وقعت اسير صاحبة العيون الزرقاء

23

ارتدا كرم ملابسه كان وسيم بيهم للغايه
كرم. رد بقا ياعم انت فين
عائشة. ربنا معاك ويوفقك
عمار.خلى بالك من نفسك
كرم. انشاء الله
دلف حازم وهو يحمل عليا على كتفه وبيده اكياس كتير او والعاب كثيره
كرم. كنتو فين كل ده كنت قلقان عليكم ايه مش بترد على الفون ليه
حازم. انت اهبل يالا انت  ايه انت مش شايف الاكياس دى كلها هرد  ازى يا اذكا اخواتك
كرم. طيب ياعم متزقش هات عليا عنك وحملها
عليا. كان يوم حلو اوووى حازم جبلى ايس كريم  وشكولاته كتير ولعب كتير وهدوم كمان
كرم. ليه كل ده على فكره انا موجود وبشتغل
حازم. اخرس يالا انت مالك عليا اختى زى ما هى اختك انت ملكش دعوه انا ليه فى اخواتك اكتر منك ولا انت عندك كلام تانى
كرم. عيب عليك يامعلم دانت اخويا الكبير برده
حازم. غصب عنك جهزت
كرم. ايه رايك مز صح
حازم. هههههه صح الا بقلك هى المزه جيه 😉صح
كرم. حااازم ايه مزه دى يرضيك اقول على ندى مزه
حازم. ولا دى مرات اخوك
كرم. طيب ما ملك كمان هتكون مراتى
حازم. انا خايف من ردت فعل هنا
كرم. انا اللى خايف صح هى اختى بس انت عارف انى بعتبرها امى
حازم. هتعمل ايه لو رفضت العلاقه دى
كرم. هبعد عن ملك وهنساها كمان صح هيكون صعب بس هحاول
حازم. هتستسلم بالسهوله دى
كرم. مش حكاية  استسلام بس هنا اغلى عندى من اى حاجه حتى لو كانت ملك مش هضحى باختى اللى ضحت كتير علشانى انا واخوتنا علشان حب كام شهر
حازم. انا فخور بجد بيك تربيت هنا نجحت بجد تعبها مرحش على الفاضى
كرم. صدقنى هنا حياتى كلمتها سيف على رقبتى دى لو قلتى انى ارمى نفسى فى البحر مش هتردد ابدا انى اعمل كده
حازم. ربنا يخليكم لبعض ويخليكم ليا
ضمه كرم. حبيبى يازومى انت كمان مقصرتش  معانا وبجد ونعمه الاخ اللى زيك
حازم. يالا عيب عليك داحنا اخوات متقلش كده
عليا.يلا بينا اانا عاوزه اشوف هنا يلا
عمار.ياريت متتاخرش انت معاك بنات
كرم.والله البنات معاهم بدل الراجل اتنين يعنى ريح نفسك انت بس
حمل حازم عليا على كتفه
كرم.ايه ده … ده دورى انا
حازم.بس يالا امشى قدامى
§____________®^®_______________§            
عند هنا جهزت نفسها وخرجت من الفيلا مسرعه
متجها الى حيث المباره
كان رعد دالف الى المنزل بسيارته
رعد.هنا رايحه على فين
هنا.حاجه متخصش حضرتك
رعد.لا تخصنى باقى لسه ساعه ويخلص دوام الشغل
هنا.ااه ماشى انا رايحه عند كرم عنده مباره انهارده
رعد.فين
هنا.اسال دكتور سيف هو رايح انهارده بعد اذنك هتاخر
رعد.اركبى
هنا.شكرا بعرف اروح لوحدى
رعد.قلت اركبى
هنا.لا مش ركبه
رعد.خصم يومين كملين
ركبت هنا السياره بغضب شديد.اتنيلت ركبت
هاتف رعد كرم
كرم.اهلا رعد بيه
رعد.انا هوصل هنا للنادى
كرم.متتعبش حضرتك نفسك  انا واحازم جيين
رعد.لا احنا فى الطريق
كرم.طيب شكرا لحضرتك
رعد.ادى اخوكى عنده علم نمشى بقا
نظرت هنا الى الامام دون حديث
§____________®^®_______________§

عند جورى قد اتجهت الى مكتب سيف
جورى.دكتور ممكن ادخل
سيف.اقفلى الباب وراكى
جورى.لا طبعا يقولو علينا اه
سيف نهض واتجه الى الباب وقفله ووقفها خلفه وحصرها بينه وبين الباب
جورى.صلى على النبى ياعم التنين انت مالك فى ايه
سيف.كنتى حضناه ليه
جورى.هو مين ده
سيف.جورى انتى هتستهبلى الزفت اللى اسمه حسام
جورى.ااااه السلفى اه لا عادى اصلك من زمن ستى مكنتش بتعمل كده فى زمانك دلوقتى عادى
سيف بغضب.متحوليش تختبرى صبرى كتير لان العواقب مش هتكون حلوه
جورى.هدى نفسك بس كده وقلى انت زعلان من ايه كل الحكايه انى اتصورت مع الشله
سيف.انتى هبله واحد حاطت ايده عليكى عوزانى اسقفلك واقلك برافو احسنتى
جورى.سيف حسام و ياسين زى كرم وحازم   بالنسبالى
سيف.زى يعنى مش اخواتك يا هانم وبعدين انا بتحمل كرم بالعفيه لكن حازم ده مش بينزلى من زور
جورى.ليه بس ده عسل وربنا
سيف بغضب.جووووورى اتلمى
جورى.ههههه طيب ياعم الغيور يلا هنتاخر على المباره
سيف.يلا
§____________®^®_______________§