رواية: #تحتَ_السرير
الكاتبة: منار السليني.
"الفصل الثالث"
.
.
.
أما بالنسبة لوقار كالعادة نزلت تحت السرير وجسمها يوجع فيها من ضرب لضرباته لها آمنة ورقدت وهيا تبكي.
_______________________________
10:47 ص
آدم يكلم بالتلفون: تمام دورلي حالة بسرعة وياريت يكون راجل أحسن.
فاتن كانت تسمع فيه من وراء الباب وفجآة فتحت الباب وإبتسمت: آدم.
آدم سكر التلفون وشافلها بتساؤل.
فاتن مسكت يده وقعمزت هيا وياه على السرير: حبيبي أنا فاهمتك أنتَ تحاول تشتغل عشان تنسى باهي شن رايك تعالج البنت لدويتلك عليها؟
آدم طبس رأسه ورفعه من جديد وهوا عاقد حواجبه: أمي بما إنك كنتي تصنتي عليا فأكيد سمعتيني قلت نبي راجل مش بنت.
فاتن تنهدت وبحتت أتجاه الروشن: صحبتي قمر أغلى صحبة عندي وماعمرها زعلتني وكانت ديما واقفة جنبي في يوم جتني وقالتلي لو صارلي شئ بنتي في أمانتك وماتخليهش لي عمتها إلهام بكل وبعدها تاني يوم طول توفت "رشفت خشمها والدموع ينزلو" ماكنتش متوقعة إن الموت قريبة لهدرجة، وقتها عرفت إن إلهام مش كويسة أبداً بعدها مشيت لحوش إلهام عشان نتأكد بس حاولت نسحب منها الكلام مابتش تحكي إن واخدين وقار بنت قمر بس الخدامة متاع قمر هيا لقالتلي عيت جدها خدوها وبيش قدرت نعرف حالة وقار ونطمن عليها من الممرضة الخاصة بيها، وقعدت نعطي فيها في فلوس عشان تقولي حالة وقار وانصدمت بعد قالتلي عندها حالة نفسية💔"انهارت وبدت تبكي"
آدم حضنها وباس رأسها: اششش يا كل حياتي يا حبيبتي يا أمي رد بالك تبكي وأنا معاك، حندير أي شئ تبيه مني غير ماتبكيش دموعك غاليات يا روحي.
فاتن في حضنه: يا حبيبي أنا مانبيكش أدير شئ فوق أستطاعتك بس المرحومة ماقصرتش معايا بكل وكانت ديما جنبي حتى وأنتَ بعيد عني نبيها ترتاح وهيا في قبرها.
آدم حول من حضنها ومسح دموعها وحط يديه على خدودها: خلاص حنحكي معاهم وناخد موعد لأول جلسة.
فاتن حطت يديها على يديه: لالا أنا خديتلك موعد اليوم تمشيلهم.
آدم ضحك وباس فوق رأسها: هههههه مش مهنية روحك بكل ومن ورايا أخرى.
فاتن ضحكت وغمضت عيونها وهيا مرتاحة.
________________________________
وقار مقعمزة ترسم وهيا تتوجع من الألم.
آمنة فتحت الباب وجابت سفرة الفطور: تعالي افطري وتعرفي نلقى نقطة على الأرض نضربك زي أمس.
وقار هزت رأسها بخوف وماطلعش منها ولا كلمة.
آمنة وهيا طالعة لقت خالد قدامها يبحت في وقار.
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
