برنامج #كاتبك_معانا
إعداد و تقديم : ريان
حلقة : 6
.
مسأكم خير و صحة فطوركم و ان شاء الله تكونوا بخير ، اليوم حلقتنا ضيفها كاتب جديد علي الساحة بس في وقت لا يتجاوز الاشهر حقق نجاحات و روايات جميلة جدا ، و اشاد بيه اكتر من كاتب و كاتبة ، صاحب عدة روايات متل " حكايتين في حكاية " " رغم ابتزازي " " اغتصاب دمر حياتي " و غيرهم
.
ضيفي الكاتب الشاب #حسن_الجامعي
( حنعرفوا عليه بعض المعلومات قبل ما نبدا في الاسئلة )
الاسم : حسن الجامعي / مواليد : 2003
يعيش في تركيا
.
ريان : نبدا الاسئلة
حسن : جاهز
.
ريان : متي بدايات حسن الجامعي
حسن : اوائل سنة 2020 برواية " حكايتين في حكاية "
.
ريان : لماذا كان الاستقرار في تركيا
حسن : اي السؤال هذا يسألوا فيه هلبا اني استقريت في تركيا في بداية سنه 2020 بسبب علاج واحد من افراد عيلتي ( عفانا الله وعفاكم ) وجيينا علاج وربي يحفظنا ويحفظكم ❤
.
ريان : تخصصك ؟
حسن : اني تخصصي ادبي لأن نحفظ هلبا ونكتب هلبا اكتر يعني موهبة حفظ والكتابه اخترت الادبي لأن مناسب ليا ❤
.
ريان : الرواية الاحب لقلبك ؟
حسن ؛ اقرب روآية ليا وكتبتها بكل إحساس مع ان اول روآية ليا هي ( حكايتين في حكاية )
.
ريان : في نضرك الغربة تأتر علي حياة الانسان ؟
حسن : تأثر هلبا نفسيا ومعنويا
.
ريان : متل حسن الاعلي في الكتابة ؟
حسن : بصراحه زوز هما
1 الكاتبة المبدعه ميلو حسسسن
2 الكاتبة صاحبة الإحساس نادرة
.
ريان : تعتبر نفسك من افضل الكتاب الشباب ؟ بما انهم عددهم قليل ؟
حسن : ايه لكن في افضل مني في طريقة السرد والكتابة نعتبر روحي في ترتيب لكن مش الأول
.
ريان : من الكاتب يلي لفت انتباهك ؟
حسن : إبراهيم رشيد
.
ريان : هل تعتبر نفسك الكاتب الوحيد يلي يتكلم عن روايات الحب بين الكتاب الشباب ؟ و هل هذا عرضك للنقد ؟
حسن : لا
.
ريان : المستوي التعليمي تأتر بعد الكتابة و الشهرة ؟
حسن : مش رح تعرف تفرق وقتك بين كتابة القصص وروايات وبين الكتابة والدراسه وتركيز ويصير هكي تشتت في الفكر
.
ريان : ما الذي جعل محمد مالك كاتب محترف بين الكتاب الشباب ؟ هل حب للكاتبة او بحتآ علي شهرة وًاستغلال وقت الفراغ ؟
حسن : منعرفش اني الحق محمد مالك متعرفتش عليه بالقرب من بعيد فقط وقريتله كم رواية وانتبهت / لأ حبي للكتابه طبعا لأن اني بديت ندرب على الكتابه من سنة 2019 وكنت انزل في صفحتي الشخصية على انستقرام ومش للشهره اني اكتشفت ان عندي موهبة في كتابه في مرور سنه ومش للشهره لأن اصلا منشهرتش نهائيا في بدايتي ع انستقرام ومكنتش ندور في شهره كنت ندور في رأي مجموعة اشخاص ونشوف نسبة تطوري في الكتابة 💕
.
ريان : هل ندمت علي عمل ادبي ؟ كتبته ؟
حسن : لا
.
ريان : ماهي طموحاتك المستقبلية سواء على الجانب الشخصي او الادبي؟
حسن : طموحاتي المستقبلية ان نخش مجال التمثيل في المسلسلات و الافلام
.
ريان : ليش رح تتجه للتمتيل ؟
حسن : نتجه للتمثيل لأن اكتر شي نتقن فيه تقليد الشخصيات عندي موهبة تغيير الاصوات نحفظ الحوار عندي موهبة الحفظ زي ما قتلك ... من و أني صغير نحب التمثيل ومشاهده المسلسلات والافلام وكل شي يخص التمثيل وهذه هو حلمي وفي اقرب وقت رح نحققه بإذن الله ❤
.
ريان : افضل رواية ليبية في نضر حسن الجامعي ؟
حسن : افضل رواية ليبية قريتها ولتوا منسيتش منها ولا حرف هي روآية مات الكلام للكاتبة المبدعة نادرة
.
ريان : حسن يأمن بلاصدقاء ؟ او لا يوجد في هذا الزمن ؟
حسن : نأمن بالاصدقاء طبعا بس مش كل شخص نقول عليه صديقي لأن مش الكل نفس بعضهم ، نادر الزمن هذا انك تلقى صديق وفي ليك
.
ريان : تحب اللمة او الهدوء و الوحدة ؟
بمعني الزحمة او مكان خالي من الناس ؟
حسن : اممممم في اوقات نبي وقت انكون بروحي فقط لكن اغلب اوقاتي نحب اللمه
.
ريان : فيه حد من عيلتك ما يعرفش انك كاتب مشهور ؟
حسن : لا الكل يعرف
.
ريان : افضل فنان و فنانة عند حسن ؟
حسن : الفنان سعد لمجرد / الفنانة شيرين عبد الوهاب
.
ريان : ردك علي إتهامك بتقليد اروي المسلاتي ؟
حسن : اني واروى الطاهر المسلاتي مفيش اي شي بيني وبينها اصلا منعرفهاش شخصيا ولا عمري تكلمت عليها باش يصير بيينا خلاف...وبخصوص روآية ( إغتصاب دمر حياتي ) اني نحيت كلمة انقذ وخليتها دمر لا سرقت السرد ولا فكرة الرواية ولا القصه ... وتاني شي السرد مفيش اي وجه مقارنة اني واروى هي محترفه هلبا وتعيشك في رواية كأنها قصتك لكن اني نعتبر رووحي مزلت في بداية مشواري من رغم اللي كتبتهم كلهم...ونتمنالها التوفيق والإزدهار ونجاح في عالم الروايات والكتابة ❤
.
ريان : هل واجهت اعتراض من العائلة ؟
حسن : في حد من عيلتك قالك وقف كتابه او اعترض انك تكتب روايات... لالا مفيش حد اعترض ان نكتب روايات بالعكس كلهم دعموني ان نكتب رواياتي بدات حناي ربي يحفظها وصديقي المقرب ( محمد )
.
ريان : ما هو جديد حسن الجامعي قريبا و شن المخططات ؟
حسن : الصراحه ان مستمر في كتابة الروآيات انتظروا عمل ادبي جديد بعنوان #حب_إجرامي رح يتم تحميلها في صفحة المتميزة mbc libya ... وعمل ادبي مشترك مع الكاتبة المبدعة ميلو حسسن 💕
.
ريان : شن لازم يكون موجود في سفرة رمضان بنسبة ليك ؟
حسن : نحب يكون في سفره اكل فيه دجاج اكتر من لحم
.
ريان : كلمة ل صفحة MBC LIBYA 🇱🇾 ؟
حسن : انحب انقول ل صفحة MBC LIBYA 🇱🇾 ان ربي يوفقكم ويحفظكم ونشكر كل عضو فيها سوا كان ناشر او منسق او مصمم ونحب نشكر المؤسس اللي أسس هذه الصفحه المتميزة ونتمنالكم المزيد من التقدم ونتمنى ان الصفحه تستمر في روآياتها اللي تنشرها في الصفحه ونحب نشكر المحبوبة والمتميزة اللي ضيفتني في برنامجها اليوم #كاتبك_معانا ... ( ريان ) ونحب نقوللها ربي يحفظك وشكرا على هذا البرنامج المتمرز واستمعت في هذه الحوار معاك وكل عام وانتي بألف خير تحياتي ليك 💕💕💕
.
ريان : شكرا حسن ❤️
حسن : عفووا ريان بجد برنامجك واسلوبك ذووق بكل ونتمنى برنامجك هذا تستمري بيه كل سسنه ❤🌙
.
بهذا نكونوا وصلنا لنهاية حلقتنا نتمني لحسن الاستمرار و النجاح و بأذن الله يوصل لكل حلم حاب يوصله ، و نتلاقوا في حلقة جديدة و مع كاتب جديد و بأذن الله غذا ضيفتنا الكاتبة المبدعة #زهور_جمال_الدين و حلقة نار 🔥 تراقبوا
.
باي باي
أنت تقرأ
كاتبك معانا ( كل كتاب ليبيا )
RomanceMBC LIBYA 🇱🇾 تقدم برنامج #كاتبك_معانا .. مع الادمن #ريان برنامج حواري كل يوم سيكون معنا كاتب او كاتبة و سنساله اسئلة لم تخطر علي البال ، لنتعرف اكتر عليه و علي شخصيته ، و سيتم طرح الحلقات كل ليلة في رمضان . يتكون البرنامج من 20 حلقة ، 20 كاتب...
