مهمة تخللها عشق

الحلقة الحادية عشر

الحلقة الحادية عشر
نظرت له وقالت بمكر:انا ملك نفسي... انا امرأة بلا قيد
عض على شفته السفلى بغيظ.... شعرها الطويل المتراقص بانحراف متنغاماً مع خصرها قصته ليصبح بالكاد يصل لكتفها
جلس الجميع فى اماكنهم وتنفسوا بعمق
بدأت الطائرة بالتحرك بينما قالت ورد:يلا يا جماعة نقول مع بعض دعاء السفر
نظر الجميع ناحيتها وهزوا رؤوسهم موافقة فقالت وهم يرددون خلفها:الله اكبر... الله اكبر.... الله اكبر.... سبحان الذى سخر لنا هذا..... وماكنا مقرنين........ وإنا الى ربنا لمنقلبون...... اللهم إنا نسألك فى سفرنا هذا البر والتقوى.... ومن العمل ما ترضي.... اللهم هون علينا سفرنا هذا... واطو عنا بعده..... اللهم انت الصاحب فى السفر... والخليفة فى الاهل....... الللهم انى اعوذ بك من وعثاء السفر.... وكآبة المنظر.... وسوء المنقلب فى المال والاهل والولد
حل الصمت لبعض لحظات بسبب اهتزاز الطائرة وهى تقلع
بعد ان استكانت الطائرة وقد صعدت للارتفاع المناسب وسمحت المضيفة للجميع بالحركة تحرك اولهم وهو كريم واقترب من ورد :ورد.... تسمحيلى اقولك ورد
ابتسمت ورد وقالت :طبعا..... عايز اى
كريم بحماس:بصي انا كريم اخو تميم العريس.... ودى العروسة بنت عمى اسمها سحر....... وده بابا واسمه محمد.....وده عمى واسمه محمود.... وده جدي واسمه رحيم
ابتسمت ورد وقالت:اهلا وسهلا بالجميع
كريم بحرج:ممكن اطلب منك طلب
ابتسمت ورد ووقفت من مقعدها ووضعت يديها على كتفيه:متتكسفش... انت اد اخويا الصغير...... ها عايز اى
ابتسم وقال بحماس:انا بحب الكاميرات جدا والتصوير وكدا...... ممكن تورينا الكاميرات اللى هتستعمليها
ورد بأسي:للاسف الكاميرات والمعدات كلها اتحطت مع باقى الشنط وعقبال ما نطلعها وكدا موال
زفر كريم بيأس بينما اقتربت سحر ووقفت جوارهم واقترب تميم ايضا يجلس بقربهم
هتفت ورد فجأة:لا ثانية.... مش كلهم
ثم تحركت واخرجت من حقيبتها الظهر صندوق متوسط الحجم فتحته واخرجت منه كاميرا عندما رأها كريم شهق بعدم تصديق واقترب منها ينظر لها بانبهار
كريم بانبهار:واااو.....انتى ازاى جيبتى الموديل ده...... ده كام مصور بس على مستوى العالم اللى معاهم الموديل ده
سحر باستغراب:ليه يعنى
نظر كريم لسحر وتابع :الموديل ده بعيداً عن انه غالى..... غير انه بروفيشنال جدا ومتعملش منه غير 50 بس واشهر المصورين العالميين هم اللى قدروا ياخدوه...... وغير ان قطع غياره مش متوفرة غير فى فرع الشركة اللى فى تركيا لانه اتصنع فى تركيا
ابتسم ورد وقالت باعجاب:لا شكلك فاهم ومهتم فعلاً
كريم بحماس:سيبك من ده دلوقتى قوليلى خدتيها ازاى
ابتسمت ورد وقالت:تعالى هحكيلك
كان يوجد مكان كالاريكة وامامه عدة كراسي
جلست على احد الكراسي بينما جلس على الكرسي المحاور كريم وسحر وشهد على الاريكة وتميم على الكرسي المواجه لورد يكتم غيظه لكى لا يهشم رأسها ورأس اخيه لكن فضوله هدأ من نيران غيرته وجعلته ينصت لما تقول
ورد:من 5 سنين وكام شهر تقريباً جاتلى بعثة عشان ادرس فنون تطبيقية فى تركيا..  . هناك اتعرفت على بنت اسمها ايلول....... قربنا من بعض وبقينا اصحاب جدا........ ايلول كان باباها مدير شركة اعلانات كبيرة هناك فى تركيا........ كان دايما بياخدها معاه تصوير الاعلانات وكدا..... ايلول كانت عارفة انى بحب التصوير جدا وفى الفترة دى كنت بصور بالفون.....من حسن حظى شركة ابو ايلول جالها عرض من canon عشان يعملوا اعلان على الموديل الجديد (اشارت للكاميرا بيدها) كانت الكاميرا دى الموديل الجديد  ساعتها...... ايلول اقترحت عليا اجى معاها الاعلان وانا حبيت الفكرة جدا.... روحت معاها..... كان مكان في  الغابة مش بعيد اوى عن البحر.......... المهم لما روحنا لقينا لجنة من 3 افراد تبع شركة canon كانوا جايين يقيموا الاعلان وما الى ذلك...... فكرة الاعلان كانت عبارة عن ان هيتم تصوير مصور بيصور بالكاميرا..... شخصين.... بيعمل سيشن يعنى....... بس من حسن حظى المصور اللى كان هيصور اعتذر فى اخر دقيقة..... ساعتها لجنة الشركة اتوترت وبدأت تتضايق... لان ابو صاحبتى كان قايلهم ان المصور اتأخر مش اعتذر
تنهدت ثم ابتسمت:ماما كانت دايما تقولى الحياة فرص يا تلحقها يا متلحقهاش
ساعتها روحت لابو صاحبتى وقولتلوا انى بعرف اصور وبعرف اتعامل مع الكاميرات....... ادينى فرصة انى اصور الاعلان.......... لان الوقت كان ضيق ولان ايلول كانت حكياله عنى... وافق......
ابتسمت بحالمية وهى تتذكر كل ما حدث
...........................................
نظر لها رجل بمنتصف الثلاثينات مطولا ثم قال بالتركية بعجلة:ورد....هذه فرصتك لانقاذى واثبات نفسك... اياك ان تخذلينى
هزت رأسها ايجاباً ثم تحركت معه اخبر اللجنة بان المصور قد اتى......... نظرت اللجنة المكونة من 3 رجال للبنت بذهول..  انها فتاة صغيرة!