كاتبك معانا ( كل كتاب ليبيا )

حلقة 1🔥 أروي الطاهر المسلاتي ❤️

برنامج #كاتبك_معانا
إعداد و تقديم : ريان
حلقة : 1
.
اهلا بيكم اولا صح فطوركم و رمضانكم كريم
في اولي حلقات برنامج كاتبك معانا نتمني ان برنامجي يعجبكم يارب
.
حبيت في اولي حلقات البرنامج ان تكون ضيفتي كاتبة من الطراز الرفيع ،كاتبة متاكدة بنسبة 100‎%‎ ان كل يلي يقروا في الروايات يحبوها ، كاتبة كلنا اترت فينا برواياتها ، كنت مترددة اني نتواصل معاها و خفت انها تردني بس المفاجاء انها رحبت فيا و قتلي ان شرف ليا نطلع في صفحة MBC LIBYA
.
سالتها بعض الاسئلة يلي اول مرة تنسأل ليها ، بس قبل ما نبدا فيها خلي نقول علي حاجات محبين اروي يعرفوها بس في ناس ما يعرفوهاش ،
.
اروي الطاهر المسلاتي ، مواليد 1999 ،
طالبة تقنية طبية ، من محافظة تاجوراء ، عزبة ،
بدت الكاتبة في عمر 16 سنة ،
تحب الفاصوليا هلبا ،
اقرب رواية لقلبها "حب من طرف واحد " ،
اكتر رواية تحلم ان تكون فيلم او مسلسل هي " توأمي عاهرة "
تملك اروي الطاهر المسلاتي اكبر متابعين بين الكتاب الليبين وصل ل 400 الف تقريبا
تعتبر رواياتها الاكتر إقبال في المواقع الالكترونية و تطبيق الواتباد فا تخطت رواياتها حاجز المليون قاري و اكتر
................................
هذه اسئلة نعرفها علي اروي حاولت ان اسأل اروي المسلاتي اسئلة لاول مرة تسأل ؟
نبدا في الحلقة ❤️
ريان : اهلا اروي
اروي : اهلا بيك اذا حابة تبدي في الاسئلة انا جاهزة
ريان : اوكي نبدوا
.
ريان : السوال الاول : ليش اروي المسلاتي ما تبينش في وجهها ؟ بما انها معروفة علي نطاق عربي ؟ و لامتي مش رح يبان ؟
اروي : اولا الشي هاذا بابا رافضه نهائي وحتى لو كان موافق انا رح نرفض لان يجيب في هلبا مشاكل وزحمه في الاماكن العامه من غير التصوير من بعيد والشي هاذا لاحضته من اسمي فقط يعني لما اسمي الثلاثي ينذكر في مكان عام تبدا الاضواء كلها مسلطه عليا فما بالك يعرفوني بوجهي😂
هكي اريح❤️
.
ريان : اروي المسلاتي ، امراة عملية او ربة منزل ؟
اروي : نقدر نقول الاثنين
.
ريان : تأمن اروي بلصداقة الحقيقية و هل موجودة في حياتها الان ؟
اروي : اكيدددد❤️❤️❤️❤️
.
ريان : يمكن تسمي اغلي صديق ليك ؟ حاليا ؟
اروي : ايمان❤️ ، هما اثنين والاثنين نفس الاسم😂
.
ريان : تأمني بلصدف ؟ او كذبة صدقها المغفلين ؟
اروي : اكيد نأمن
.
ريان : تقولي ان الحب في كل مكان ؟ هل اروي في كل مكان تلقي حب ؟
اروي : هلباااا حتى الناس يلي نتعرف عليها جديد حاسه ان الحب محاط بيا في كل مكان❤️
.
ريان : نسبة جمال اروي الطاهر المسلاتي ؟
اروي : 60‎%‎من وجهة نضري😂
.
ريان : هل تسرب رقم هاتفك قبل هكي ؟
اروي : اي بس ملقيتش مضايقات الحمد الله
ريان : و ليبيانا او مدار ؟
اروي : ليبيانا ❤️
.
ريان : تحبي اجواء الاسرة او الوحدة ؟
اروي : الاسره❤️
.
ريان : اروي من النوع يلي تبكي او دمعتك عزيزة ؟
اروي : دمعتى اكتر من عزيزه لدرجة منذكرش امتى اخر مره بكيت فيها😂
.
ريان : اتخنتي .. هل اروي المسلاتي تعرضت للخيانة ؟ مش شرط تكون من حبيب ممكن حتي صديق ؟
اروي : اي❤️
.
ريان : مبدرة او بخيلة؟
اروي : مبدرة
.
ريان : توافقي علي انك اكتر كاتبة يقلدوا فيها ؟
اروي : اي للاسف وهاذا مش كلامي بس ، نتمنى يطلعو حجات جديده ويبتكرو حجات يخلوني حتى انا نتابعهم ونحس بي شعور الجمهور منبيش يكونو تقليد كله💔
.
ريان : شن الحاجة يلي تلفت اروي في الرجل و المراة ؟ في اول لقاء بينهم ؟
اروي : بنسبه لي الرجل شخصيته🤤
اما المراة جوها وهدرزتها
.
ريان : اروي من النوع يلي تندم او يلي صار صار؟
اروي : يلي صار صار و تعلمت منه
.
ريان : تعرضتي للسرقة و شن يلي نسرق منك ؟
اروي : لا الحمد الله
.
ريان : تتوقعي ليش اروي محبوبة مع انها مش اقدم كاتبة في ليبيا ؟
اروي : بجد معنديش اجابه لهاذا السؤال ممكن لاني نبادلهم بنفس الشعور🥺❤️
.
ريان : شن الشي يلي مش حلو في اروي ؟
اروي : سهل استفزازي وللاسف ديمه ردة فعلي عنيفه
.
ريان : فيه حد من عائلتك ما يعرفش انك كاتبة ؟
اروي : لا كلهم يعرفو ❤️
.
ريان : افضل فنان و فنانة عند اروي المسلاتي ؟
اروي : حسين الجسمى ❤️ شيرين
.
ريان :  هل يلي تخلي عن اروي في الماضي ، لو يلقي فرصة يرجعها في المستقبل ؟
اروي : اكيد ، بس رح نرفض
.
ريان : وردة او شكلاتة ... اذا حب حد يهديك ؟
اروي : شكلاته🤤
.
ريان : بما انك رائدة روايات الحب ؟ شن اكتر قصة عشتيها بعد كتابتك ليها ؟
اروي : اهاا ...جريمتي الثانيه ❤️وحب من طرف واحد
.
ريان : لو حنختاري بطل من ابطالك يطلع في حياتك في الحقيقة من حيكون ؟
اروي : اهااا ...محمد في رواية جريمتى الثانيه
.
ريان : شن طقوس اروي في رمضان من ناحية يومك في رمضان ؟
اروي : عادي زي اي بنت نوم لصهر وبعدين المطبخ طول 😂نحب نصلى ونقرا قرآن في الثلث الاخير من الليل
.
ريان : الاكلة الاساسية عندك في رمضان ؟ بنسبة لاروي ؟
اروي : بيتزا🤤
.
ريان : و رسالة لجيش اروي يلي يتصدي لاي شخص يكتب ولوا كلمة بسيطة علي اروي ؟
اروي : وربي مستحيل نوصف شي بي الكلام يهبلووو😭😭😭
بنات وحتى تريس يلي صدموني والله منعرفهم وقفو جنبي ❤️
نحبهم بجد اقوا جمهور ونتحدى اي كاتبه ليبيه يكون عندها جيش هكى هما الشي الوحيد الخلو يلي طلعت بيه من الروايات نحبهم وربي يخليهم ليا
.
ريان : تمنياتك لكل الناس في ضل كورونا و رمضان ؟
اروي : ربي يحفض البلاد والعباد من الوباء المنتشر وان شاء الله يخش علينا الشهر الكريم بي الهناء والخير والفرج ياااارب على بلادي الحبيبه ❤️
.
ريان : فيه سوال عندي في الورقة بس خجلت اني نساله ؟
اروي : اسألي ياقلبي
ريان : وين الحب في حياة اروي ؟ حاليآ ؟
اروي : لا حاليا سنجل
.
ريان : وصلنا لاخر سوال ؟ كلمة ل MBC LIBYA 🇱🇾 ؟
اروي : احلا صفحه ليبيه وبي اذن الله اليوم او بكرا تاخد احلا نشر ع الانستا ك دعم مني ليها ، ريونه منعرفكش بس واضح عليك عسل من اسلوبك😂😭
.
ريان : شكرا ليك حبيبتي ❤️ و شكرا علي وحب صدرك و تواضعك ؟ بجد هذا يدل علي ان اروي المسلاتي انسانة تحترم ؟
شكرا حبيبتي و نتمنالك كل خير اني و طاقم الصفحة ؟ و كل عام و انتي بألف خير
اروي : حبيبتي ربي يسعدك❤️ ، رمضانك ابرك وانتي بألف خير
.
بهذا نكونوا وصلنا لنهاية اللقاء ، الحقيقة تمتعت اني حكيت معاها و سالتها و حستها شخصية جميلة جدا جدا من الداخل و الخارج و متواضعة ، الحقيقة كنت واخدة فكرة عليها انها عصبية و مرات تردني زي ما سمعت من صفحات ليبية بس من لما حكيت معاها عرفت ديما ان الناجح يشوهوا في صورته مهما كان جميل قلبآ و قالبآ
.
نتمني لاروي المسلاتي الناجح الدائم و انا متوقعة انها حتكون شي كبير ، لانها تستحق ❤️
.
نتلاقوا غدا بأذن الله في حلقة جديدة و مع كاتب جديد
و رح يكون الكاتب الجميل جدا ( محمد مالك )
باي باي
.
MBC LIBYA 🇱🇾
اكبر منصة لقراءة الروايات في ليبيا
تابعونا ❤️