رواية: #تحتَ_السرير.
الكاتبة: منار السليني.
"الفصل الثالث عشر و ماقبل الآخير"
.
.
.
وقار ركبت مالقتش البنت على السرير حطت يدها على قلبها وماتبيش أدير شوشرة قبل ما تتأكد ورجليها مش عارفة كيف حملوها ونزلت على الدروج وهيا تشوفلهم.
آدم شافها كيف ماسكة على الحديد وهيا ترعش ناض يجري مسكها: وقار كنك؟
وقار ترعش: شوف بنتي بلكي عند يارا ولا عند اي حد "تبكي" آدم شوف بنتي شوفها.
فاتن ناضت تجري: شن في؟
آدم خش للمطبخ وينادي على يارا: يارا.
يارا ألتفتت: نعم.
آدم يتنفس بصعوبة: البنت وين؟
يارا هزت رأسها بتساؤول: أين بنت؟
آدم قلب الطاولة وهوا يصرخ: البنت ووووينننن؟
محمد حاط يده على كتفه: اهدى اهدى!
وقار تصرخ وهيا مقعمزة على الدروج: ياريتني ماخليتها ياريتني ماخليتها بروحها بنيّتي.
فاتن مقعمزة تبكي معاها.
آدم طلع يجري للحراس للباب الخلفي والأمامي بس لقى حراس الباب الخلفي مغمى عليهم.
طاح على الأرض ودموعة في عيونه: يارب قويني عشان وقار يارب قويني وماتخلينش نضعف يارب.
ناض خش خدا مفاتيحة وهوا طالع مسكت فيه وقار وهيا تترجى فيه ومنهارة: آدم، بنتي يا آدم بنتي.
آدم هز رأسة وحط يديه على خدودها: نوعدك مانروحش إلا بي بنتنا.
طلع آدم ولحقه محمد مشو لمركز الشرطة.
إلهام تتصل بي شادي لكن تلفونه مغلق.
_______________________________
شادي ماسك قمر ويشوفلها وهوا مبتسم: تو ناخدو معانا ماما ونمشو نعيشو بعيد أنتِ بنتي أنا مش بنت حد.
نادر يشوفله: شادي.
شادي: ها؟
نادر بخوف: بس البنت مش بنتك!
شادي صرخ بصوت عالي لين البنت قعدت تعيط: البنت بنتي، والله مانخليك عايش لو تعاود هالكلام فاهم!
نادر خدا منه البنت وهوا يحاول يسكتها: باهي اسكت فجعت البنت!
شادي كرها منه وكأنها لعبة.
نادر تنهد: باهي البنت مازالت ترضع من امها خليني نشيلها لي حوشنا تهتم بيها امي حرام عليك.
شادي تنهد وهوا يفكر في الموضوع.
__________________________________
آدم يصرخ: نبي الضابط سيف أنا!
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
