وقعت اسير صاحبة العيون الزرقاء

20

كان سيف ورعد يودون أن يفهموا ماذا يحدث، ولكن رعد تذكر كلام هنا مع والدته عن والدها الذي دمر حياتها.
كان كرم ينظر له بغضب هو وجوري، وكاد أن يقترب منه لكن هنا منعته.

هنا بصوت باكٍ: يلا يا كرم، حازم، عليا.
أومأ لها وذهب وحملها.

علي: استني يا هنا.
هنا بغضب: اسمي ما يجيش على لسانك، مجرم زيك مالهوش الحق يتكلم معايا.
عمار: هنا، احترمي نفسك.
كرم بصوت عالٍ: صوتك ما يعلاش على أختي، أنت فاهم؟ وأختي محترمة غصب عنك.
علي: اسمعيني بس.
هنا: جوري، يلا. كرم، يلا من هنا.
عمار: هترجعي هنا أنتِ وأخواتك برضاكِ أو غصب عنكِ.
كرم بتحدٍ: أعلى ما في خيلك اركبه، وسحب يد جوري وهنا خلفه وذهب.

ذهب خلفهم رعد وأخوته.
كانت هنا منهارة من البكاء، وكرم يغلي من الغضب، وعليا تبكي رغم عدم فهمها، لكنها تبكي لبكاء أخواتها.
اقترب حازم وضم هنا.

حازم: هششش، اهدِي، تمالكي نفسك.
تشبثت به أكثر وبكت بشدة.

كان رعد لا يتحمل أكثر من ذلك، فضمها، مما أغضب حازم للغاية.

كرم بغضب: تعيطوا ليه من كلام عمار ده؟ خليه يفكر بس يعمل حاجة هو ولا أبو المجرم، وأنا بقى هوريهم أنا هعمل إيه، حتى لو انتهى الأمر بموتهم على إيدي.
هنا بسرعة: لا، إحنا لازم نسيب المدينة ونهرب.
حازم: أنتِ بتقولي إيه؟
هنا بهستيريا: هيخدهم مني، وأكيد نهايتهم زي ماما، لازم نمشي.
كرم: اسكتي، ولا صوت! فكرة إننا هنُهرب تاني دي بعينك، أنا قدها، أنتِ فاهمة؟ أنا راجل مش عيل قدامك، فاهمة؟ من المدينة دي مش هنمشي، ولو فكروا يقربوا من حد منا، أنا هوريهم.
سيف: إحنا ممكن نساعدكم.
كرم: لا، أنا موجود وأقدر أحمي أخواتي لوحدي.
حازم: يلا على البيت.
كرم: بس...
حازم: سمعت؟ أنا قلت إيه؟ لينا بيت نتكلم فيه.
جوري: حازم، بس...
حازم بصوت عالٍ: سمعتوا أنا قلت إيه؟ يلا!

جلسوا في السيارة.
حازم: الهانم سمعتِ أنا قلت إيه؟
كانت تنظر له هنا بدموع.
حازم: كرم؟
جلسها كرم في السيارة، وجلس بجانبها وضمها.

حازم لرعد: شكرًا على اقتراحاتكم، بس لازم نمشي، وذهب.
سيف: كلمة منه سكتتهم كلهم، شفت إزاي؟
رعد: يلا بينا.

---

عند علي العمري:

عائشة: ما كانش لازم تتكلم كده معاهم.
عمار: بابا، أنت عاوزهم صح؟
عائشة: عاوزنهم، بس مش بالغصب.
عمار: أنا هرجعهم البيت بالقوة، وبعدها نخليهم شوية شوية يحبونا.
علي: ما أعتقدش إن ده هيحصل، نظرات الغضب اللي في عيونهم مش قليلة.
عائشة: شفتوا هنا كانت عاملة إزاي؟
عمار: الأيام الجاية أنا اللي هتصرف، ومحدش يدخل، وذهب.

---

في صباح يوم جديد، بعدما قضى الجميع أسوأ ليلة في حياتهم، استأذنت هنا من ناهد أن تأخذ يومين إجازة، وهي وافقت.
ذهبت جوري إلى الجامعة، وكرم إلى عمله، وعليا إلى مدرستها.