رواية: #تحتَ_السرير
الكاتبة: منار السليني.
"الفصل الثاني"
.
.
.
بعد ما مشت ميسون بحت فيها آدم بمعنى احكي.
فاتن تنهدت: جارتنا إلهام تعرفها صاح؟
آدم هز رأسه بنفي: تؤ نعرفهش.
فاتن زمطت ريقها: هذي لي باتها رجل أعمال اسمه خالد.
آدم سرح شوية وهز رأسه: أها عرفته كنه؟
فاتن تحرك في يديها بتوتر: هما عندهم بنت مريضة نفسياً باهي؟ وعرضت عليها أنا إنك تعالجها☹.
آدم قرن حواجبه وناض وبحت في أمه ورفع صبعه بتهديد: أمي أخرلك مره تاخذي قرارات من رأسك بدون ما تسأليني.
وطيح الكرسي ومشى.
فاتن انفجعت وحطت يديها على رأسها بتوتر.
فرح قربت من أمها: كنك؟
فاتن تأفأف: هفف خوك مش عارفه شن ندير معاه أنا ماحوتك أقنعت إلهام أصلاً.
فرح تشرب في العصير وهيا تبحت في أمها: ماما قوليلي شن تخططي؟
فاتن بحتت فيها: أنا أصلاً مضطره نقولك لأن أنتِ الوحيدة لي حتساعديني نقنعه.
فرح ربعت يديها: تفضلي أحكي😐.
فاتن رشفت رشفة من الشاي وهيا تفكر: في عرم قصص مدسوسة في حوش إلهام.
فرح عقدت حواجبها: زي شنو؟
فاتن حطت الفنجان: زي إن عندهم بنت مريضة نفسياً ومايبوش يقولو عليها لحد.
فرح فتحت عيونها: جد😯؟
فاتن هزت رأسها: أها وأنا نبي خوك يعالجها ضروري لأن البنت آمانة في رقبتي.
فرح رفعت حاجبها: يعني لو هما مايبوش يقولو عليها لحد انتِ كيف عرفتي؟
فاتن بتوتر: لأن مرة إلهام حكتلي على هالبنت وهك حبيت نساعدها ونبيك تحكي مع خوك.
فرح هزت رأسها وهيا مش مقتنعه بكلام أمها: آه متأكدة هذا كل شئ؟
فاتن زمطت ريقها وهزت رأسها: أها متأكدة "ناضت" يالله أنا ماشية عندي موعد مع كوافير توا.
فرح ناضت: وبنمشي معاك حتى أنا أستنيني.
فاتن: لالا خليك هنا أنا كلمت كوافير تجيك لعند الحوش لأن بنعبى عليك بعد يجو الخدم تشرفي عليهم يالله باي "ومشت".
فرح ربعت يديها وهيا تفكر وتبحت في أمها وهيا طالعة.
_________________________________
آدم كان مقعمز في الكافي وهوا يفكر.
مدثر خش للمحل وشاف للقرسون: عطيني عصير طبيعي.
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
