28th

Chapter 05

Chapter 05 - Secondment Role

Two months.

Akalain niyo 'yun? Pagkatapos kong pahiyain ang sarili ko sa harapan ng Senior Vice President ng Birchwood Industries ay hindi na kami nagkita ulit? Dalawang buwan nang hindi nagku-krus ang landas namin ni Sir Trein. Mabuti naman at may isa siyang salita. Naintindihan niya na rin siguro ang ibig kong sabihin - na hindi lahat ng babae ay kaya niyang pasunurin kahit gaano pa siya ka-flashy.

Two months.

Talagang pinagtaguan ko siya. I made it appoint na hinding-hindi magku-krus ang landas naming dalawa kundi patay talaga ako.

To be honest, may Plan B ako kung sakaling mabulilyaso ang pagtatago ko - 'yun ay pagsa-submit ng resignation letter. If all else fails, di pa rin ako pwedeng mabokya sa trabaho. I have bills to pay and I have a family somewhere in the province to feed. Gaya ng sabi ko noon kay Nana, I can't afford to lose my dream company and my dream job pero kaya kong itaya yun para lang maging Trein Ryu-free ang life ko.

I work as a part-time line artist/coloring assistants to some webtoon artists from Korea and the US. I'm getting paid per my rate and per panel. Mahirap kasi I need to do what is expected of me but whenever I see the results of what I do, it satisfies me. Finance ang major ko habang nasa University pero kasali ako sa Arts Club kasi may passion ako sa drawing, painting, illustration at digital arts. I could've entered Fine Arts as a major but my parents are totally against that idea. Being a gullible daughter, pumayag ako sa desisyon nila. And then, the rest is history.

Kung mag-resign man ako, magdo-double time ako sa pagpa-part time at mag-a-accept ng commission projects, let alone do a webtoon myself to be published.

I was busy reviewing some loan prospects when my officemate, Arienne, sat on the empty chair beside me.

"Busy ka?" she asked.

Without looking at her, I nodded. "'Di ba halata?" I glanced at her and made a force grin.

"I thought so. Tawag ka ni Sir Zeke sa meeting room."

Bigla akong natigilan sa pagbabasa. "Ha? Bakit daw?"

She shrugged, "I don't know. May escalation ka yata?" my aura darkened kaya nag-peace sign kaagad siya. "Joke lang! Ito naman hindi na mabiro. C'mon, tayo ka na dyan. Baka importante kaya pinatawag ka sa secluded area."

Tumango lang ako tapos bumalik na siya sa upuan niya. Inayos ko muna ang mga files ko pati ini-lock ang laptop ko bago ako pumunta sa meeting room na sinabi ni Arienne. Habang naglalakad, inisip ko kung mayroon ba akong misinterpreted financial data records o may complaints ako galing sa mga prospective clients. As far as I know, wala naman.

Mabilis namang kausap si Sir Zeke, ang supervisor namin. He'll talk to you if you made a mess or you did your job quite well.

Kumatok ako sa pinto saka binuksan ito. Nakita ko agad si Sir Zeke na nakaupo sa swivel chair habang nakatuon sa laptop niya na nakapatong sa mesa. Sa tapat niya ay nakita ko si Secretary Kim.

Teka, Secretary Kim? Ni Sir Trein?

Shit, ano na naman 'to?! I smell something very, very fishy.

"Hello, Sir." bati ko sa supervisor ko. Nag-alangan pa akong batiin si Secretary Kim dahil napahiya na ako sa harapan niya dati dahil akala ko talaga ay siya yung potential fiance noon ni Nana! "H-hi, Secretary Kim."

Matipid na ngiti lang ang sinagot niya sa akin. He pointed at the chair near Sir Zeke, "Please sit down, Miss Shin."

"Sir, ano pong kasalanan ko?" bungad ko sabay yuko. Ewan ko ba, ang advance kong mag-isip! Mas mabuti nang ganito kesa pa umasa pa ako sa wala 'di ba?