وقعت اسير صاحبة العيون الزرقاء

15

وصلت البنات إلى الفيلا.
جوليا: أهلًا بيكم في بيتي.
جوري: بيتك حلو أوي جولي.
جوليا: عيونك الحلوين.

دخلوا إلى الفيلا.
جوليا: مامي، دادي، إحنا جينا.

اقتربت منها عائشة: أهلًا أهلًا يا حبيبتي، نورتِ البيت أنتي والعسل الصغير.
جوري: البيت منور بصحابه يا طنط.
عائشة: أنتي زي جوليا بنتي، ناديني ماما.
جوري: أحـم، أنا كان عندي أم واحدة بس، ومش مستعدة أنادي حد غيرها بماما، آسفة.
عائشة: اللي يريحك يا قلبي.

علي نزل سريعًا، ولكنه سرعان ما تمالك نفسه.
علي: أهلًا وسهلًا، إزّيكم يا بنات؟
جوري: الحمد لله بخير، إزّيك انت يا عمو؟
علي بحزن: من كلمت عمو... الحمد لله يا حبيبتي، اتفضلوا.

جلست جوري بجوار عليا التي كانت تلعب في هاتفها، لا تعطي اهتمامًا لأحد، حتى رنّ الهاتف.
عليا: ألو؟
كرم: قلبي الصغير فين دلوقتي؟
عليا: أنا مع جوري في بيت صحبتها.
كرم: مين صحبتها دي؟
عليا: نفس البنت بتاعة المول.
كرم: ادهاني.
عليا: جوجو، خدي كوكي على الفون.
جوري: ألو يا كرم، عملت إيه في الامتحان؟
كرم: الحمد لله، لسه فاضل ساعة وأدخل الامتحان.
جوري: إن شاء الله هتجيب تقدير عالي، وتبقى أحلى دكتور في العالم يا حبيبي. يا سلام عليا وأنا أخت الدكتور!
كرم: هههههه، الهبلة أخت الدكتور.
جوري: بارد وربنا! لما أروحلك يا لوح!
كرم: أنا لوح يا بنت؟
جوري: آه انت، يا كرم بيه. إلا إيه موضوع ملك، ها؟
كرم: أحـم، ملك! إزّاي يعني؟
جوري: على ماما يلا، دانا جوري، كل أخباركم عندي يا كبير! النهارده هسمع منك كل حاجة، وإلا هروح وأقول لهنا، وانت حر بقى.
كرم: يستر عليكي يا بومة!
جوري: اقفل بقى، بطل رغي.

علي بحب: أنتي مخطوبة؟
جوري: لاااا، خطوبة إيه؟ بعد الشر عليا، أنا سنجل وأفتخر!
عمار الذي حضر لتوه: ليه، أنتي مش بنت؟
جوري: آه بنت، بس دي حاجة مش بإيدي، كله بإيد ربنا. وهنا أختي.
عمار: وهنا ليه؟ هي اللي هتتجوز؟
جوري: تقدر حضرتك تتجوز من غير موافقة مامتك؟
عمار: لا طبعًا.
جوري: تمام، أنا نفس الكلام. هنا أختي، هي في مقام مامتي، هي اللي ربتني، بسببها وصلت لهنا، وعُمري ما هعمل حاجة غصب عنها.
علي: ليه؟ أهلك فين؟

نظرت له عائشة.
جوري: ماما متوفية من 10 سنين.
علي: الله يرحمها. طيب ووالدك؟
تغيرت ملامح وجه جوري إلى الضيق: معرفش عنه حاجة، ولا عاوزة أعرف عنه حاجة. بالنسبة لي، أنا وإخواتي، المجرمين ملهمش مكان معانا.
علي: وهو عمل إيه؟
جوري: ولا حاجة، قتل أمي بس، مش أكتر. واحد مريض نفسي. أنا بكرهه بجد، وبكره اسمه.
علي بحزن: ربنا يخليلك إخواتك.

اقتربت ديما من عليا.
ديما: تعالي العبي معايا.
عليا: لا، مش عاوزة ألعب، أنا مش أعرفك أصلًا.
ديما: أنا ديما، ممكن نكون أصحاب؟
عليا: لا، مش بصاحب حد، عندي أصحاب كتير.
جوري: عليا، عيب كده!
عليا: أنا بقول الحقيقة، أنا مش حبتها.
جوري: عليا!
نظرت لها ديما بدموع وذهبت.
جوري: حلو اللي أنتي عملتيه ده؟
عليا: مش هعمل حاجة، أنا مش بحبها.
عائشة: اهدى يا حبيبتي، اعتبري ديما زي أختك.
عليا: شكرًا، أنا عندي 3 بس، هنا وكرم وجوري، دول كفاية أوي.
عمار: إيه رأيك في شوكولاتة؟
نظرت له، ثم أعادت نظرها إلى الهاتف مرة ثانية: شكرًا، مش بحبها.