كاتبك معانا ( كل كتاب ليبيا )

حلقة 20🔥 هامي ❤️

برنامج #كاتبك_معانا
إعداد و تقديم : ريان
حلقة : 20 و الاخيرة
.
اهلا بيكم صح فطوركم حبايب قلبي ، و عيدكم مبروك مقدمآ ، أنتهي برنامجنا بسرعة و الحق تعودت علي اني ندير حلقات كل يوم بس يلا اكيد حنرجعلكم بحاجة تانية رمضان الجاي لو حيانة ربي ، ما نبيش نطول عليكم و نخشوا في حلقتنا ، اليوم ضيفتي كاتبة جميلة جدا ، من غير ان اسمها لافت للنضر ، حتي رواياتها لافتة للنضر ، تحس ان رواياتها تكتب بمزاج عالي ، كتبت روايات بمتابة تحف فنية " حب أمتلاك " ، " مبرر خيانة " و غيرهم
ضيفتي الكاتبة #هامي .. حنقوللكم علي هامي معلومات بسيطة قبل ما نبدوا اللقاء ،
الاسم : إلهام و مشهورة ب " هامي "
العمر : 1991
الحالة الاجتماعية : متزوجة و أم لولد و بنوتة ❤️
.
نبدا الحلقة
ريان : حنبدا
هامي : تمام
.
ريان : تخصصك ؟
هامي : اللغة الإنجليزية
.
ريان : بدايتك كا كاتبة ؟
هامي : بدايتي من الصغر في سنة 2004 ، كتابتي كانت على وراق
.
ريان : اول رواية لهامي ؟
هامي : كا نشر لي وبداية في الفيسبوك في 2014 ، حب إمتلاك
.
ريان : هل تعتبري نفسك كاتبة محترفة او مبتدئة ؟
هامي : مبتدئة أكيد
.
ريان : سبب اختيارك لاسم الشهرة " هامي " ؟
هامي : هك ينادوا في عيلتي وصحباتي أسم قريب لي وحسيته ح يكون خفيف على الناس
.
ريان : هامي ؟ واخدة حقها في الشهرة ؟
هامي : لما نكون نستحق إن شاء الله ح ننشهر
.
ريان : افضل رواية لهامي ؟
هامي : مبرر خيانة أكيييد❤
.
ريان : رواية عشتي فيها و انتي تكتبي فيها ؟
هامي : روايتين كانوا قطعه مني إنتحار ومبرر خيانة أثرن في بشكل كبير
.
ريان : افضل كاتبة في وجهة نضرك ؟
هامي : أنا من محبين أثير عبدالله النشمي الكاتبة السعوديه وأحلام مستغانمي نحب تناغم الحروف ولعب بالكلمات وكيف لما تقرالهم يأخذوك لعالمهم ، أما في ليبيا ومن كتابنا الحاليين واجد الحق ما شاءالله عليهم
.
ريان : قدوتك في مجال الكتابة ؟
هامي : أحلام مستغانمي
.
ريان : حتستمري في مجال كتابة الروايات او فترة و رح تنطوي ؟
هامي : إلى الأن مستمره الكتابة شغفي ومهربي
.
ريان : من اين خيال هامي في الروايات ؟
هامي : من واقع عايشه فيه قصص لي ناس نعرفهم تجيني أفكار ونطورهم
.
ريان : فيه حد ما يعرفش انك كاتبك في البيت ؟
هامي : الأغلب مفكرين اني وقفت مش عارفين اني رجعت هههه
.
ريان : من الداعم لهامي ؟
هامي : أنا يمكن نكون الكاتبة الوحيده لي ماليش أي داعم على الصعيد الشخصي الوحيدين لدعموني وخلوني نكمل متابعيني❤❤
.
ريان : هامي تحلم ان تكون امراة عملية او ربة منزل ؟
هامي : هامي مستحيل تكون إمرأة روتينيه نحب نكون عمليه وملتزمه بخدمتي وبموهبتي وبعيلتي أكيد❤❤
.
ريان : تحبي اللمة او الهدوء ؟
هامي : أكيد ضروي من أوقات فيهم لمه مع الأحباب بس في الأغلب المزاج يميل للعزلة والهدوء ومراجعة النفس
.
ريان : طقوس تتبعيها وقت الكتابة ؟
هامي : الهدوء ونسمع أغاني عبدالرحمن محمد وفنجان القهوه المره أخر روااااق❤❤
.
ريان : افضل فنان و فنانة لهامي ؟
هامي : عالمياً أديل وفي العرب نحب صوت أدم
.
ريان : لو تختاري بطل من رواياتك يطلعلك في الحقيقة من يكون ؟
هامي : أسامه بطل أجيال
.
ريان : سوال لو مش حابة تجاوبي عليه عادي ؟
وين الحب في حياة هامي حاليا ؟
هامي : الحب كله لزوجي ❤
.
ريان : الحالة الاجتماعية ؟
هامي : متزوجة و ام لولد و بنوتة ❤️
ريان : واو 🤩 ربي يخليهملك
هامي : ان شاء لله يارب ويخليلك غواليك
.
ريان : شن طقوسك في رمضان ؟ من الفجر للفطور ؟
هامي : في رمضان نحب نبتعد عن سوشيل ميديا روتيني بيتوتي بين صلاة وقراءة القرآن واهتمامي بالبيت وصغار والمطبخ طبعاً لياخذ منه ساعات هههه
.
ريان : الاكلة يلي لازم تكون موجودة في سفرة الافطار ؟
هامي : طاجين أجبان هذا العشق
.
ريان : تتفرجي علي مسلسلات في رمضان او لا ؟
و شن مسلسلاتك المفضلة ؟
هامي : السنه هذي متابعتش غير شط الحرية❤
.
ريان : كلمة ل MBC LIBYA 🇱🇾 ؟
هامي : أحلا mbc ليبيا وأحلا فريق عمل ربي يوفقكم دائمآ سباقين لكل شي جديد وراقي
وعلى فكره من لم يشكر الناس لم يشكر الله mbcليبيا من أول الناس لدعمتني وشجعوني ونزلوا روايتي في صفحتهم والوتباد بدون اي مقابل غير انهم يشجعوا في مواهب فقط فا كل شكر ليكم وربي يوفقكم ان شاء لله ومزيدا من التقدم لي أكبر منصة لقرأة روايات الليبيه❤🌺
.
ريان : شكرا حبيبتي و استمتعت معاك في اللقاء ❤️ و نتمنالك كل التوفيق و النجاح الدائم لانك تستاهلي
هامي : تسلميلي يارب أسعدني حوارك معي عزيزتي ريان 😘❤
.
بهذا نكونوا وصلنا لنهاية حلقتنا ، نتمني لهامي كل التوفيق و النجاح و الاستمرارية و ربي يحفظها لعيلتها و اولادها يارب ، بهذا نكونوا وصلنا لنهاية البرنامج 🥺🤭 مش مصدقة ، طبعا شكرا علي دعمكم للبرنامج و ان شاء الله مش رح نعطل عليكم و رح نرجع تاني
.
فيه مفاجاء يوم العيد رح نعرضوا عليها بكرا او بعده❤️ الاحلي جاي
.
باي باي 👋🏻