وقعت اسير صاحبة العيون الزرقاء

24

عادت هنا وأخواتها إلى المنزل، كان علي وعائشة على أعصابهم بسبب تأخرهم.
كانت هنا تسند كرم، وجوري تحمل عليا النائمة.

كرم بألم: براحة.
هنا: طيب، تعالَ اقعد هنا براحة.
علي بخضة: حصل إيه؟ الإصابة دي منين؟
كرم: مش من حاجة.
هنا: انصاب في المباراة، ثم نظرت إلى جوري، هاتي لولو أنيمها.
جوري: هنيمها أنا.
هنا: لااا، أنا مش بياعها، هاتي، هاتي.
كرم: هههه، والله معاها حق، أنتِ ما تأتمنيش على نفسك، هنتأمنك على عليا؟
ضربته بغيظ على كتفه

كرم: آااه يا مفتريه، آااه دراعي.
حضرت هنا مسرعة: إيه حصل إيه يا حبيبي؟
جوري: إيه ما هو زي القرد أهو.
كرم: استني عليا لما أخف، وربي لأعلقك بالشقلوب يا جوري الكلب.
جوري: 😜
كرم: هناااا، مشيها من وشي.
هنا: خذ الدوا الأول، وأنتي يا تافهة، يلا عندك جامعة بكرة.
جوري: كده يا هنون؟ ماشي، ماشي.
كرم: ماشي؟ رايحة فين؟ ما أنتي قاعدة شوية.
جوري: هي هي هي، خفيف أوي.
كرم: طول عمري.
جوري بغيظ: أنا طالعة أنام بدل ما أقتله النهارده.

كانت هنا تضحك عليهم.

عمار: تعالَ أساعدك تطلع فوق ترتاح.
كرم: لا شكرًا، هنا، تعالي ساعديني أنتي.
عمار: أنا أخوكَ على فكرة، وهكون في ضهرك على طول.
هنا: مافيش داعي لتعب حضرتك، أنا موجودة، أحب أفكرك، أنا اللي ربيت إخواتي لوحدي، محدش كان معايا منكم، يعني مسؤوليتهم راجعة لي أنا وبس.
علي: أنتي اللي مشيتي، ربنا يعلم أنا قد إيه دورت عليكم.
هنا: كنتَ عاوزني أخلي إخواتي يعيشوا معاك أنتَ والمدام عائشة، وأخسرهم واحد واحد، لأن اللي قتل مرة مش صعب عليه يقتل تاني يا علي بيه، دول خط أحمر، أنا ممكن أهد عالمك القذر ده  علشانهم.
علي: أنا مقتلتش عليا.
كرم بغضب: اسمها ما يجيش على لسانك، ده أنتَ واحد زيك مالهوش الحق إنه يتكلم عنها أساسًا، أنت سبب كل المشاكل اللي حصلت معانا، بسببك أنت اتحرمنا من أمنا، بسببك أنت عليا ملحقتش تشوف أمها، ولا حتى تقولها "ماما"، بسببك أنت هنا مشافتش يوم عدل، ضيعت طفولتها وهى  بتشتغل من مكان لمكان، بس علشان تقدر تخلي بالها مننا، أنت سبب كل مشاكلنا، أنت أسوأ واحد ممكن يعدي علينا في حياتنا، أنا بجد بكرهك، وهفضل أكرهك، بكرهك يا علي يا عمري.

همّ عمار بضربه، ولكن هنا وقفت أمامه وأمسكت يده بقوة.

هنا بغضب وتحدي: إيدك دي لو اترفعت تاني على حد من إخواتي، مش هسكت، عشت حياتي أحميهم، وهفضل كده على طول، لا أنتَ ولا أي حد ليه الحق يمد إيده عليهم، أنت فاهم؟ ثم أبعدت يده بعنف وهي تنظر لهم بشراسة، وذهبت إلى كرم وساعدته ليصعد إلى غرفته.

---

في فيلا الحديدي بعد أسبوع

كانت ريناد تتردد باستمرار على فيلا الحديدي.
كانت هنا تشعر ببعض الغيرة منها عندما تراها قريبة من رعد، لكنه لا يعاملها إلا في إطار الأخوات فقط، وأيضًا أخبرها عن حبه الكبير لهنا، فباركت له، ولكنها عزمت على أن تدمر تلك التافهة من وجهة نظرها.