بسيارتها بهدوء كما السائق خلفها حتى وصلوا الى القصر فى معادهم
وجدت ورد الجميع بانتظارها خرجت من السيارة وسلمت على الجميع عدا تميم سلمت عليه ببرود
ثم وقفت جوار بتول:احب اعرفكم.... شهد.... فوتوجرافر بتشتغل معايا وتُعتبر دراعى اليمين
رحب بها الجميع بعدها تحركوا بالسيارات الى المطار
..........................
بعد اجراء السفر وما الى ذلك
تحركوا ناحية الطائرة الخاصة بعائلة السيوفى وورد تقف مع العمال وهم ينقلون المعدات بحذر شديد وتثبتها معهم جيدا وبرفق فى نفس الوقت بعدها
تحركت لتصعد الى الطائرة وهى على السلم سمعت تميم يهمس بحدة:بتقصى شعرك يا ورد.... بتقصيه.... انا مش منبه عليكى متقصيش شعرك
ابتسمت ورد وقالت ببرود:اديك قولت... شعرى... ملكى
تميم بغيظ:انتى كلك ملكى
ورد بمكر وهى تنظر له:تؤ... تؤ.... انا ملك نفسي... انا امرأة بلا قيد
....