وقعت اسير صاحبة العيون الزرقاء

21

---

عند هنا كانت تقرأ أحد الكتب المتعلقة بالطبخ بتركيز.
جوري: هنون، كرم وعليا فين؟
هنا: راحوا يجيبوا حاجات.
جوري: أنا نازلة تحت.
هنا: ليه؟
جوري: هشوف كرم.
هنا: مش عاوزة مشاكل، إحنا مش في بيتنا.
جوري: أوكي.

كانت جوري في طريقها إلى خارج الفيلا، وكانت جوليا تجلس بجانب عمار وديما يشاهدون التلفاز.
دخل كرم وهو يحمل عليا على كتفه ويداعبها، وهي تضحك وتضم رأسه بحب.

جوري، وهي تضع يدها في خصرها: أهلا يا أستاذ، أنت والهانم كنتوا فين؟
كرم باستفزاز: وإنتي مالك يا حشرية؟ أنا ولولو كنا في مشوار.
ضربته على كتفه: مختنيش ليه ها يا بارد أنت؟
عليا: لا، أنا وكوكي بس، صح يا كوكي؟
كرم: صح يا قلب كوكي.

همّت جوري بضربها ولكن كرم ابتعد.
كرم: أوعي تقربي منها والله، إنتي حرة.
عليا: 😛
جوري: بقا كده؟ والله ما أنا سيباكي.

وبدأ العراك هي وكرم معًا، وعليا تضحك عليهم، وأيضًا عمار وإخوته مستمتعون بالعرض.
خرجت هنا وأيضًا علي وعائشة على صوتهم.

هنا من الأعلى: كرم، جوري، اطلعوا حالًا!
جوري: هو اللي...
هنا: سمعتوا أنا قلت إيه؟
كرم: اهدي يا حبيبتي، إحنا طالعين أهو.

دخلت هنا إلى الغرفة.
كرم: قدامي يا أختي.
جوري: متزقش طيب.
عمار، بعدما سيطر على نفسه من الضحك: بابا، أنا حابب الوضع ده.
جوليا: هههه وأنا كمان.
ديما: أنا عاوزة كرم يعاملني زي عليا.
عمار: تعالي يا قمر، أنا ألعب معاكي.

وبدأ في مداعبتها وهي تضحك.

عائشة: يارب هنا والولاد يتقبلوا بعض، هنكون عيلة حلوة أوي.
علي: أحلى وإحنا مع بعض.

---

في صباح يوم جديد في فيلا الحديدي

كانوا متجمعين على طاولة الطعام.
ناهد: جدتكم جاية بعد يومين.
ملك: أخيرًا! مين أقنعها ترجع؟ أصلها لما بتروح عند صاحبتها بتنسانا خالص.
رعد: كويس، هبعت حد يجيبها.
سيف: كده أنا الأسبوع الجاي إجازة.
ناهد: ليه؟ مش عوايدك يعني.
رعد: ماما، هو هيأخذ إجازة علشان موضوع تاني.
ناهد: إيه هو؟
سيف: أصلي نويت أتجوز.

ناهد وملك بصدمة: 😳 أنت؟
رعد: وأنا كمان.
ناهد: إيه الحكاية يا ولاد الحديدي؟
رعد: أنا طلبت إيد هنا من كرم وحازم.
ناهد بسعادة: بجد؟ وأخيرًا خدت الخطوة!
ملك: أيوه بقا، ماشية معاك حلاوة يا رعد بيه.
سيف: ما انتي كمان، أطلب إيدك، كرم طالب إيدك مننا، زي ما إحنا هنتجوز أخواته هو كمان عاوز يتجوزك.

ملك بخجل، نظرت إلى الأسفل.
ناهد: ألف مبروك، أخيرًا! أنا أصلًا بحب هنا وأخواتها وأكيد هيكونوا خير للبيت ده.
سيف: بس ياريت هنا توافق.
ناهد: هنا شافت كتير، بنت ربت 3 ولاد وحدها، ده في حد ذاته إنجاز كبير.
رعد: أمال أنا بحبها ليه؟ قد المسؤولية.
ناهد: ربنا يتمم على خير يا قلبي.