وقعت اسير صاحبة العيون الزرقاء

17

بعد مرور أسبوع
كانت هنا في المطبخ حتى دلفت عليها جوري

جوري: هنون
هنا: نعم يا حبيبتي
جوري: روحي البسي علشان هتجي معايا
هنا: على فين؟
جوري: مشوارين
هنا: آه يعني فين؟
جوري: بصي يا ستي أولًا كده عيد ميلاد صاحبتي جوليا بعد يومين وعاوزة حاجة جديدة
هنا: تمام، أول مشوار المول والتاني؟
جوري: عاوزاكي انتي وعليا معايا الحديقة اللي في وسط البلد
هنا: ليه بقى؟
جوري: أصحابي هيموتوا ويشوفوكي انتي وعليا من كتر ما بقولهم عنك وبحكلهم، عاوزين يشوفوكي
هنا: تمام عيوني ليكي، هروح ألبس أهو

اتجهوا إلى غرفهم وجهزوا نفسهم
ارتدت هنا ملابسها وكانت عبارة عن فستان طويل رقيق من عدة ألوان صيفي

وارتدت جوري بنطلون جينز أسود وتيشرت رقيق صيفي بكم

جوري: يلا بينا
هنا: عليا فين؟
جوري: عند خالتو عيدة، هناخدها من هناك

ذهبوا إلى المول وأنهوا شراءهم وبعد ذلك اتجهوا إلى الحديقة حيث حسام وياسين، ملك التي تحاول تقليد هنا في كل شيء حتى طريقتها في ارتداء الملابس، وجوليا وديما كانت معها

دخلت جوري وهي تضع يدها حول يد هنا التي تحمل عليا

جوري: هاي شباب، وسلمت عليهم واحدًا تلو الآخر
حسام: القمر دي مين؟
جوري: احم احم، دي هنا أختي
كان ياسين ينظر لها بانبهار من جمالها من بداية دخولها للمكان
جوري: ودي عليا، آخر العنقود
حسام وهو يمد لها يده: أهلًا يا آنسة هنا، بجد من كتر كلام جوري عليكي شوقتنا نشوفك
هنا: أنا مقدرش أرفض لها طلب وهي عارفة كده
ضمتها جوري: أحلى هنون في الدنيا

كانت جوليا وديما ينظرون لهنا بحب شديد، إنها أختهم الكبيرة
سلمت عليهم هنا جميعًا حتى وصلت لجوليا

هنا وهي تمد يدها لها: هاي
جوليا: هاي، أنا جوليا، ممكن تناديني جولي؟
هنا: أوكي يا جولي، ونظرت إلى ديما ونزلت على قدميها: هاي يا صغنن، إيه القمر ده؟ اسمك إيه يا عسل انتي؟
ديما: اسمي ديما
هنا: اسم غريب بس حلو، عجبني
عليا بغيرة وغضب: هنا، تعالي العبي معايا
اتجهت لها هنا: حاضر يا حياتي، تعالي

جوري: رايحة فين؟
هنا: همرجح عليا هناك
جوري: أوك

ذهبت وبدأت تلعب مع عليا، كانت تنظر ديما لهم وتود أن تلعب معها هنا هكذا

بعد قليل حضر كرم إليهم

كرم: أهلًا بالرجالة الحلوة
جوري: جيت بدري يعني؟
كرم: آه، خلصت شغل بسرعة النهاردة
حسام: اشتقنالك يا برنس والله، وضمه
ياسين: مقُلتلناش إن عندك أخوات قمرات غير جوري
كرم باستفهام: قصدك إيه؟
حسام: أخواتك هنا وعليا
كرم بغضب: هنا أختي؟ انت شفتها فين؟
ياسين: اهدى يا عم، هي هناك أهي

نظر لها وجدها تلعب مع عليا ويضحكون، اتجه لهم

كرم: هنا
نظروا له، واتجهت له وضمته