برنامج #كاتبك_معانا
إعداد و تقديم : ريان
حلقة : 9
.
مسأكم خير يا حلوين و صح فطوركم يارب ، وصلنا لحلقة 9 ماشاء الله و مكملين ، اليوم ضيفتي كاتبة شابة مش جديدة في الساحة و كتبت روائع من الروايات ، رواياتها حصلوا علي إعجاب كل من قارهم ،
ضيفتي الكاتبة الجميلة #لينا_المنفي
.
عرفت عليها اكتر من حاجة نبدا الحلقة ❤️
ريان : جاهزة
لينا ؛ جاهزة اكيد
.
ريان : اسمك و مواليدك ؟
لينا : لينا صالح ( لينا المنفي )
.
ريان : عمرك ؟
لينا : موليدي سر😹❤️...لأن انا كاكتبه العمر بنسبه ليا مش ميزان🤍
.
ريان : من وين ؟
لينا : طبرق
.
ريان : بدايتك كا كاتبة ؟
لينا : 2017
.
ريان : اول رواية ليك كانت ؟
لينا : العشق الممنوع
.
ريان : هل تعتبري نفسك كاتبك مشهورة ؟ أو مبتدئة ؟
لينا : ماعمريش فكرت في شي هذا وبما انك سألتي نقدر نقول في الوسط
.
ريان : تخصص لينا المنفي ؟
لينا : مازلت طالبة
.
ريان : طموحك في المستقبل ؟
لينا : دكتورة اسنان بأذن الله
.
ريان : ماذا تعني ليك كتابة الروايات ؟
لينا : نحسها شي قريب ليا انا طبيعتي مانحكيش عن مشاعري للناس فاخترت نعبر عن مشاعري واللي نحس بيه عن طريق شخصيات انا نتحكم فيهن في رواياتي يعني نعتبرهن كـ مواساة ليا
.
ريان : افضل كاتب و كاتبة بنسبة للينا ؟
لينا : اجاثا كرستي / وعمر العوضه
.
ريان : قدوتك ؟
لينا : بصراحه ماعنديش حد نقتدي بيه معتمده ع نفسي في كل شي
.
ريان : من القصة يلي كتبتيها ؟ و عشتي فيها و انتي تكتبي فيها ؟
لينا : البنت عار لأنها فعلاً قضية مجتمع ولان ديما حقنا نحن البنات مهضوم حبيت نوضح ابسط حقوق البنت في اطار الروايا
.
ريان : لو حتختاري بطل من ابطال روايتك ؟ يطلع في الحقيقة من يكون ؟
لينا : سجان مع انه شخصيه عصبيه الا انه صاحب مواقف ماتنتساش❤️✨
.
ريان : هل تأتر المستوي التعليمي بسبب الكتابة ؟
لينا : ابداً لان في اوقات الدراسه نوقف في جميع انشطة الكتابه
.
ريان : فيه حد في عيلتك ما يعرفش انك كاتبة ؟
لينا : الجميع يعرف بس مايعرفوش في شنو نكتب بالضبط😹❤️
.
ريان : من الداعم الاول ليك ؟
لينا : ولا حد جمهوري هو الداعم الأول والواحيد نحب نشكرهم من خلال منصة MBC LIBYA❤️✨
.
ريان : كيف توصفي شخصيتك ؟
لينا : شخصيه بسيطه نحب التميز نحترم الجميع بغض النظر عن افعالهم او تصارفاتهم عنيده شوي
.
ريان : يأتر فيك النقد ؟
لينا : يأثر فيا بشكل إيجابي
.
ريان : حتي لو كان سلبي ؟
لينا : لو كان سلبي بس بناء اكيد نحترمه بس اذا كان نقد يهدم اللي بنيته مش ح يهز مني شعره
.
ريان : هل هتستمري في الكتابة او فترة معينة ؟
لينا : ح نستمر طول ما انا حاسه ان اللي ندير فيه صح
.
ريان : طموحك بناء راس مال او بناء اسرة؟
لينا : المال هو صح مش كل شي بس ضروري والأسره شي مهم في الحياة بس مش ح نسعى لتكوين اسرة الا بعد بناء راس مال
.
ريان : تحبي اللمة او الهدوء ؟
لينا : الهدوء
.
ريان : افضل فنان و فنانة بنسبة ليك ؟
لينا : الفنانة هازال كايا / ونسليهان
.
ريان : طقوس يومك في رمضان ؟ من الامساك للمغرب ؟
لينا : سهرانه للساعه 6 صبح نصلي ونرقد نوعى ع ساعه 1 نصلي ونقرا ما تيسر من القرآن للساعه 3 بعدها نبدا نساعد ماما في المطبخ لعند المغرب وبعد الفطور نبدا نكتب في حلقة من روايتي لعند ساعه 4
.
ريان : افضل اكلة بنسبة ليك ؟
لينا : مكرونه مبوخه افضل اكله
.
ريان : و الاكلة يلي لازم تكون في سفرة الفطور ؟
لينا : لازم يكون في كيمياء هيا طبخه شرقاويه يمكن الغرب مايعرفوهاش❤️
.
ريان : افضل رواية كتبتيها ؟
لينا : حب بنكهة المشاكل❤️✨
.
ريان : كلمة لصفحة MBC LIBYA و للناس يلي تحبك ❤️
لينا : شكراً بجد وشرف ليا اني كنت احدى ضيوفكم وشكراً مره ثانيه ع الذووق وجهد المبذول موافقين ..بنسبه للناس اللي تحبني انا نحبكم ونعتبر فيكم زي قطعة الأحجيه مهمه جداً في حياتي بدونكم مستحيل تكمل الصورة شكرا لكل من دعمني حتى لو بنقد منه❤️
.
ريان : شكرا حبيبتي و رمضانك مبروك يارب
لينا : كلك ذوق و الله ❤️
.
بهذا حبايبي نكونوا وصلنا لنهاية حلقتنا اليوم الحقيقة استمعت جدا للحوار مع لينا بنت جميلة جدا الحق و نتمني ليها كل التوفيق.و النجاح
❤️
نتلاقوا حبايبي غدا و مع كاتب جديد و رح تكون الكاتبة #سرو_كوين و مزال يلي جاي حاجات " نادرة "جدا ☺️ في ناس رح تفهم ❤️🔥
.
باي باي
أنت تقرأ
كاتبك معانا ( كل كتاب ليبيا )
RomanceMBC LIBYA 🇱🇾 تقدم برنامج #كاتبك_معانا .. مع الادمن #ريان برنامج حواري كل يوم سيكون معنا كاتب او كاتبة و سنساله اسئلة لم تخطر علي البال ، لنتعرف اكتر عليه و علي شخصيته ، و سيتم طرح الحلقات كل ليلة في رمضان . يتكون البرنامج من 20 حلقة ، 20 كاتب...
