رواية: #تحتَ_السرير.
الكاتبة: منار السليني.
"الفصل العاشر"
.
.
.
آدم تنهد وقعمز على السرير وأتصل بيه رقم غريب رد: ألو!
:آدم.
آدم جمد في مكانة وعقد حواجبة: شن تبي!
آميرة تبكي: آدم أرجوك ساعدني!
آدم سكت وهوا مغمض عيونه يفكر.
آميرة: أنا بحاجتك لو تبي تساعدني أتصل بيا "شهقت وهيا تبكي" أسفة "وسكرت".
آدم عزق التلفون وحط يديه على شعره بنفاذ صبر: رد بالك يا آدم رد بالك تضعف وتساعدها تذكر خيانتها لك تذكر!
______________________________
2:50 م
آدم ناض لبس ونزل خش للمطبخ: صباح الخير.
فاتن رفعت حاجبها: آدم ليش راقد لتوا حبيبي! مريض صاير معاك شئ!
آدم هز رأسة بالنفي وهوا يصب في عصير: لالا غير أمس سهرت على شوية أوراق.
فاتن هزت رأسها: تمام تحب نحطلك فطور ولا غداء؟
آدم يشرب في العصير: مانبيش ناكل بنمشي لوقار توا مشغول بالي عليها.
فاتن مبتسمة وهيا ماشية معاه للباب: في شئ نقدر نديره مثلاً نحكي مع إلهام أو شئ!
آدم هز رأسة وهوا يلبس في جاكته: لالا أنتِ خليك برا منها "حط يديه على خدودها" مش مستعد نخسرك.
فاتن عقدت حواجبها: شن قصدك!
آدم إبتسم وشاف للمطر: خلاص خشي مطر تو تنبلي.
فاتن إبتسمت وهيا تشوفله وهوا طالع: أستودعتك عند الله❤.
_______________________________
إلهام وهيا تدور قدام الباب: مش لازم الدكتور آدم يشوفها بي هالحالة كان هذا تحكيله كل شئ وننفضحو.
شادي وهوا مستند على الحيط: خليها تحكي.
إلهام عقدت حواجبها: لو وقار حكت إنك أنتَ لي قتلت باتها وأمها وقتها حتنحبس وتموت في الحبس.
شادي شاف لي امه: ماتدخليش فيا وما اديريش روحك خايفة عليا لأن نعرف شن ندير!
إلهام عقدت حواجبها: تمام دير لي يريحك.
شادي إبتسم وهوا يستفز فيها: أه نسيت إنك خايفة تنفضحي!
إلهام تنهدت بضعف: من شنو!
جوري قاطعتهم: مازالت وقار على حالها!
إلهام هزت رأسها وهيا تشوف لي شادي بنظرات حقد: مازالت.
شادي رفع حاجبة وهوا مربع يديه ويشوف لي جوري: جوري عمرك سألتي روحك أمك ليش تكره خوها؟
أنت تقرأ
تحت السرير ( روايات ليبية )
Romansaبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
