رواية: #تحتَ_السرير.
الكاتبة: منار السليني.
"الفصل التاسع"
.
.
.
خالد رد: أيوه دكتور آدم.
آدم بخوف: ايوه!
خالد: ........
آدم زمط ريقه وشاف لي فاتن بخوف: تمام أنا جاي "وسكر".
فاتن: شن في طيحتلي قلبي!
آدم وهوا مصدوم: أمي أرجوك ماتتصليش بيا بكل بعد تهدأ الأمور أنا حنكلمك "وطلع يجري".
فاتن تبرم وهيا متوترة: يارب سلم يارب.
__________________________________
شادي مقعمز على الكرسي وحاط يديه عل وجهه: كله مني كله مني.
إلهام حطت يدها على كتف شادي: شادي!
شادي بعّد يدها وبصوت حاد: رد بالك تلمسيني!
خالد تنهد وهوا حاط يده على رأسه: وينه تأخر لتوا!
آدم خش يجري: أستاذ خالد.
خالد قرب منه وهوا داهش: دكتور خش هيا في هالغرفة الدكتور ماقدرش يدير شئ قال لين يجي دكتورها النفسي.
آدم هز رأسه وخش يجري.
شادي رافع حاجبة: ماقلتوليش إن وقار تتعالج!
إلهام ربعت يديها: جدك لي يبيها تتعالج مش أنا.
شادي ناض وقرب من خالد: عليش أخترتولها شاب! ليش ماجبتولها دكتورة!
خالد فنص فيه ودفه: قعمز وسكر فمك مش وقتك وقار قريب ماتت بين يدينا بسببك!
________________________________
آدم خش يجري لقاهم رابطينها على السرير وهيا تصرخ شافلهم بنظرات حادة وهوا يصرخ: من أنتم عشان تربطوها!
الدكتور رفع حاجبة: دكتور آدم شن أنتَ جديد على الطب! ماقدرنش نتحكمو فيها ربطناها لين تجي أنتَ.
آدم يفك فيها وهوا يصرخ: كنت تقدر تعطيها مهدئ بدل ماتعاملوها هكّ.
وقار بعد ما أنفكت حضنت آدم وقعدت تبكي.
آدم يمسح على شعرها وهوا مغمض عيونه: أهدي خلاص أهدي.
الدكتور تنهد وشاف للممرضة: نضفيلها يدها من الدم بعد يكملو.
آدم حاضنها ويشم في شعرها، حول من حضنها وحط يديه على خدودها: أنا معاك ماتخافيش "شاف لي يدها وعقد حواجبة" شن هذا!
وقار طبست رأسها.
الدكتور حاط يديه في جيوبة: دكتور آدم ممكن لحظة معلشي!
آدم هز رأسة وكان بينوض بس وقار مسكت يده بخوف آدم إبتسم: وقار الممرضة تنضفلك يديك انا واقف على الباب ماتخافيش "رخت يده ببهدوء وناض آدم طلع مع الدكتور".
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
