رواية: #تحتَ_السرير.
الكاتبة: منار السليني.
"الفصل الأول"
.
.
.
المُمرضة: وقار.
وقار ساكتة وتتفرج على المطر من الروشن.
آمنة (المُمرضة الخاصة بوقار): أنا لأمتى بنبدأ نساير فيك بس😒.
وجت قربت منها.
وقار بدت تعيط وتحاول تبعدها.
آمنة: يا حمارة نعطيك دواء متاعك مانيش واكلتك أنا أثبتي مكانك.
وقار تبكي وهيا لامه يديها على كرعيها: أنا مش مريضة حولي حولي😭.
آمنة بإستهزاء: هه كان أنتِ مش مريضة من مريض أمالا😒؟
مرت إلهام من قدام باب الغرفة وشافت وقار بالحالة هذي خشت للدار وهيا رافعة حاجبها: مش كل يوم على نفس الحالة خودي دواء متاعك عشان تصحي ومعش نعطوك منه.
وقار صبت تعيط: حرام عليك أنا مليت من الأدوية لتعطو فيهن ليا، لأنهن يتعبن فيا😭.
إلهام شافتلها من فوق لتحت وهذي كانت نظرتها المستفزة لتنظر بيها للناس كلهم.
الخدامة: أنسة إلهام الست فاتن تحت في الصالون.
إلهام بحتت في وقار بنظرة حادة وهزت رأسها وطلعت من الغرفة.
طلعو كلهم وسكرو الباب بالمفتاح وسيبو وقار بروحها كالعادة.
______________________________
إلهام إبتسمت وهيا نازلة من الدروج واطقطق بكعبها: يا مرحب بي فاتن❤.
فاتن إبتسمت: أهلين إلهام كيف حالك!
إلهام سلمت عليها: الحمدلله بخير تفضلي قعمزي.
قعمزت فاتن وجت الخدامة: شن تحبي تشربي؟
فاتن سلحت وشاحها: قهوة وسط لو سمحتي.
إلهام بحتت في الخدامة: وأنا نفس الشئ وتعرفي كيف نشرب فيها، أحم ما سألتكش على أخبارك فاتن❤.
فاتن: بخير الحمدلله زي ما تعرفي ولدي آدم امس كيف جاء من سفره ومدايره عزومة وجاية نعزمك❤وحبيت نجي بنفسي لأن ليا واجد ماشفتكش.
إلهام أبتسمت: آه حمدلله على سلامة الدكتور.
فاتن إبتسمت: الله يسلمك حبيبتي عقبال مانشوفو جوري دكتورة وربي يفك أسر شادي وتشوفيه عريس.
إلهام تنهدت بضعف وردت لجبروتها من جديد: إن شاء الله حبيبتي.
الخدامة جت عطتها القهوة: تفضلي.
فاتن خدت: شكراً.
إلهام حطت قهوتها على الطاولة وإبتسمت: هههه أمتى بتفرحي بي آدم؟
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
