وقعت اسير صاحبة العيون الزرقاء

27

اتجهت هنا إلى أحد المطاعم وهي في قمة سعادتها، وبعد وقت طويل بالنسبة لها ستستطيع التخلص ممن كان السبب في مقتل والدتها. كان إخوتها هناك ينتظرونها.

هنا بسعادة: أهلا بالحلوين، وحشني!
نظروا لها بغضب، وبعد ثانية جميعهم: هههههههههه.

كرم: أذكى أخت في العالم.
جوري: ياااه، أخيرًا هنخلص منهم.
عليا: أنا لسه زعلانة منك.
هنا: ما انتي عارفة يا قلبي إنها كانت لعبة، معلش بقى، سماح المرة دي.
كرم: يستاهلوا اللي هيحصل فيهم، أخيرًا، أنا مش طايق عمار ده.
جوري: كل ما أفكر إني في نفس البيت مع اللي قتل أمي، أحس إني بغلي من جوا.
هنا: أنا مكنش على بالي كل ده، هما السبب، بيخططوا علشان يوقعونا، بس على مين! دانا هنا يا معلم، شكرًا يا لولو، انتِ سبب كل ده.
كرم: أذكى لولو في الدنيا! لو مكنتيش بترقبيهم وبتصوري لنا كل حركتهم، مكنّاش عرفنا حاجة خالص.
عليا: أنا عملت اللي قلتولي عليه بس.
هنا: الفضل كله يرجع لرعد بيه، ساعدنا كتير بالاقتراح ده، كنت خلاص يائسة.
كرم: وجوازك منه؟
هنا: على الورق لمدة محدودة، وبعد كده هنطلق.
كرم: ليه؟ هو بيحبك أوي.
هنا: انت عارف منظوري ووجهة نظري في الأغنياء اللي زيه، كلهم زي علي العمري، لا فرق.
جوري: طيب وأنا؟
هنا: بعدين نشوف هيحصل إيه، أهم حاجة دلوقتي نكمل في الخطة، لازم نقرب منهم الفترة الجاية لحد ما ناخد منهم الورق اللي احنا عاوزينه، اللي يخص حضانة عليا، وعلشان اللي عملناه ينجح.
كرم: معاكي حق، احنا هنعمل اللي أنتي ورعد بيه عاوزينه، ونخلص بقى.
هنا: بس جوري، أنا مش كنت بزعل من مقلبك، عاوزاكي في اليوم تبدعي على الآخر.
جوري: من عيوني.
عليا: وأنا يا هنون، أعمل إيه؟
هنا: انتي يا قلب هنا، هتفضلي زعلانة مني، وكرم هيفضل يتعصب عليا، وأنا طبعًا محدش منكم يزعل مني على أي تصرف يحصل مني، انتو عارفين كل ده تمثيل وكده.
الجميع: طبعًا عارفين.
هنا: أنا متفائلة.
جوري: وأنا جعانة أوي.
عليا: وأنا.
كرم: أنا النهاردة مبسوط، اطلبوا اللي انتو عاوزينه، وأنا معاكم.
هنا: أنا اللي هدفع.
كرم: ليه؟ كيس جوافة أنا يا هانم؟
هنا: 😂😂😂 دانت حبيبي يا كوكي.
جوري: لا، كيس جوافة بس من الغالية  يعني.
كرم: هنون، سكّتيها لأقتلها هنا.
هنا: بس انت وهي، احنا في المطعم!

في فيلا العمري

كانوا يخططون في الخطة الثانية، كيف سوف يكسبون ثقة هنا وإخوتها.

في مكتب رعد

كان هو وسيف مجتمعين ومعهم ملك.

سيف: فهمتي يا بنتي؟
ملك: هممم، يعني شوية.
رعد: ملك، كل اللي هتعمليه إنك بعد ما تتجوزي كرم، هتشهدي إن جوازنا أنا وسيف كان قبل سنة من وقت رجوع علي العمري وعيلته بس.
ملك: ماشي، ماشي، فهمت.
رعد: وانت يا عم سيف، إيه حوارك؟
سيف: فهمت، أول ما نتجوز أنا وجوري، هاخدها ونطلع على ألمانيا، ومن ألمانيا لباريس بجواز سفر حقيقي، أما رحلة ألمانيا بجواز سفر اتنين من اللي بيشتغلوا عندنا، وأخذ ورق يثبت إني وجوري كنا بره البلد، مشفناش علي ولا حتى حد من عيلته، وهننزل لما ييجي الوقت اللي انتو حددتوه.
رعد: تمام كده.