بدأ إسبوع جديد بأحداث جديده
دخل مكتب مريم رجل طويل يوازي مالك طولاً ، لكنه نحيف على عكس بُنيَة مالك الرياضيه ، قال بلهجه لطيفه : مساء الخير
= مساء النور
- أنا طارق مهندس ال IT معايا معاد مع متر مالك
= أيوه هو قالي ، بس معاه موكل جوه ، أول ما يطلع هبلغه بوصولك ، اتفضل إرتاح
جلس الموظف على المقعد أمامها وأخذ يحدق في مريم بطريقه ملحوظه ، لكن مريم أكملت عملها متجاهله نظراته ... بعد مرور خمس دقائق خرج الموكل من مكتب مالك فتوجهت مريم إلى مالك تبلغه بوصول الموظف فطلب منها أن تلحقه إلى غرفة الإجتماعات
في غرفة الإجتماعات قام مالك بتعريفها على الموظف قائلاً :
- ده مهندس طارق، هو عملنا سيستم عشان نسجل عليه كل القضايا اللي إحنا شغالين عليها، عشان لو الورق والملفات تلفت أو حصلها أي حاجه تكون كل حاجه محفوظه على اللاب توب ، وأنا عايزك تتعلمي معايا السيستم شغال إزاي عشان دورك تسجلي عليه القضايا الموجوده في الأرشيف ، نظرت نحوه مريم بسخط فالقضايا الموجوده في الأرشيف كثيره جداً
قام طارق بتوصيل اللاب توب إلى شاشة العرض ، وجلست مريم ومالك كلاً على حدا في طاولة الإجتماع وأمام كل منهم اللاب توب الخاص به وطارق يشرح لهم خطوات تسجيل القضايا في السيستم الجديد ، أمضى طارق أول دقائق من الشرح يسترق النظرات نحو مريم ، حتى لاحظ نظرات مالك الناريه نحوه فاصبح ينظر إلى أي مكان عداها
انتهى طارق من الشرح ، وأوصله مالك إلى الخارج ثم عاد مالك إلى مريم ، سألها :
- فهمتي يا مريم ؟
= أيوا يا أستاذ مالك
- عايزك تبدأي من الإسبوع ده شغل على الأرشيف كل يوم عشان نخلص في اقرب فرصه إن شاء الله .... أنا باقي الإسبوع مش هاجي المكتب خالص عندي شغل بره
فرحت مريم في سرهاوانعكست فرحتها على وجهها لترتسم ملامح الإنزعاج الواضح على وجه مالك
-------------------------------
رن هاتف سُهيله مره أُخرى وابتسمت ما ان لمحت اسمه على الشاشه :
- ألو
- مِس سُهيله إزيك
- كويسه الحمدلله يا كابتن
- يارب دايماً ، إنتي متعرفيش أنا فرحان إزاي لما لقيت يحيى جايب الفول مارك (full mark (
أنت تقرأ
الوجه الآخر للتحدي
Romanceوصيه هي سبب لقاء مريم بالمحامي الشاب مالك هي تجردت من انوثتها لتجاري الرجال و هو لا يثق في النساء لتجعلهم الظروف يعملون تحت سقف مكتب واحد لينشأ تحدي اثبات الذات وينمو العداء بينهم لكن للقلب نداء آخر.....
