في غرفة هنا، عادت إلى الغرفة وهي بالكاد تخفي ألمها. فورما دلفت، أغلق كرم الباب وضمها وهو يبكي.
كرم:
ـ انتي كويسة، صح؟
هنا:
ـ أنا كويسة، انت بتعيط ليه؟
كرم:
ـ ليه كنتِ بتعيطي كده؟ ليه؟
هنا:
ـ تمثيل.
كرم:
ـ كذابة، أنا عارفكِ لما بتكوني زعلانة.
هنا:
ـ لا، أنا كويسة والله، بس كنت حاسة بخنقة مش أكتر.
اقتربت منها عليا وضمت قدمها.
عليا:
ـ أنا آسفة.
نزلت هنا إلى مستواها.
هنا:
ـ إيه يا لولو؟ اتفقنا على إيه؟ كل ده تمثيل بس، صح؟
جوري:
ـ دي أول مرة نكلمك كده.
كرم:
ـ حتى لو تمثيل، أنا مش متحمل.
جوري:
ـ ولا أنا كمان، انتي مش عارفة انتي إيه بالنسبة لنا؟
هنا:
ـ حبايبي والله، انتو عالمي كله، أنا بعمل كل ده بس علشانكم انتو بس. ربنا يخليكم لي يا رب.
جوري:
ـ هو أنا لازم أسافر وأبعد عنكم؟ أنا مش حابة كده.
هنا:
ـ اللي هبعته معاكي لازم يفضل بعيد عن الكل.
كرم:
ـ هو إيه اللي بتحاولي تخبيه؟ محدش يعرفه؟
هنا:
ـ سر على عمري، محدش يعرفه غيري أنا بس، حتى ابن عمار ما يعرف عنه حاجة.
كرم:
ـ إيه هو السر ده؟
هنا:
ـ لما توصلي عند حازم في دبي، هو هيقولك، هتعرفي كل حاجة.
جوري:
ـ هو حازم عارف؟
هنا:
ـ آه، هو بيساعدني من زمان.
كرم:
ـ من ورانا؟
هنا:
ـ في حاجات الأحسن تفضل مستخبية لمصلحة الكل.
جوري:
ـ زي إيه يعني؟
هنا:
ـ مش هقدر أتكلم دلوقتي، بس أكيد بعدين هتعرفوا. أهم حاجة إني لازم أخلص المهمة دي علشان أقدر أرجع حق أمنا، اللي الوحش ده قتلها بكل دم بارد، وربّي ما هرحمه.
---
عند رعد، كان يعمل في مكتبه حتى دلف عدي.
رعد:
ـ انت لسه زي ما انت؟ ما تعلمتش تستأذن؟
عدي:
ـ ههه لا، لسه يا عم. هو مفيش تدريب النهارده ولا إيه؟
رعد:
ـ تدريب؟ لا، بكرة فيه، ليه؟
عدي:
ـ عادي، كنت بسأل بس.
رعد:
ـ تمام، بكرة فيه تدريب، وسيف احتمال يسلمك المهمة دي لأن عندنا اجتماع.
أنت تقرأ
وقعت اسير صاحبة العيون الزرقاء
Fiction généraleتتحدث الروايا عن فتاه جميله جدا ذات عيون كا السماء حكمت عليها الظروف بان تكون مسئوله عن ثلاثة اخوات وعليها الاعتناء بهم مثلما كانت امها تفعل واكثر ولكن ذات يوم ذهبت الى العمل كاشيف فى احد المنازل الفخمه فوقع صاحب البيت فى حبها هو وجميع اسرته هل س...
