وقعت اسير صاحبة العيون الزرقاء

البارت الخامس

وفى الصباح التالى يوم اجازه من الجامعات
حضرت هنا الفطور وذهبت الى عملها دون ان توقظ احد منهم
كانت ناهد تبحث عن هنا حتى وجدتها تقوم بطهى الطعام وهي فى حاله من الغضب
ناهد. هو فى ايه مالها هنا
هند. مش عارفه يهانم من الصبح وهي على الوضع ده
ناهد . هنا
هنا. نعم ياماما
ناهد. ممكن تحصلينى على الاوضه
اومات لها هنا وذهبت خلفها
هنا. نعم ياماما فى ايه تحبى تغيرى حاجه فى الجدول
ناهد. مالك ياهنا فى ايه ايه اللي مضيقك وخده بالى انك متعصبه فى ايه 
هنا. مفيش حاجه ياماما
ناهد. قوليلى ياحببتى انا زى مامتك
هنا. مافيش حاجه كل الحكايه  انا مضايقه من كرم
ناهد. ليه عمل ايه
هنا. تخيلى ياماما بيشتغل من ورايا
ناهد. طيب وفيها ايه لما  يشتغل
هنا. لا فيها كتير هو مش لازم يشتغل غير لما يخلص درسته
ناهد. برده هو عندو  حق هو شاب ومفيش شاب بيحب يشوف اخته بتصرف عليه وكمان علشان يساعدك فى مصريف البيت
هنا. مين طلب منه فلوس انا اتوليت كل حاجه بعد ماما الله يرحمها انا
ناهد. سكتى ليه كملى انا عاوزه اسمع منك كل حاجه من الاول
هنا ببكاء لم تعد تتحمل كبت دموعها اكثر  . كان عمرى 14سنه لما ماما اتوفت وسبتلى اخواتى علشان كده انا هربت بيهم على هنا
ناهد بأستغراب .هربتى بيهم ازى
هنا.ماما ماتت بسبب بابا ماتت لما اكتشفت خينته ليها ماتت لما عرفت انه كان متجوز عليها ومفهمها انه بيحبها لما اكتشفت انه متجوز عليها مستحملتش ماتت بقهرتها ووصتنى على اخواتى
وانا مقدرتش استحمل وجودنا مع الشخص اللى كان السبب فى موتها علشان كده اخدتهم وهربت وجينا عند خالتو  مرفت اخت ماما هي كان عندها ولد بس اتوفه فى حادثه وقلتلها على اللى حصل خدتنى فى حضنها وقلتلى انا هنا مكان عليا انا هفضل جنبكم من انهارده انتم ولادى انا وعشنا عندها ووقتها اتعرفنا على جرتها اللى هي زى اختها واعز خالتو  عيده مامت حازم وهي كمان بقت زى خالتو  بنسبالى كانت بتحبنا اوى واحنا كمان بقينا بنحبها اوى وتعرفنا على حازم بقا لينا السند على طول بيساعدنى وبيقف جنبى دايما
وبعد موت خالتو  من 4 سنين كانت حالتى انا واخواتى صعبه كنت حسه انى وحيده للمره التانيه بس خالتو  عيده كانت جنبى وقلتلى هنا الباب ده طول عمره فى وش الباب ده وشورت على باب بيتها قلتلى مرفت ماتت بس انا لسه موجوده انتى واخواتك مسؤولين منى لحد اخر حياتى انا وابنى انتى فاهمه مرفت كانت اختى وانتم ولادى فهمه الباب هيفضل مفتوح زى ما كان مفتوح ومرفت عايشه هيفضل كده ومن وقتها وهي جنبنا فضلت ورايا لحد ما كملت تعليمى وكمان واشتغلت وكمان بتكون مع اخواتى لحظه بالحظه عمرها ما اتخلت عنى ابدا وحازم على طول كان فى ضهرى كل ما اخواتى يحتاجو حاجه كان بيجبها حتى انا على طول بيجبلى هدايا بقا لكرم اخ كبير على طول مع بعض بطمن اوى وكرم معاه وبقا اعز صديق لجورى لما دخلت الجامعه جبلها كل مستلزمات الجامعه
وهو احسن حد بيفهم عليا من بعدى هو من الاخر سندى فى الحياة
ناهد. طيب وشغل كرم منعاه ليه من الشغل
هنا. فى مره كنت ماشيه انا وخالتو  عيده وشفت واحد ماسك ولد صغير يعنى فى سن 13 سنه وبيضربه وبيشتمه سالت خالتو  عيده هو ليه بيعمل كده قلتلى هو كل الناس اللى بيشتغل عندهم عيال صغيره بيعملو  فيهم كده فا من وقتها وانا قررت لما يخلص كرم درسته وقتها يشتغل بشهدته غير كده لا
ناهد.يابنتى مش كلهم زى بعض
هنا. لا يا ماما انا مش هغير رأيي ومش هكلم كرم الا لما يسيب الشغل ده وعن اذنك عندى شغل سبتها وذهبت
ناهد.يعينى عليكى ياهنا بس ربنا معاكى يابنتى
كان رعد يستمع الى حديث هنا ووالدته
رعد وقد ابتسم وذهب
كانت هنا ذاهبه الى المطبخ وفجأه اصتدمت بـ
اه مش تفتحى
هنا.انا اسفه
انتى مين
هنا.انا هنا الشيف الجديده
الفتاه وهي تمد يدها كى تصافح هنا. هاى انا ملك اخت رعد واصغر بنت فى البيت
هنا. اهلا اهلا يانسه ملك
ملك. اهلا بيكى ياهنون ممكن اناديكى هنون
هنا. اه طبعا
اهلا وسهلا ياهانم ما لسه بدرى كان ذلك رعد
ملك. حبيبى يا كبير ازيك
هو  لوحده اللى حبيبك يا لوكا
ملك. مامى حياتى انا
ناهد. وحشتينى اوى اوى ياملوكه
ملك.وانتى كمان وحشتيني او يامامى
هنا.الغدا  جاهز اتفضلو  على ما اطلع انادى مستر سيف
رعد.لا هند هتطلع تنادى عليه
هنا.لا هطلع انا
رعد.وانا قلت لا
ذهبت هنا الى المطبخ وهي تلعن فى رعد
نادت هند على سيف ونزل
على طاولت الطعام
ملك. ماما صحبتى جيه عندى بكره
ناهد. تنور ياحببتى هتقعد كام يوم
ملك. لحد اخر اليوم علشان مستحيل اخواتها يسمحولها تبات برا البيت
سيف. هو ده الصح مين بقا صحبتك دى
كادت ان تقول ولكن قطعها صوت هنا وهي تبكى
هنا. ماما ناهد ممكن استاذن
ناهد بخضه . ليه فى حاجه حصلت
هنا ببكاء.كرم تعبان شويه
ناهد.ليه يابنتى ايه اللى حصله
هنا.مش عارفه حازم كلمنى وقلى انه تعبان انا السبب انا اللى مردتش عليه انا السبب
ناهد.اهدى يابنتى انا هاجى معاكى
هنا.لا متتعبيش نفسك ياماما انا هتصرف
سيف. انا ممكن اوصلك ياهنا
رعد.لا انا كنت ماشى هوصلها فى طريقى
غمز له سيف
ناهد.طمنينى لما توصلى
هنا.حاضر ياماما
§____________®^®_______________§