مرت الأيام، وهنا كانت طوال الوقت تكتشف دليلًا جديدًا وترسله إلى كل من حازم ورعد، الذي يستعد بشدة لتدمير ذلك "علي".
أما عمار، فكان كلام هنا قد أثر به، وبدأ في البحث عن الحقيقة.
وقد كانت ريناد تراقب هنا باستمرار أينما ذهبت، لكنها لم تكن تعلم أن رعد يراقبها ويكشف كل تحركاتها إلى هنا أولًا بأول.
---
في أحد الكافيهات، كانوا مجتمعين على طاولة كبيرة.
حازم: أنا لحد دلوقتي معايا دليلين بس مش كفاية.
سيف: طيب إحنا مستنيين إيه؟ ما نقدّمهم للشرطة؟
رعد: لا، مش دلوقتي. لازم ناخد الأول وصية "عليا"، وكمان لازم نعرف مين اللي بيساعده في كل ده.
هنا: حسابه كبر أوي معايا، أنا مش هرحمه. كل اللي عاوزه أعرفه هو وقت اللي حصل لماما بسببه. قال كلام لو عرفت أثبته هقدر أنهي عليه نهائيًا.
كرم: كلام إيه؟
هنا: مش دلوقتي، بعدين. أنا لازم آخد وصية "عليا" الأول.
دلف إلى الكافيه شخص غير متوقع.
؟؟؟: هنا!
نظروا له جميعًا ووقفوا بصدمة.
عمار: اقعدوا، أنا جاي أتكلم معاكم في موضوع. وعلى فكرة، أنا عارف كويس إنكم مع بعض، مفيش داعي لكل ده.
جلسوا جميعًا، وانضم لهم عمار.
عمار: أنا كل الأيام دي وأنا بفكر في كلامك، ومش لاقي حل ولا تفسير، وفوق كده تصرفات بابا مش عاجباني اليومين دول، وأنا شاكك فيه. وجيت هنا بس علشان أشوف الحقيقة.
كرم: أكيد دي خدعة من "علي العمري" علشان يوقعنا.
أخرج عمار أوراقًا ووضعها أمامهم.
كرم: إيه ده؟
سحب حازم الورق وقرأه، ثم نظر بصدمة.
حازم: وصية "عليا"!
نظر له الجميع بذهول.
عمار: فكرة إني مش واخد بالي من تصرفاتك يا هنا غلط، أنا عارف إنتِ بتعملي إيه، وجبتلكِ اللي إنتِ محتاجاه. الورق قانوني، ممكن تكلموا أي محامي يثبت الكلام ده.
أرسل رعد الورق إلى المحامي.
هنا أخبرت عمار بالأدلة اللي معاها وكل اللي تعرفه عن "علي".
عمار بندم: أنا آسف على اللي عملته فيكم، أنا كنت غلط. ممكن تسامحوني؟ والله أنا وماما وإخواتي مظلومين، صدقيني، ملناش دعوة بكل ده.
اقتربت منه هنا وضمته.
هنا: أنا مصدقاك، إنت وعيلتك كنتوا ضحية "علي" زينا بالضبط، يعني الحال من بعضه.
أنت تقرأ
وقعت اسير صاحبة العيون الزرقاء
General Fictionتتحدث الروايا عن فتاه جميله جدا ذات عيون كا السماء حكمت عليها الظروف بان تكون مسئوله عن ثلاثة اخوات وعليها الاعتناء بهم مثلما كانت امها تفعل واكثر ولكن ذات يوم ذهبت الى العمل كاشيف فى احد المنازل الفخمه فوقع صاحب البيت فى حبها هو وجميع اسرته هل س...
