رواية: #تحتَ_السرير.
الكاتبة: منار السليني.
"الفصل السابع"
.
.
.
إلهام تنهدت: بما إن الدكتور آدم مش مريح روحه أنا قررت إنّ يسيب معالجة وقار.
خالد عقد حواجبه: أكيد لأن مادورش بنتك هذا عليش! آه بالمناسبة مش حنخليه يسيبها.
إلهام أنقهرت من كلامه وقربت منه وقالت بحقد: بابا أنتبه لكلامك راك تنسى شن في بين يديا ونقدر نهدم كل شئ درته!
خالد خنقاته العبرة: وقت سميت كل شئ بإسمك كنت نحساب إن سمر (أم إلهام) جابتلي بنت تشبهها حنونة، وطيبة، وتحب تساعد الناس، بس لجابتها ليا بنت حقودة!
إلهام لسانها ثقل ومعش عرفت تحكي وطلعت وسكرت الباب بالقوة.
________________________________
آدم طلع من الدوش ولقى أمه تستنى فيه كالعادة.
آدم إبتسم وهوا ينشف في شعرة: مش حنشرب قهوة جعان نبي نتعشى.
فاتن إبتسمت: تمام حبيبي حننزل نشوف ميسون ونحطو العشاء "ألتفتت بتطلع".
آدم هز رأسة.
فاتن ألتفتت لي آدم وإبتسمت: آه بالمناسبة في حبة بنادول على مكتبك "وطلعت".
آدم ضحك وخدا البنادول.
فاتن خشت للمطبخ وشافت لي يارا تساعد في أمها: يارا مش مفروض تكوني في البيت توا!
يارا شافت لأمها بخوف.
ميسون: مدام فاتن أنا قلتلها تساعدني عشان نروح بدري اليوم والعشاء جاهز أصلاً.
فاتن هزت رأسها: تمام بس أنا لمصلحتها لأن بكرة مدرسة ماحبيتش تأخر موعد نومها.
ميسون إبتسمت وكملت تجهيز الطاولة.
يارا راقبت فاتن لين طلعت من المطبخ: ماما مدام فاتن تخوف بكل نحس فيها شريرة.
ميسون عقدت حواجبها: ماتقوليش هكي هيا مافش أطيب منها.
يارا تنهدت: هفف بس أي حد يقرب من عيالها تتحوّل لي وحش.
ميسون رفعت حاجبها: حاولتي مع أستاذ آدم!
يارا هزت رأسها بالنفي وقعمزت على الكرسي: لا والله يا ماما.
ميسون قلبت وجهها: نوضي ساعديني هيا بيش نروحو خوكي أكيد يستنى فينا.
يارا ناضت تساعد في أمها.
_______________________________
وقار بعد كملت عشاء قعمزت ترسم وهيا مستغربة في اليوم لي مشى على خير.
أنفتح الباب وخشت آمنة شافت للسفرة لقتها فاضية: باهي أول مرة تكملي أكلك بدون تهزيب.
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
