وقعت اسير صاحبة العيون الزرقاء

14

في غرفة جوري، بعدما هدأت، جلست على الهاتف الخاص بها ووجدت الكثير من رسائل الواتساب وجروبها الذي أنشأته للشلة الخاصة بها.

جوري: مساء الخير يا حلوين.
مريم: كنتِ فين يا كلبة البحر انتي؟
حسام: إيه؟ أوعي تقولي إنك كنتِ بتذاكري!
جوري: لا مش أنا يا بابا، أنا بذاكر قبل الامتحان بس.

أتت رسالة من رقم مجهول.

جوري: مين؟
؟؟؟: أنا جوليا.
جوري: جوجو! إزيك يا قلبي؟
جوليا: عاملة إيه يا قمر؟
جوري: بنت حلال، هدخلك جروب الشلة.
جوليا: أوك.

جوري: شباب، أنا ضفت جوليا معانا، رحبوا بيها.
مريم: إيه الهبل ده؟ جوليا مين؟
ياسين: إيه؟ إحنا ما نعرفش حد بالاسم ده!
جوري: بااااااس بقى منك ليها! أولًا، جوليا جديدة في الشلة، ثانيًا، هي قدمت في كليتنا وهتكون معانا.
مريم: هاي جوليا، أنا مريم.
جوليا: هاي، ممكن تنادوني جولي؟
حسام: دلع ده؟
جوليا: آه، دلع.
ملك: جوري، انتي كنتِ فين كل ده؟ أنا رنيت عليكِ، كنتِ فين؟
جوري: هنا كانت تعبانة أوي وأغمي عليها، وأنا وكرم وعليا كنا خايفين أوي.
جوليا بخوف: إيه اللي حصل؟
جوري: أصل الأسبوع الجاي سنوية ماما، وإحنا بنسافر ليها في الوقت ده وبنفضل هناك أسبوع.
مريم: الله يرحمها.
جوري: يارب، يارب.
حسام: يعني كده أسبوع لا هنعرف نكلمك ولا هنعرف نوصل لك؟
جوري: آه.
جوليا: ليه مش هنعرف نكلمك؟
جوري: علشان إحنا بنقفل الفون كلنا وبنفضل مع بعضنا بس في بيت جدو، البيت اللي اتربت فيه ماما.
ملك: هي مش كانت فيلا؟
جوري: آه، فيلا، بس أنا مش هفضل أقول فيلا، هو بيت.
ياسين: خلي بالك من نفسك يا جوجو.
جوري: حاضر، أنا مسافرة بكرة.
ملك: هتوحشيني أوي أوي يا جوجو.
جوري: والله وإنتو كمان يا عيال.
حسام: عيال؟ يلا يا بت من هنا!
جوري: هههههه طيب، ما تزقش!
ملك: جوري، هو كرم مش بيتكلم ليه؟ كلنا قاعدين.
جوري: كرم جنب هنا، من وقت ما فاقت وهو جنبها.
جوليا: ربنا يخليكم لبعض.
جوري: آمين، يلا سلام بقى، لازم أحضر شنطتي.
الكل: سلام، خدوا بالكم من جولي، البنت جديدة، هدوا اللعب شوية.
حسام: ههههه ماشي يا كبيرة.

---

على طاولة الطعام، كانت تجلس جوليا شاردة الذهن.

عائشة: مالكِ يا جوليا؟ مش بتاكلي ليه؟
جوليا: جوري مسافرة.
علي باهتمام: فين؟
جوليا: بتقول الأسبوع الجاي سنوية مامتها، علشان كده هي بتسافر مع إخوتها، بيقضوا أسبوع هناك وبعد كده بيرجعوا بس.
عائشة: بس إيه؟
جوليا: جوري كانت بتقول إن هنا النهارده تعبت أوي وأغمي عليها، وكانت حالتها صعبة أوي.
(نهض علي بخوف.)
علي: أنا هروح لهم!
عائشة: رايح فين يا علي؟ هتروح لهم إزاي بس؟
علي: ولادي محتاجيني، بنتي تعبانة.
عائشة: هي لو شافتك، هتتعب أكتر وأكتر.
علي: قصدك إيه؟
(أخبرته عائشة برأي كرم وإخوته فيه، وكم الكراهية التي يكنّونها له.)
علي بحزن: للدرجة دي بيكرهوني؟
عمار: اهدا يا بوب، أكيد هنلاقي حل ويتقبلوك إن شاء الله.
جوليا: كلها أسبوع ونص وتشوفهم كلهم.
علي: إزاي؟
جوليا: عيد ميلادي يا بابي، أنا دلوقتي صحبت جوري وهطلب منها تيجي هي وكل إخوتها على الحفلة، وقتها تقدر تشوفهم.
علي: فكرة حلوة، ربنا يسهّل الحال.