برنامج #كاتبك_معانا
إعداد و تقديم : ريان
حلقة : 5
.
مسأكم خير و صحة فطوركم يارب وصلنا لحلقة الخامسة ما شاء الله رمضان السنة هادي يجري جري ، اليوم ضيفتي ممكن تكون مش معروفة للبعض انما هو كاتبة موهوبة جدا و ليها اكتر من رواية ابدعت فيهم ، عندها ناس تحبها و تقرالها و مفرومة في رواياتها ، اسمها و رواياتها غريبة شوي و هذا الشي المميز فيها
ضيفتي الكاتبة " شيراز الشريف " المعروفة بل " القطة الشريرة 😈 )
.
سالت شيراز مجموعة من الاسئلة لنتعرفوا عليها اكتر ❤️
اسمها ؛ الحقيقي " سمر "
الشهرة : " شيراز الشريف " " القطة الشريرة "
مواليد : 1999
تعشق القطط لدرجة الهوس
عزباء
بداياتها : 2019 و اول رواية ليها " جننت بك "
تحلم بمجال تصميم الازياء
.
نبدا الحلقة 🔥
ريان : جاهزة شيراز
شيراز ؛ جاهزة
.
ريان : ليش غيرتي اسمك من القطة الشريرة ل شيراز الشريف ؟
شيراز : غيرته لأنى نحب التغيير
.
ريان : من وين ؟
شيراز : الجبل الغربي
.
ريان : تعتبري نفسك كاتبة مشهورة او لازلتي مبتدئة ؟
شيراز : انا الصراحة مانكتبش عشان الشهرة ونفضل اسم الهاوية وليس الكاتبة ونعتبر فروحي مبتدئة
.
ريان : ليش اخترتي شيراز ومش سمر ؟
شيراز : شيراز هذا نوع من أنواع القطط وانا انسانة مهوسة بحب القطط
.
ريان : ماذا تعني الكتابة ليك ؟
شيراز : الهروب من الواقع
.
ريان : افضل رواية ليك ؟ من رواياتك ؟
شيراز : المتدين والشيطانة
.
ريان : هل تخاف شيراز ان تفقد شهرتها بسبب تغيير اسمها ؟
شيراز : لا
.
ريان : تخصصك ؟
شيراز : علم اجتماع
.
ريان : افضل كاتبة بنسبة لشيراز ؟
شيراز : الكاتبة سيمو ❤
.
ريان : من الكاتب او الكاتبة الذي تعتبري فيه قدوتك في الكتابة ؟
شيراز : الصراحة مافيش
.
ريان : لو حتختاري بطل من ابطال روايتك يطلع في الحقيقة ؟ من حيكون و من اي رواية ؟
شيراز : علاء رواية (المتوحد)
.
ريان : هل دخولك لمجال الكتابة سببه ؟ استغلال وقت الفراغ / الشهرة / حب الكتابة ؟
شيراز : استغلال وقت الفراغ
.
ريان : هل المستوي التعليمي تأتر بسبب الكتابة ؟
شيراز : الحمد لله لااااا
.
ريان : فيه حد من عليك ما يعرفش انك كاتبة ؟
شيراز : اي نص العيلة ماتعرفش انى نكتب
.
ريان : من الداعم ليك ؟
شيراز : صديقتي وحبيبتي اسماء وهيا نفسها الكاتبة سيمو
.
ريان : شخصية تحب اللمة او الهدوء ؟
شيراز : اللمة
.
ريان : شن طموح شيراز في المستقبل ؟
شيراز : نكمل دراستي وناخد شهادتي وندير محمية خاصة للقطط
.
ريان : ما سبب عشقك للقطط ؟
شيراز : الحق من صغري وانا نحبهم تقدري تقولي حب بالفطرة
.
ريان : حتكملي كتابة الروايات ؟ او وقت معين و خلاص ؟ و مش طموح مدروس ؟
شيراز : حاليآ مش مفكرة نوقف ونتمنى نكمل حتى ف المستقبل
.
ريان : عندك روايات حقيقية او كله من وحي خيال شيراز ؟
شيراز : عندي من الواقع اكيد
.
ريان : من اين تستمدي خيالك في الروايات ؟
شيراز : من احداث نتمنى انى انا نعيشها
.
ريان : طقوسك في رمضان ؟
شيراز : هههه حلو السؤال زي اغلب بنات ليبيا نوض الظهر نصلي وبعدها ع المطبخ وماادراك مالمطبخ وباقي اليوم قراءة قرآن وصلاة ودكر
.
ريان : الاكلة الاساسية بنسبة ليك ؟ في رمضان ؟
شيراز : خبزة كسكاس😍
.
ريان : اين الحب في حياتك ؟
شيراز : مزال مفقود
.
ريان : كلمة ل MBC LIBYA 🇱🇾 ؟
شيراز : بجد نشكركم هلبة ع المقابلة الحلوة هدي ونشكرك انتي بالذات ع اسلوبك الحلو وان شاء الله من تقدم لتقدم ف مسيرتكم❤❤❤
.
ريان : شكرا ليك حبيبتي و رمضانك مبروك
شيراز : شكرا ليك انتي ، رمضانك ابرك
.
بهذا نكونوا وصلنا لنهاية الحلقة مع الكاتبة شيراز ، حبها للقطط عجبني جدا و شخصيتها كذلك ، نتمني ليها كل التوفيق و النجاح الدائم
.
حبايبي نوعدكم بلحلقات جايات نار و نتلاقوا غدوا مع الكاتب الشاب " حسن الجامعي " و مزال الحلو ما جاش
.
نتلاقوا ❤️
أنت تقرأ
كاتبك معانا ( كل كتاب ليبيا )
RomantizmMBC LIBYA 🇱🇾 تقدم برنامج #كاتبك_معانا .. مع الادمن #ريان برنامج حواري كل يوم سيكون معنا كاتب او كاتبة و سنساله اسئلة لم تخطر علي البال ، لنتعرف اكتر عليه و علي شخصيته ، و سيتم طرح الحلقات كل ليلة في رمضان . يتكون البرنامج من 20 حلقة ، 20 كاتب...
