رواية: #تحتَ_السرير.
الكاتبة: منار السليني.
"الفصل الثاني عشر"
.
.
.
"بعد سنة وخمس شهور"
فاتن واقفة في المطبخ: ميسون شلتي لين وقار أكلها؟
ميسون هزت رأسها بالنفي: لالا تو نشيله لها حاضر.
آدم خش للمطبخ: وقار مازالت في الدار؟
فاتن هزت رأسها: للأسف أركب شوفها ماعرفتش كيف ندير معاها أنا.
آدم هز رأسة وخش للغرفة لقى بنته على السرير راقدة قرب منها وباسها: البنت فوق السرير والأم تحت "إبتسم وطبس رأسة" بخخ لقيتك.
وقار رفعت حاجبها وهيا ترسم: على أساس مكان سري هوا حتى ميسون تقوللها وين وقار تقولك تحت السرير!
آدم إبتسم وقرب منها باسها: ماتضحكيش على قدرات راجلك راه نصدمك في النهاية!
وقار تنهدت بضعف وسيبت الرسم وربعت رجليها: آدم أنا خايفة💔.
آدم حط يده على رأسة بنفاذ صبر: بنرجعو لنفس السيرة؟ ماتخافيش مش حيقدر يقرب منك.
وقار هزت رأسها وحطت يديها على لحيته: آدم أنا مش خايفة على روحي أنا خايفة عليك وعلى بنتنا أنتم كلشئ بالنسبة ليا.
آدم تأفأف: اووف وقار لازم تتنكدي على لا شئ!
وقار عقدت حواجبها: كيف لا شئ؟ وهوا حاول يخطف بنتنا أكثر من مرة؟ هوا مجنون مش إنسان طبيعي.
آدم حضنها وهوا يمسح على شعرها: أنا حامد ربي إن تحت السرير واسع ويدخل إنسانين يعني!
وقار ضرباته على صدره وهيا مبتسمة: تافهه أنا نحكي شرق وهوا غرب، آدم خليك جدّي شوية.
آدم هز رأسة: واللهِ فهمت والحوش كله حراسات شن تبي بعد هكّ! وشادي مش حيقدر يخش صدقيني!
وقار تنهدت: وأنتَ ديما تطلع مرات يديرلك شئ!
آدم هز رأسة: مش حيدير شئ وماتنسيش إن بنسافرو بكرة ومعش بنشوفو خلقة شادي طول حياتنا!
وقار تأفأف: باهي أمتى الشرطة بتمسكه!
آدم مسح على خدودها: ماتخافيش حتمسكه والمرة هذي مش حيهرب صدقيني.
وقار هزت رأسها وسمعت بنتها تعيط طلعت من تحت السرير وقعمزت فوقه ترضع فيها.
آدم تنهد: كل مانشوف بنتنا نحسها حتكون زيك وحتعب راجلها.
وقار رفعت حاجبها: شن أنا تعبتك؟
آدم هز رأسة بإستهزاء: لالا أبداً نهائياً ماتعبتينش ماكنتيش تخلي فيا حتى نحضن فيك يا أنسة كلمة نحبك هذي نسمع فيها من العيد للعيد يعني بجد ماعمرك تعبتيني!
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
