رواية: #تحتَ_السرير
الكاتبة: منار السليني.
"الفصل الرابع"
.
.
.
حاول يقرب منها بس كانت تخاف أكثر خلاها على راحتها وقعد يشوف لي رسوماتها ويمدح فيها عشان ترتاحله.
آدم إبتسم: تهبل الرسمة هذي عادي نشوفها؟
وقار تبكي وهيا مغطيه وجهها: مانبيش إبرة.
آدم لاحظ إن يهددو فيها بالإبرة وقال بهدوء: ماعنديش إبرة أنا.
سكتو تلاتة دقائق.
وقار مغطية وجهها وتشوف من فتحة اصابعها وهيا ساكتة.
آدم إبتسم: نشوف فيك راه.
وقار إبتسمت بخجل وسكرت أصابعها.
آدم ضحك: ممكن تطلعي نهدرزو أنا وياك؟
وقار قرنت حواجبها وهيا ساكتة.
آدم هز رأسه وإبتسم: خلاص تمام.
حول من جنب السرير ويرجى فيها تطلع دقيقة وطلعت بهدوء وسقمت شعرها وطبست رأسها بخجل.
آدم قعمز على كرسي ومقابلها: شن أسمك؟
وقار لصقت على الحيط وهيا ساكتة وعاقدة حواجبها.
آدم أتجهه للروشن وحط يديه في جيوبه وشاف غرفته وأشر بيده: شوفي هذي داري.
وقار شافت للروشن وهيا مقعمزة فوق السرير ولافة يديها على رجليها: هالغرفة لها سنة مسكرة.
آدم رفع حاجبة بإستغراب وقرب منها: وانتِ شن عرفك؟
وقار أذكرت إن مش لازم تحكي ولا حرف وبعدت من عليه ونزلت تحت السرير بكل هدوء.
فجآة أنفتح الباب.
جوري إبتسمت: هاي.
شافها آدم مكيجة مكياج كامل ولابسة بنطلون وبلوزة قصيرة.
آدم طبس رأسه بخجل: أنا دكتور آدم.
جوري قربت منه وهمست بهدوء: ماه أنا عارفة إنك دكتور آدم.
آدم وخر: تمام ممكن تطلعي؟
جوري عقدت حواجبها: لا طبعاً أنا بنت خالها ولازم نكون جنبها لأن تخاف من الغرباء.
آدم أستفزة كلامها: بس أنا دكتور ولازم نكون بروحي معاها.
جوري هزت رأسها: اوكّ يا حلو نتلاقو.
آدم قرن حواجبه وخلاها لين تطلع ونزل على ركبته وقال لوقار: مع السلامة.
وقار تشوفله وهيا ساكتة.
آدم إبتسم وناض فتح الباب وطلع.
_______________________________
فرح أدير في نسكافي: ماما ممكن نعرف شن داسة عليا أنتِ وآدم!
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
