رواية: #تحتَ_السرير.
الكاتبة: منار السليني.
"الفصل الخامس"
.
.
.
فاتن فتحت الباب وهيا مربعة يديها ورافعة حاجبها: على فكرة الباب كان مفتوح.
فرح ناضت وقالت بتوتر: اءء انا كنت جاية عشان نساعدك في العشاء نعرف إن ميسون مش قاعدة وهك "وحاولت تطلع من الباب"
فاتن بحركة سريعة مسكتها من مرفقِها: من الشاب هذا؟
فرح زمطت ريقها واستندت على الحيط: أنتِ من أمتى على الباب؟
فاتن عقدت حواجبها: شكله رايفلك بس مش عارفة وين بتتلاقو!
فرح وقتها عرفت إن ماتقدرش تكذب: ماما باهي نفهمك القصة ممكن!
فاتن بنظرات حادة: أنزلي معايا على المطبخ ساعديني وبالمرة تحكيلي.
فرح نزلت تجري بدون نقاش.
_________________________________
وقار تبكي وتحاول أدف آمنة يلي كانت مكتفتها: ماحكيتش شئ أنا ماحكيتش.
إلهام واقفة بعيد وتشوفلها: مرة تانية لما يطلّع جوري قوليله نبيها أنا ماطلعهش، فاهمة!
وقار تبكي وتهز في رأسها.
طلعوا إلهام وآمنة سيبوها بروحها.
إلهام وهيا نازلة على الدروج: آمنة راقبي الدكتور معاها أصلاً مايهمنيش يعالجها أو لا بس خلي عينك عليه.
آمنة هزت رأسها: تمام.
إلهام رفعت حاجبها وهيا مكملة طريقها لغرفتها، وقفها صوت خالد وهوا عاقد حواجبه: إلهام!
إلهام هزت رأسها لآمنة: أمشي أنتِ.
خالد بصوت حاد: نسمع في وقار تبكي شن درتي فيها هالمرة!
إلهام ربعت يديها ورفعت حاجبها: مادرت فيها شئ.
خالد قرب منها وبصوت عالي: ليش تبكي باهي ليش!
إلهام إبتسمت وحطت يدها على كتف خالد: بابا أرقد أنتَ شكلك تعبان.
ومشت لغرفتها وسكرت الباب.
خالد تنهد ومشى لغرفته وجعه موقفها عاملاته كأن طفل وكلمته مش مسموعة.
_______________________________
فاتن عقدت حواجبها: أمشي لدارك ومانبش نشوف وجهك.
فرح دموعها في عيونها: ماما.
فاتن بصوت عالي: لدارك!
فرح مسحت دموعها وركبت تجري.
آدم شافها وخش للمطبخ: كنها!
فاتن تقرض في السلطة وهيا ساكتة.
آدم هز رأسة وربع يديه: شكلها علت صوتها عليك.
أنت تقرأ
تحت السرير ( روايات ليبية )
Romanceبنت توفي اهلها بسبب حريق في منزلهم ، دخلت في عزلة تامة في احد الغرف لمدة سنة كاملة .و كانت ترسم في دفاترها عيون الناس ،،،و الملجاء الوحيد لها هو #تحت_السرير ، سيعالجها دكتور نفساني و لكن تتغير كل هذه الاحدات عندما يحبها و يحاول مساعدها ؟ الكاتبة :...
